Ekesode 21:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Biatuta muntu muhika wandi mulume anyi muhika wandi mukashi ku disu, ne biafuadi, yeye neamumushe ku butaka buandi bualu bua disu diandi.

MUKANDA WA MYIDI MUKULU

²⁶ “Pikala muntu mutuute mupika wende mulume nansha mukaji mumushipe disu, amumushe ku bupika bua kufuta disu diende adi.

Ekesode 21:26 交叉引用

Kolose 4:1

Nuenu banfumu, nuenzele bahika benu malu adi makane ne adi kâi ne kansungunsungu; bualu bua nudi bamanye ne nuenu kabidi nudi ne Mukelenge mu diulu.

Efeze 6:9

Ne nuenu banfumu, nubenzele muomumue, nuhidie kubakanyina; mimanye ne, Mukelenge wabo ne wenu kabidi udi mu diulu, ne kakuena kansungunsungu kudiye.

Misambu 10:18

Bua wewe kulumbulula bilumbu bia bana ba nshiya ne bia badi bakengeshibua ne kulumbulula kuakane; bua muntu wa ha buloba kamanyi mua kukuatshisha bakuabo buowa kabidi tshiendelele.

Misambu 10:14

Wewe wantangila bualu ebu, bualu bua utu watangila kanyinganyinga ne dikenga, bua kubikanda ku tshianza tshiebe. Udi kayi ne dikuatshisha udi udifila mu bianza biebe; wewe wakumana kuikala mukuatshishi wa bana ba nshiya.

Misambu 9:12

Bualu bua yeye udi usombuela mashi abo udi ubavuluka; kena uhua muadi wa bahele muoyo.

Nehemya 5:5

Kadi musunyi wetu udi bu musunyi wa bana betu ne bana betu baledibue badi bu bana babo; tuetu tudi tubuesha bana betu balume ne bana betu bakashi mu huhika, ne bana betu bakashi bakuabo bakamana kuya mu buhika; katuena ne bukole bua kubakuatshisha, bualu bua bantu bakuabo bakamana kuangata madimi etu ne madimi a tumuma.

Dielulula 16:19

Kanulumbuluishi bantu ne dilumbuluisha didi kadiyi diakane; kanutangidi mpala ya bantu; kanuitabushi bintu bia kunubueshilabo nʼabi; bualu bua bintu bia kunubueshilabo nʼabi bidi bifofomesha mesu a muena lungenyi, bidi binyanga dilumbuluisha didi diakane.

Ekesode 21:20

Biakuma muntu muhika wandi mulume anyi muhika wandi mukashi ne mulangala, ne biafueye mu tshianza tshiandi, nebamukengeshe bulelela.

Ekesode 21:25

udi muoshe mukuabo kahia nebamuoshe kabidi, udi utaha mukuabo mputa nebamutahe biandi, udi ukuma mukuabo mibundabunda nebamukume biandi.

Ekesode 21:27

Biahuoleye dinu dia muhika wandi mulume anyi muhika wandi mukashi, yeye neamumushe ku buhika buandi bualu bua dinu diandi.

Ekesode 21:24

disu ku disu, dinu ku dinu, tshianza ku tshianza, dikasa ku dikasa,