Filipe 3:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ E, bulelela mene, ndi mbala bintu bionso bu tshintu tshijimina bualu bua bulengele butambe bua kumanya kua Kilisto Yesu, Mukelenge wanyi; unakajimishila bintu bionso bua bualu buandi, ne ndi mbibala bu bintu bia kuela ku diala bua meme mpete Kilisto,

MUKANDA WA MYIDI MUKULU

⁸ Tshiena ngamba amu bua biobi abi to. Kadi nkadi ntangila bionsu bidi ne mushinga bu bintu bia kuimansha, bualu bua tshiuma tshipite buimpe etshi: kumanya Yezu Kristu, Mfumu wanyi. Bualu buende Yeye, ndi muimanshe bionsu bivua ne mushinga ku mesu anyi. Ndi mbitangila bu bintu bia kuela mu dyala, bua mmone mua kupeta Kristu,

Filipe 3:8 交叉引用

Rome 8:18

Bualu bua ndi mbala makenga a mu tshikondo etshi ne, Kêna makumbane bua kuelekeshibua ne butumbi budi buamba kumueneshibua kutudi.

Bienzedi 20:24

Kadi tshiena mbala muoyo wanyi bu tshintu tshia mushinga mukole kundi, binamanya mua kushikisha tshidikishilu tshianyi tshia lubilu ne mudimu unakuangata kudi Mukelenge Yesu wa kumanyisha bantu lumu luimpe lua ngasa wa Nzambi.

Filipe 3:7

Kadi malu akadi a mushinga muimpe kundi, nguou au nakabala bu tshintu tshijimina bua Kilisto.

Yowanane 17:3

Eu udi muoyo wa tshiendelele, bua bobo bakumanye wewe, Nzambi umuehele mulelela, ne yeye uwakatuma, Yesu Kilisto mene.

Filipe 3:10

Mbua meme kumumanya yeye, ne bukole bua dibika diandi ku lufu, ne buobumue nʼandi mu makenga andi, muikale mufuanyikishibue nʼandi mu lufu luandi;

2 Petro 1:3

Mbu mudi bukole bua bunzambi buandi, buakatuha bintu bionso bidi bua muoyo ne bua buimpe bua Nzambi, bualu bua kumanya kuetu kua yeye wakambikila bua butumbi buandi buine ne bua buimpe buandi.

1 Korente 2:2

Bualu bua nakadisungula munda bua meme tshimunyi bunga bualu munkatshi muenu, anu Yesu Kilisto, ne yeye mushihibue ku mutshi mutshiamakane.

1 Yone 5:20

Tudi bamanye ne, Muana wa Nzambi wakumana kulua wakutuha meshi bua tuetu tumumanye yeye udi wa bushua; ne tuetu tudi munda mua udi wa bushua, munda mua Muana wandi Yesu Kilisto mene. Eu udi Nzambi wa bushua, ne udi muoyo wa tshiendelele.

Yowanane 17:8

bualu bua mei awakumpa nakubahau; bakuitabusha, bakumanya bulelela ne, Nakufuma kûdi; bakuitabusha kabidi ne, Wewe wakuntuma.

Yowanane 14:20

Mu ditutu adi nenumanye ne, Meme ndi munda mua Tatu wanyi, nuenu nudi munda muanyi, meme ndi munda muenu.

Ebrewu 3:14

Bua tuetu tuakulua babanyanganyi ne Kilisto, bitualamata ku tshibangidilu tshia dieyemena dietu tô ne kunshikidilu;

2 Korente 4:6

Bualu bua Nzambi nguakamba ne, Munya neuteme mu mîdima; yeye wakatema mu mitshima yetu bua kutuha dinkenka dia lungenyi lua butumbi bua Nzambi ha mpala ha Yesu Kilisto.

Yowanane 14:7

Bu nuenu banmanye meme, nuakadi kumanya Tatu wanyi kabidi; nudi bamumanye katataka ne tshiendelele, nuakumumona.

Yeshaya 53:11

Yeye neamone kanyinganyinga ka muoyo wandi, neasanke; muntu wanyi muakane neavuishe bantu bangi bakane ne kumanya kuandi kua Nzambi, neabatuadile malu mabi abo.

Efeze 4:13

tô ne hatuaheta buonso buetu buobumue bua ditabusha ne bua kumanya kua Muana wa Nzambi, tô ne hatuafika ku mulongo wa muntu mukole, tô ne ku luidi lua dikola didi mu tshiuwidi tshia Kilisto.

2 Petro 3:18

Kadi nudiunde mu ngasa ne mu dimanya bia Mukelenge wetu ne Musungidi Yesu Kilisto. Butumbi buikale kudiye katataka tô ne ku dituku dia tshiendelele. Amen.

1 Yone 1:3

malu atuakutangila ne atuakunvua, tudi tunuambila kabidi, bua nuenu nuangate buobumue nʼetu; bulelela, buobumue buetu budi ne Nzambi ne Muana wandi Yesu Kilisto,

2 Timote 4:6

Bualu bila ntshidi mpongolodibua bu mulambu wa bia kunua, ne tshikondo tshia tshimuangi tshianyi tshiafiki.

