Ezela 1:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Nzambi ikale ne yonso wa bantu bandi bonso udi munkatshi muenu, aye ku Yelushalema mu buloba bua Yuda, bua kuashila Yehowa, Nzambi wa Isalele, nsubu, bua yeye udi Nzambi udi mushikame mu Yelushalema.

MUKANDA WA MYIDI MUKULU

³ Nanku, bantu bonsu bena tshisamba tshia Maweja-Nangila badi munkatshi muenu, bapingane mu Yerushalayime, mu ditunga dia Yuda, bua kuibakululamu nzubu wa Maweja-Nangila Mvidi Mukulu wa Izrayele, udibu batendelela mu Yerushalayime. Nanku Mvidi Mukulu wabu abambuluishe!

Ezela 1:3 交叉引用

Danyele 6:26

Ndi ngela mukenji ne. Mu nseke yonso ya bukelenge bundi nkokesha, bantu bazakale, bikale ne ditshina ku mpala kua Nzambi wa Danyele; Bualu bua yeye udi Nzambi wa muoyo, udiku tshiendelele; bukelenge buandi mbukelenge budi kabuyi mua kubutudibua kashidi, bukokeshi buandi nebuikaleku tô ne kunshikidilu kua malu onso.

Yirmeya 10:10

Kadi Yehowa udi Nzambi wa bushuwa; yeye udi Nzambi wa muoyo ne Mukelenge wa tshiendelele. Buloba budi buzakala hikaleye ne tshiji, ne ba mu bisamba bia bantu kabena mua kuimana ku mpala kua tshiji tshiandi.

Bienzedi 10:36

Yeye kabidi wakatumina bana ba Isalele dî, wakabambidila lumu luimpe lua ditalala kudi Yesu Kilisto (yeye udi Mukelenge wa bantu bonso);

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

Yeshaya 45:5

Meme ndi Yehowa, kakuena mukuabo nansha; kakuena nzambi mukuabo muomumue nʼanyi nansha; nenkusuike mukaba, wewe kuyi muanze kummanya nansha;

Yoshua 1:9

Tshiakukuambila, anyi? Ikala ne bukole ne mutshima wa dikima; kutshinyi, kukuatshiki buowa, bualu bua Yehowa, Nzambi webe, udi nʼebe kuonso kuwaya.

Dielulula 32:31

Bualu bua dibue diabo kadiena bu Dibue dietu nansha bikala bena lukuna balumbuluishi ba bualu.

Danyele 2:47

Mukelenge wakambila Danyele ne, Bulelela, Nzambi webe udi Nzambi wa nzambi yonso, Mukelenge wa bakelenge, musokolodi wa malu masokoka, bualu bua wewe wakumanya mua kusokolola bualu ebu busokoka.

Misambu 83:18

Mbua bamanye biabo ne wewe nkayebe, ngudi muidike dina dia Yehowa, udi Mutambe Bunene wa ha mutu ha buloba bujima.

1 Kulondolola 28:20

Davidi wakambila Solomo muanʼandi ne, Wikale ne bukole ne mutshima wa dikima, wenze bualu ebu; kutshinyi, kuhangi bualu ebu; bualu bua Yehowa Nzambi, Nzambi wanyi mene, udi nʼebe; yeye kena ukuhanga, kena ukulekela tô ne hawashikisha mudimu eu wonso wa mu nsubu wa Yehowa.

1 Bakalenga 8:23

wakamba ne, Yehowa, Nzambi wa Isalele, kakuena nzambi mukuabo bu wewe mu diulu anyi hanshi ha buloba: utu wamana bihungidi ne luse lujalame kudi bantu bebe badi benda ku mpala kuebe ne mitshima yabo yonso;

1 Bakalenga 18:39

Hakatangila bantu bualu ebu, bakatua mpala yabo hanshi, bamba ne, Yehowa, yeye udi Nzambi; Yehowa, yeye udi Nzambi.

Ezela 1:4

Yonso udi ushala mu muaba wonso udiye mushikame, bantu ba mu muaba wandi bamukuatshishe ne argent ne or ne biuma bikuabo ne nyama, ha mutu ha bintu bidi mitshima yabo misue kufila bua nsubu wa Nzambi wa mu Yelushalema.

Ezela 5:3

Ku tshikondo atshi Tatenai, gouverneur wa buloba bua dishiya dia muamua dia musulu wa Pelata, ne Shetâ-bozenai ne bena mulongo wabo, bakalua kudibo, bakabakonka ne, Wakunuelela mukenji bua kuasa nsubu eu ne bua kushikisha lumbu nganyi?

Yeshaya 37:16

Yehowa, Nzambi wa Isalele, udi mushikame mu nkuasa wa butumbi udi ha mutu ha bakeluba, wewe udi Nzambi, anu wewe nkayebe, wa makelenge onso a ha buloba; wewe wakufuka diulu ne buloba.

Ezela 4:3

Kadi Zelubabela ne Yeshua ne bakadi ku mutu kua biota bia batatu babo ba mu Bena Isalele bakabambila ne, Nuenu kanuena mua kuasa nʼetu nsubu wa Nzambi wetu; kadi tuetu nkayetu netuashile Yehowa, Nzambi wa Isalele, nsubu bu muakatuambila Kolesha, mukelenge wa Pelasa.

Ezela 5:13

Kadi mu tshidimu tshia kumudilu tshia bukelenge bua Kolesha, mukelenge wa Babulona, mukelenge Kolesha mene wakela mukenji bua kuasabo nsubu eu wa Nzambi.

Ezela 6:7

kanuhumbishi mudimu wa nsubu eu wa Nzambi; gouverneur wa Bena Yuda ne bakulu ba Bena Yuda base nsubu eu wa Nzambi mu muaba wandi.

Misambu 132:13

Bualu bua Yehowa wakusungula Siona; wakamunanga bu muaba wandi wa kuikaleye, wamba ne,

Yeshaya 44:28

udi wamba bua Kolesha ne, Udi mulami wa mikoko yanyi, nênze malu onso andi mudihangidishile. Udi wamba bua Yelushalema ne, Nebamuibake kabidi; ne bua ntempelo ne, Nebajadike bishimikidi biebe.