Ezela 10:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Tuhunge tshihungidi ne Nzambi wetu bua tuetu tûmushe bakashi aba bonso ne bana bakalelabo, bu mudi lungenyi lua mukelenge wanyi ne lua aba bonso badi bazakala ku mukenji wa Nzambi wetu; tuenze bualu ebu bu mukenji.

MUKANDA WA MYIDI MUKULU

³ Bualu netuditshipe kudi Mvidi Mukulu ne: netubenge bakaji benyi bonsu, ne bana badibu balele. Netulonde meyi anudi nufila, wewe Ezra ne bonsu badi bakumbaja biakane mikenji ya Mvidi Mukulu wetu. Netukumbaje bidiye musue.

Ezela 10:3 交叉引用

Ezela 9:4

Hashishe bakadisangisha kundi, muntu ne muntu, bakadi bazakala bua mei a Nzambi wa Isalele bualu bua bubi bua bantu aba bakumuka mu buhika; nakashikama hanshi ntua mikemu tô ne ku diba dia kufila mulambu wa ku dilolo.

Misambu 119:120

Mubidi wanyi udi uzakala bua dikutshina dianyi; ne ndi ntshina kulumbulula kuebe.

Misambu 119:59

Nakelangana meji a bienzedi bianyi, nakahingasha makasa anyi ku mei awakatumanyisha.

Nehemya 9:38

Kadi bua malu â onso netujadike nʼebe tshihungidi, netutshifunde, bantu betu banene ne Bena Lewi betu ne bakuidi betu nebatekeku tshimanyinu tshiabo.

2 Kulondolola 34:21

Yai bienu, nunkonkele Yehowa ne bantu badi bashala mu Isalele ne Yuda bua mei adi mu mukanda eu unuakasangana; bualu bua tshiji tshikole tshia Yehowa tshidi kutudi bualu bua batatuʼetu kabakatumikila mei a Yehowa bua kuenza malu onso adi mafunda mu mukanda eu.

Dielulula 29:12

bua nuenu nubuele mu tshihungidi tshidi Yehowa, Nzambi wenu, muhunge nʼenu ne mu kuditshiha kudi Yehowa, Nzambi wenu, muditshihe nʼenu lelu,

Yezekiyele 9:4

Yehowa mene wakamuambila ne, Hitshila mu musoko, munkatshi mua misesu ya Yelushalema mene, funda tshimanyinu ha mpala ha bantu badi bahumuna muoyo ne badi badila bualu bua malu a bundu adi bakuabo benza munkatshi muau.

Yeshaya 66:2

Yehowa udi wamba ne, Bua tshianza tshianyi tshiakufuka bintu ebi bionso, ne bintu ebi bionso biakulua bianyi. Kadi eu mmuntu undi ntekemena, nyeye udi ne mutshima muhuekele ne wa majia, udi uzakala ku dî dianyi.

Yeshaya 8:20

Tuye ku diyisha dia mikenji ne ku tshimanyishilu tshia dî dia Nzambi! Bikala bantu kabayi bambe dî didi diakanangane ne dî adi, bulelela, butuku kabuena buanze kubatshila.

Nehemya 8:14

Bakasangana bualu mu mukanda wa mikenji buakambila Yehowa Mose bua Bena Isalele bashikame mu bitandatanda, badie bidia bia disanka mu ngondo wa muanda mutekete;

Ezela 10:44

Aba bonso mbakadi babake bakashi ba bende; bakashi bakuabo bakabalelela bana.

2 Kulondolola 34:27

bualu bua mutshima webe wakanyingalala ne bua wewe wakadihuekesha ku mpala kua Nzambi hawakunvua mei andi akambeye bua muaba eu ne bua bantu badi bashikamamu, wakadihuekesha ku mpala kuanyi, wakadihanda bilulu biebe, wakadila ku mpala kuanyi, Yehowa udi Wamba ne, Meme kabidi nakunvua mei ebe.

2 Kulondolola 30:12

Tshianza tshia Yehowa tshiakadi kudi Bena Yuda bua kubavuisha mutshima umue, bua bobo batumikile mukenji wa mukelenge ne wa bantu bandi banene ku dî dia Yehowa.

2 Kulondolola 29:10

Katataka bualu budi mu mutshima wanyi bua kuhunga tshihungidi ne Yehowa, Nzambi wa Isalele, bua tshiji tshiandi tshikole tshiumuke kutudi.

2 Bakalenga 11:17

Yehoyada wakahunga tshihungidi hankatshi ha Yehowa ne mukelenge ne bantu ne, Tuetu netuikale bantu ba Yehowa; wakahunga tshihungidi tshikuabo hankatshi ha mukelenge ne bantu.

Yoshua 9:6

Bakaya kudi Yoshua mu tshitudilu ku Gilegala, bakamuambila ne Bena Isalele bonso ne, Tuetu tuakufuma kule ku buloba bukuabo, nunku nuhunge nʼetu tshihungidi.

Ezela 10:9

Hashishe Bena Yuda bonso ne Bena Benyamina bonso bakadisangisha mu Yelushalema mu matuku a asatu; bakadisangisha nunku mu dituku dia makumi abidi dia ngondo wa tshitema; bantu bonso bakashikama mu muaba munene wakadi ku mpala kua nsubu wa Nzambi, bazakale bua bualu ebu ne bua nvula munene.

Ezela 10:11

Nunku nutonde mibi yenu kudi Yehowa, Nzambi wa bankambua benu, nuenze bu mudi disua diandi; nuditahulule kudi bena buloba ne kudi bakashi ba bende.

Nehemya 10:1

Bantu bakateka tshimanyinu tshiabo ku tshihungidi bakadi Nehemiya gouverneur, muana wa Hakaleya, ne Sedekiya,