Estere 1:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nunku biasua mukelenge kuela mukenji wandi, baufunde mu mikenji ya Bena Pelasa ne Bena Madai idibo kabayi bamanye mua kukudimuna ne, Washeti kalu ku mesu kua mukelenge Ahashawelosha kabidi tshiendelele; mukelenge afile muaba wandi wa bukelenge kudi mukuabo udi umuhita buakane.

MUKANDA WA MYIDI MUKULU

¹⁹ Nanku, mukalenga, paudi muitabe, ela mukenji wa ditunga. Ukandike kashidi mukalenga mukaji Vasti bua kamueneki kumpala kuebe to. Ufile muanzu wende kudi mukaji mukuabu udi mukumbanyine muanzu awu. Mukenji awu uufunde ku mikenji ya bena ditunga dia bena Persa ne dia bena Madayi idibu kabayi mua kukudimuna.

Estere 1:19 交叉引用

Estere 8:8

Nunku nufunde bualu bua Bena Yuda bunudi basue mu dina dia mukelenge, nutekehu tshimanyinu tshia ku kakanu ka mukelenge; bualu bua kakuena muntu udi mumanye mua kukudimuna dî didi difundibua mu dina dia mukelenge, didi ne tshimanyinu tshia ku kakanu ka mukelenge tshitekahu.

1 Samuele 15:28

Samuele wakamuambila ne, Yehowa wakahanda bukelenge bua Isalele buakadi kûdi lelu, wakabuha mukuenu udi ukuhita buakane.

Estere 8:5

Yeye wakamuambila ne, Biasua mukelenge, bingikala musangane luse ku mesu kuandi, bikala bualu buimpe ku mesu kua mukelenge, ne binasankisha mesu andi, bafunde mikanda mikuabo ya kukudimunabo nʼai mikanda yakafunda Hamana, muana wa Hamedata, Muena Agaga, yakafundeye bua kubutulabo Bena Yuda ba mu nseke yonso ya mukelenge.

Danyele 6:17

Bakalua ne dibue, bakaditeka ku mushiku wa buina bua ntambue; ne mukelenge wakalamikahu tshimanyishilu tshiandi ne tshia miloho yandi, bua muntu kamanyi mua kukudimuna bualu bumue bua mu malu akakuata Danyele.

Estere 3:9

Nunku biasua mukelenge, bafunde mukanda bua babutudibue; hashishe meme nenfile ntalanta ya argent binunu dikumi mu bianza bia bantu badi benzela mukelenge mudimu eu, balue nʼai mu tshibutshilu tshia mukelenge.

1 Bakalenga 3:28

Bena Isalele bonso bakunvua lumu lua kulumbulula kua mukelenge kuakalumbululeye nʼaku, bakatamba kutshina mukelenge, bakajingulula ne, Yeye udi ne lungenyi lua Nzambi munda muandi lua kulumbululeye nʼalu.

Estere 1:21

Bualu ebu buakasankisha mutshima wa mukelenge ne bantu banene; mukelenge Wakenza bu muakadi dî dia Memukana;

Estere 1:18

Dituku edi bakashi ba bantu banene ba mu Pelasa ne Madai bakunvua bualu buakenza mukelenge mukashi nebambile bantu banene ba mukelenge muomumue. Nunku nebikale ne bundu ne tshiji bia bungi.

Estere 2:1

Ku nyima kua malu â bakalekela mukelenge Ahashawelosha tshiji tshiandi, yeye wakavuluka Washeti ne bualu buakenzeye, ne bua mukenji wakeleye bualu buandi.