Ezela 1:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mu tshidimu tshia kumudilu tshia Kolesha, mukelenge wa Pelasa, bua kushikishabo dî dia Yehowa diakambeye mukana mua Yelemiya, Yehowa wakatabulusha mutshima wa Kolesha, mukelenge wa Pelasa; nunku yeye wakela mukenji ku nseke yonso ya bukelenge buandi, wakaufunda kabidi ne,

MUKANDA WA MYIDI MUKULU

¹ Tshidimu tshia kumpala tshia Bukalenga bua Koreshe, mukalenga munene wa bena Persa, Maweja-Nangila kukumbaja miaku yende ivua muambi Yirmeya muambe. Maweja-Nangila kupesha Koreshe meji a kuelesha diyi mu bukalenga buende bujima, kabidi a kufundisha miaku eyi ne:

Ezela 1:1 交叉引用

Yirmeya 29:10

Bualu bua Yehowa udi wamba ne, Hakumbanyina Babulona bidimu makumi muanda mutekete, nendue kunudi, nenshikishe dî dianyi dimpe dinakunuambila, nennuhingashe mu muabu eu.

Nsumuinu 21:1

Mutshima wa mukelenge mu bianza bia Yehowa udi bu misulu ya mai, yeye udi ûtuma kuonso kudiye musue.

Ezela 7:27

Disanka dikale kudi Yehowa, Nzambi wa bankambua betu, nguakateka bualu ebu mu mutshima wa mukelenge bua kulengesheye nsubu wa Yehowa udi mu Yelushalema,

Misambu 106:46

Yeye wakabayuisha bantu ba kufuidibua luse kudi bonso bakadi babakuata mu buhika.

Ezela 6:22

bakadia bidia bidi kabiyi ne luevene ne disanka matuku muanda mutekete; bualu bua Yehowa wakabavudishila disanka, wakakudimusha mutshima wa mukelenge wa Ashû kudibo bua kukolesheye maboko abo mu mudimu wa nsubu wa Nzambi, Nzambi wa Bena Isalele.

Danyele 2:1

Mu tshidimu tshibidi tshia bukokeshi bua Nebukadenesâ, yeye Nebukadenesâ wakalota bilota; mutshima wandi wakahampakana, kakadi ne tulu ku mesu.

Yowanane 1:23

Wakamba ne, Ndi bianyi di dia muntu udi wela lubila mu tshihela ne, Nululamishe nshila wa Mukelenge, bu muakamba muprofete Yeshaya.

Ezela 1:5

Hashishe bakajuka kudi ba ku mutu kua biota bia batatu ba mu Bena Yuda ne bia batatu ba mu Bena Benyamina, ne bakuidi ne Bena Lewi, buonso buabo mene bakadi ne mitshima mitabulushibue kudi Nzambi, bua kuyabo bua kulongolola nsubu wa Yehowa udi mu Yelushalema.

Ezela 4:3

Kadi Zelubabela ne Yeshua ne bakadi ku mutu kua biota bia batatu babo ba mu Bena Isalele bakabambila ne, Nuenu kanuena mua kuasa nʼetu nsubu wa Nzambi wetu; kadi tuetu nkayetu netuashile Yehowa, Nzambi wa Isalele, nsubu bu muakatuambila Kolesha, mukelenge wa Pelasa.

Ezela 6:3

Mu tshidimu tshia kumudilu tshia bukelenge bua mukelenge Kolesha mene, mukelenge Kolesha wakela mukenji eu bua nsubu wa Nzambi wa mu Yelushalema ne: Base nsubu au mu muaba wakadibo bafila milambu, bajadike bishimikidi biandi bikole; bule buabi nebuikale coudées makumi asambombo ne butshiama buabi nebuikale coudées makumi asambombo;

Ezela 6:14

Bakulu ba Bena Yuda bakasa nsubu, bakadi ne diakalengele bualu bua dî dia Nzambi diakabambila Hagai muprofete ne Zekâya, muana wa Ido. Bakasa nsubu, bakamushikisha bu muakadi mukenji wa Nzambi wa Bena Isalele, ne bu muakadi mukenji wa Kolesha ne Dayawesha ne Atashasete, mukelenge wa Pelasa.

Yeshaya 44:28

udi wamba bua Kolesha ne, Udi mulami wa mikoko yanyi, nênze malu onso andi mudihangidishile. Udi wamba bua Yelushalema ne, Nebamuibake kabidi; ne bua ntempelo ne, Nebajadike bishimikidi biebe.

Yirmeya 1:1

 mmei a Yelemiya, muana wa Hilekiya, muakuidi wa munkatshi mua bakuidi bakadi ku Anatota mu buloba bua Benyamina.

Yezekiyele 38:5

Ba mu Pelasa, Kusha ne Puta nebikaleku, buonso buabo bikale ne ngabu ne bifulu bia tshiamu,

Danyele 6:25

Hashishe, mukelenge Dayawesha wakafunda mukanda, wakautumina bantu bonso ba mu bisamba bionso ne ba miaku yonso, badi bashikame mu buloba buonso, ubambila ne, Ditalala divulangane kunudi!

Danyele 9:2

mu tshidimu tshia kumudilu tshia bukokeshi buandi, meme Danyele, nakatangila mu Mifundu ya Nzambi ne bidimu makumi muanda mutekete nebihite diambedi dibutuka dia Yelushalema kadiyi dianze kushika bu bungi bua bidimu biakambila Yehowa Yelemiya muprofete.

Yeshaya 45:1

Yehowa udi wamhila muntu wandi udiye muele manyi ha mutu dî, Kolesha mene, unakukuata ku tshianza tshiandi tshia bukole, bua kutulula bisamba bia bantu ku mpala kuandi, ne bua kusulula mikaba ya ku bimono bia bakelenge; bua kunzulula bibi ku mpala kuandi, ne bua bibi kabinshidi kabidi.

Danyele 1:21

Nunku Danyele wakashala mu mudimu eu tô ne ku tshidimu tshia kumudilu tshia bukokeshi bua Mukelenge Kolesha.