Yowanane 20:28

Toma wakamuandamuna ne, Mukelenge wanyi ne Nzambi wanyi.

Yowanane 16:3

Nebenze malu â bualu bua kabakamanya Tatu, kabakanmanya meme kabidi.

Misambu 126:6

Udi uya biandi, wenda udila, mutuale maminu bua kukuna, neahingane bulelela ne mbila ya disanka, mutuale bisumbu biandi bia blé.

1 Yone 2:19

Bobo bakumuka munkatshi muetu, kadi kabakadi betu mene; bu bobo bikale betu, bakadi kuikala nʼetu; kadi bakumuka bua bobo bamueneshibue ne, Buonso buabo kabakadi betu mene.

1 Petro 2:7

Nunku mushinga mukole wadi udi kunudi badi bamuitabusha; kadi kudi badi kabai bamuitabusha, udi dibue diakahidiabo kudi bibaki ba nsubu, diodio diakavuishibua mutu wa ditumba;

Ngalate 1:16

kubulula Muana wandi munda muanyi bua meme kuambila ba mu bisamba bia bende lumu luimpe luandi; tshikondo atshi tshiakahunga dî ne bantu.

2 Korente 4:4

bakafofomishabo mesu a meshi a badi kabai bitabusha kudi nzambi wa tshikondo etshi, bua dinkenka dia lumu luimpe lua butumbi bua Kilisto, udi tshifuanyikishi tshia Nzambi, kaditemi kudibo.

1 Korente 9:10

anyi udi wamba nunku anu bua bualu buetu? Bua bualu buetu bakafunda dî edi, bua muntu udi udima udi ne bualu bua kudima ne ditekemena, muntu udi ushihula udi ne bualu bua kushihula ne ditekemena dia kuangata bia kudia.

Yowanane 20:13

Bakamukonka ne, Mukashi, udi udidila tshinyi? Yeye wakabambila ne, Bua bakuya ne Mukelenge wanyi, tshiena mumanye kuakumuladikabo.

Luke 11:20

Kadi bingikala ngumusha bademon ne munu wa Nzambi, bukelenge bua Nzambi buakumana kulua kunudi.

Dibadika 14:30

bulelela, nuenu kanuena nulua mu buloba bunakanulaya bua nuenu nushikamemu, anu Kaleba, muana mulume wa Yefune, ne Yoshua, muana mulume wa Nuna.

Luke 1:43

Bualu ebu buakulua kundi munyi, bua mamu wa Mukelenge wanyi wakulua kundi?

Malaki 2:3

Monai, nentekeshe maboko enu, nendabe tunvi ha mpala henu, tunvi tua nyama mifila bu milambu mu bidia bienu bia disanka; nebaye nʼenu ku muaba udibo batuimasha.

Yobe 20:7

hashishe, yeye neafue tshiendelele bu mudi tunvi tuandi tujimine; bakamumona diambedi nebakonke ne. Udi kudi kunyi?

2 Bakalenga 9:37

ne mubidi wa Izebele newikale bu tunvi ha mutu ha buloba bua Yizelele nunku kabena mua kuamba ne, Eu udi Izebele kabidi.

1 Bakalenga 14:10

nunku nentume malu mabi kudi ba mu nsubu wa Yalobama, nenshihe bana balume bonso ba mu nsubu wa Yalobama ne badi mu nsubu wandi ne badi ha bule mu Isalele; nenkombe ba mu nsubu wa Yalobama bu mudibo bakomba diala dia butue, tô ne hashikadi dionso.

Misambu 73:25

Ndi ne nganyi mu diulu anu wewe nkayebe? Kakuena mukuabo ha buloba undi musue anu wewe.

Rome 8:39

kakuena bule, kakuena ndondo, kakuena tshintu tshionso tshikuabo tshifukibua tshidi ne bukole bua kutuhandulula ku dinanga dia Nzambi didi mu Kilisto Yesu Mukelenge wetu.

Filipe 1:1

Paulo ne Timote, bahika ba Kilisto Yesu, kudi basanto bonso ba mu Kilisto Yesu badi ku Filipoi, ne bakulu batangidi ne bulami;

Filipe 3:12

Kembua nakamana kuheta buala ebu, anyi bua nakumana kuakashibua; kadi ndi ntshinta bikole, binamanya mua kukuata bualu buakunkuatshilabo kabidi kudi Kilisto Yesu bualu buabu.

2 Petro 1:2

Ngasa ikale kunudi ne ditalala divulangana mu dimanya dijalama dia Nzambi ne dia Yesu, Mukelenge wetu.

2 Petro 1:8

Bikala malu â ngenu ne biavulanganau, adi anuvuisha kanui batuke ne kanui nuhanga mamuma tô ne ku dinanga dijalama dia Mukelenge wetu Yesu Kilisto.