Estere 3:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Hamana wakambila mukelenge Ahashawelosha ne, Kudi bantu bakuabo bakamuangalaka munkatshi mua bantu ba mu nseke yonso ya bukelenge buebe; mikenji yabo idi mitahuluke ku ya bantu bonso; kabena batumikila mikenji ya mukelenge; nunku kambimpe bua mukelenge abitabushe.

MUKANDA WA MYIDI MUKULU

⁸ Amane kuambila mukalenga Ahashaveroshe ne: — Mukalenga, mu bukalenga buebe, mudi tshisamba tshia bantu ba mushindu mukuabu, bamuangalaka mu bitupa bionsu bia bukalenga buebe. Bibidilu biabu mbishilangane ne bia bantu ba bisamba bikuabu bionsu. Kabena banemeka meyi ne mikandu bia mu bukalenga to. Kadi tshiudi mulekele bantu aba basomba talalaa mu ditunga ntshinyi?

Estere 3:8 交叉引用

Dielulula 4:27

Yehowa neanumuangalashe munkatshi mua bantu bakuabo, nenuikale bantu bakehe munkatshi mua bisamba mudi Yehowa unutuma.

Lewitiki 26:33

Nennumuangalashe mu bisamba bikuabo, nempatule muele wa nvita ku nyima kuenu, buloba buenu nebuikale hatuhu ne misoko yenu neyikale mihaula.

Yakobe 1:1

Yakobo, muhika wa Nzambi ne wa Mukelenge Yesu Kilisto, kudi ba bisamba dikumi ne bibidi badi bena tshimuangi, ndi nuela muoyo.

Bienzedi 28:22

Tudi basue kunvua bualu bûdi wela meshi; bualu bua tshisumbu etshi, tudi bamanye ne, Badi batshibanda kuonso.

Bienzedi 24:5

Tuakusangana muntu eu mutatshishi wa bantu, ne mutomboshi wa Bena Yuda bonso ba ha buloba, udi biandi tshilobo tshia tshisumbu tshia Bena Nazaleta;

Yowanane 7:35

Bena Yuda bakakonkangana ne, Muntu eu neaye, kudi kunyi kutudi katu! bamanye mua kumumona? Neaye kudi bena tshimuangi munkatshi mua Bena Gelika, neayishe Bena Gelika, anyi?

Zekâya 7:14

Nakabatangadisha mu nvunde munkatshi mua bisamba bionso biakadibo kabayi banze kumanya. Nunku buloba buakumukabo buakabutudibua ku nyima kuabo, kakuakadi muntu wakayamu anyi wakafumamu; buloba buakadi busankisha mitshima ya bantu buakakudimuka tshikulu.

Yezekiyele 11:16

Nunku amba biebe ne, Yehowa udi wamba ne, Nansha bingikala mubatume kule munkatshi mua bisamba bia bantu, nansha bingikala mubamuangalashe munkatshi mua maloba makuabo, nakadi kudibo bu tshitendelelu tshidi katshiyi tshianze kukumbana munkatshi mua maloba akayabo;

Yezekiyele 6:8

Kadi nenshiye difuka dia bantu bakuabo munkatshi muenu bahanduke ku muele wa nvita wa munkatshi mua bisamba bikuabo, hanuamuangalashibua mu maloba makuabo.

Yirmeya 50:17

Isalele udi bu tshisumbu tshia mikoko idi mitangadisha, nyama ya ntambue yakumuihata. Diambedi mukelenge wa Ashû wakamumina, hashishe, mu tshikondo etshi Nebukadenesâ, mukelenge wa Babulona, wakutshibula mifuba yandi.

Nehemya 1:8

Ndi nkusengelela ne, Uvuluke dî diebe diwakambila muntu webe Mose ne, Binuenza malu mabi, nennumuangalashe munkatshi mua ba ha buloba;

Dielulula 32:26

Nakadi kuamba ne, Nembamuangalashe kule kuaka, nenjimishe tshivulukidi tshiabo munkatshi mua bantu;

Dielulula 30:3

hashishe Yehowa, Nzambi wenu, neakudimune buluka buenu, neanuleshe luse, neahingane kunudi, neanusangishe ba munkatshi mua bantu bonso muakanumuangalasha Yehowa, Nzambi wenu.

1 Petro 1:1

Petelo, mupostolo wa Yesu Kilisto, kudi bantu basungudibue kudi Nzambi, badi benyi bena tshimuangi, ba mu Ponto, Galatia, Kapadokia, Asia ne mu Bitunia,

Estere 3:9

Nunku biasua mukelenge, bafunde mukanda bua babutudibue; hashishe meme nenfile ntalanta ya argent binunu dikumi mu bianza bia bantu badi benzela mukelenge mudimu eu, balue nʼai mu tshibutshilu tshia mukelenge.

Estere 4:1

Hakamanya Môdekai malu onso akenzabo, Môdekai wakadihanda bilulu biandi, wakadiluatshisha bilulu bikayabala, wakadiela butue hamʼbidi, wakaya munkatshi mua musoko, wenda, udila bikole;

Yirmeya 33:24

Kuena unvua mei adi bantu aba bamba, anyi? Badi bamba ne, Yehowa wakuhidia bantu ba mu meku abidi akusunguleye. Nunku bakuhetula bantu banyi bua kabikadi kabidi tshisamba ku mpala kuabo.

Danyele 3:8

Mu diba adi Bena Kasada bakuabo bakasemena ha buihi, bakabanda Bena Yuda.

Danyele 6:13

Nunku bakakudimuna mukelenge di ne, Danyele au udi umue wa bahika ba Bena Yuda, kena ukunemeka, mukelenge, anyi mukandu uwakujadika ne dina diebe, kadi utshidi utendelela misangu isatu ku dituku ku dituku.

Dibadika 23:9

Bualu bua nakumutangila ku mutu kua mabue, nakamumona ku mutu kua mikuna, bantu aba badi bashikama ha buabo kabena babadibua munkatshi mua bisamba bikuabo.

Ezela 4:6

Mu bukokeshi bua Ahashawelosha, ku tshibangidilu tshia bukokeshi buandi, bakatanda mukanda bua kubanda ba mu Bena Yuda ne ba mu Yelushalema.

Danyele 6:14

Hakunvua mukelenge mei â, wakanyingalala bikole, wakahangidisha munda bua kuhandisha Danyele; tô ne bakabuela diba wakatshinta mua kumuhandisha.