Estere 3:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Bakatuma mikanda ei mu bianza bia bantu ku nseke yonso ya mukelenge bua kushihabo ne bua kubutulabo Bena Yuda bonso ne batekete ne banunu ne bana bakese ne bakashi dituku dimue, mu dituku dia dikumi ne asatu dia ngondo wa dikumi ne ibidi, ngondo wa Adâ mene, ne bua kuhaulabo bintu biabo bionso.

MUKANDA WA MYIDI MUKULU

¹³ Pashishe kutumabu bantu bua bafile mikanda ayi mu ditunga dionsu dia mu bukalenga. Mu mikanda eyi bavua bela diyi dia kushipa ne kubutula bena Yuda bonsu, kakuyi luse nansha lukese: bansongalume, bantu bakole, bakaji ne bana. Bavua mua kupawula kabidi bintu biabu bionsu. Bavua ne bua kushipa bantu dituku anu dimue, mu ngondu wa dikumi ne muibidi, dituku dia dikumi ne disatu dia ngondu awu.

Estere 3:13 交叉引用

Estere 9:10

bana halume dikumi ba Hamana, muana wa Hamedata, muena lukuna wa Bena Yuda; kadi kabakahaula bintu biabo.

2 Kulondolola 30:6

Nunku miloho yakaya ne mikanda ya mukelenge ne ya bantu banene ku nseke yonso ya Bena Isalele ne ya Bena Yuda, bu muakadi mukenji wa mukelenge ne, Nuenu Bena Isalele, kudimunai mitshima yenu kudi Yehowa, Nzambi wa Abalahama ne wa Isaka ne wa Isalele, bua yeye ahingane kudi difuka dienu diakahanduka mu bianza bia bakelenge ba Ashû.

1 Samuele 15:3

Katataka ya, ushihe Bena Amaleka, ubutule bionso bidibo nʼabi; kubafuidi luse; ubashihe ne balume ne bakashi ne bana bakese ba mu tshiadi ne ngombe yabo ne mikoko ne tumelo ne nyama ya mpunda.

Yakobe 2:13

Bualu bua dilumbulula kadiena ne luse kudi muntu udi kai muleshe bakuabo luse; luse ludi lutamba dilumbulula kutumba.

Rome 3:15

Makasa abo adi aya lubilu bua kumatshisha mashi;

Yirmeya 51:31

Muena mikanda udi unyema bua kusangakaneye ne mukuabo, messager udi unyema bua kusangakaneye ne mukuabo, bua kumanyisha mukelenge wa Babulona ne, Musoko webe udi munyengibue ku nseke yonso;

Yeshaya 10:6

Ndi mmutuma bua kuluangana ne ba mu tshisamba tshia badi babenga Nzambi, ndi mmuelela mukenji bua bantu banakukuatshila tshiji tshianyi, bua kubahaula ne bua kunyenga bintu biabo, ne bua kubadiata muinshi mua makasa bu mudi bantu badiata bitahikidi bia mu misesu.

Yobe 9:25

Matuku anyi adi ahita luendu lua messager lubilu, adi anyema lubilu, kaena atangila diakalengele.

Estere 7:4

bualu bua didi bahanyibue, meme ne bantu banyi, bua kubutudibua ne bua kushihibua ne bua kujimishibua. Kadi bu tuetu bahanyibue bu bahika balume ne bahika bakashi, nakadi kuhuwa, kadi muena lukuna kakadi mua kufuta mukelenge ku bualu ebu bubi.

1 Samuele 22:19

Wakabutula Nobo, musoko wa bakuidi, wakashiha balume ne bakashi ne bana ne tuana tuakadi tuamua mabele ne ngombe ne nyama ya mpunda ne mikoko ne muele wa nvita.

Estere 8:5

Yeye wakamuambila ne, Biasua mukelenge, bingikala musangane luse ku mesu kuandi, bikala bualu buimpe ku mesu kua mukelenge, ne binasankisha mesu andi, bafunde mikanda mikuabo ya kukudimunabo nʼai mikanda yakafunda Hamana, muana wa Hamedata, Muena Agaga, yakafundeye bua kubutulabo Bena Yuda ba mu nseke yonso ya mukelenge.

Estere 9:1

Mu ngondo wa dikumi ne ibidi, ngondo wa Adâ mene, mu dituku dia dikumi ne asatu dia ngondo eu, bakamba diba dia kumana mukenji wa mukelenge kufika, mu dituku diakatekemenabo kudi bena lukuna ba Bena Yuda bua kubakokeshabo (kadi bualu buakakudimuka, ne Bena Yuda bakakokesha bena lukuna babo),

Estere 9:5

Bena Yuda bakashiha bena lukuna babo bonso ne miele ya nvita, bakabashiha ne bakababutula ne bakenzela bakadi nʼabo lukinu bu muakasuabo.