Ekesode 16:34 - Mukanda wa Nzambi Dihungila Dikulukulu ne Dihungila Dihia-dihia 2003

³⁴ Alona wakabiteka ku mpala kua Mushete wa Yehowa bu muakambila Yehowa Mose.

MUKANDA WA MYIDI MUKULU

³⁴ Arone kuteka dibungu adi kumpala kua mushete wa ndondu, bua kudilama bu muvua Maweja-Nangila muambile Moshe.

Ekesode 16:34 交叉引用

Ekesode 27:21

Mu tshitendelelu ku mpala kua tshilulu tshidi ku mpala kua mushete wa Nzambi Alona ne bana bandi balume nebalame muinda dilolo tô ne dinda ku mesu kua Yehowa, bualu ebu nebuikale bu mukenji ku bikondo bienu tshiendelele kudi bana ba Isalele.

Ekesode 25:21

Wewe neuteke tshibuikilu ha mutu ha mushete neubueshe mabue a dihungila andi nkuha mu mushete.

Ekesode 25:16

Wewe neuteke mu mushete mabue a dihungila andi nkuha.

Dibadika 17:10

Yehowa wakambila Mose ne, Hingasha mulangala wa Alona ku mpala kua mushete, bu tshivulukidi kudi bantu badi basue kutomboka, neumanye mua kushikisha kutontolola kudibo bantontolola nʼaku bua bobo kabafu nansha.

Ekesode 40:20

Wakabuesha mabue a mikenji mu mushete, wakateka mitshi ya kutuala nʼai mushete, wakateka tshibuikilu ha mutu ha mushete.

Ekesode 31:18

Hakashikisha Yehowa kusomba ne Mose ha mukuna wa Sinai, yeye wakamuha mabue abidi akadi ne mikenji mifundahu ne munu wa Nzambi.

Ekesode 30:36

Wewe neuboteshe tshituha, utshiteke ku mpala kua mushete wa Nzambi mu ntenta wa kusangakena kundi nsangakena nʼebe, netshikale tshilamba tshia tshima kunudi.

Ekesode 30:6

Utshiteke hehi ne tshilulu tshidi ku mushete wa Nzambi, ku mpala kua tshibuikilu tshidi ha mutu ha mushete, kundi nsangakena nʼebe.

1 Bakalenga 8:9

Nansha tshintu tshikuabo tshiakadi mu mushete eu anu mabue abidi akadi ne mikenji mifundahu akatekamu Mose ku Holeba kuakahunga Yehowa tshihungidi ne Bena Isalele hakumukabo mu buloba bua Ejipitu.

Dielulula 10:5

Nakanyunguluka, nakahueka ku mukuna, nakateka mabue mu mushete unakenza, adimu bu muakangambila Yehowa,

Dibadika 1:53

Kadi Bena Lewi nebashimike ntenta yabo minyunguluke nsubu wa tshitendelelu, bua mulau kaukuatshi Bena Isalele Bena Lewi nebabale nsubu wa tshitendelelu.

Dibadika 1:50

kadi usungule Bena Lewi bua kuenzabo mudimu mu nsubu wa tshitendelelu, ne wa bintu bionso bidimu bobo nebatuale nsubu ne bintu bionso bidimu, bobo nebabibale, nebashikame ha buihi ne nsubu wa tshitendelelu.

Ekesode 38:21

Ebu mbungi bua bintu bia mu nsubu wa tshitendelelu biakabalabo bu muakamba Mose biakakuatshila Bena Lewi mu mudimu wabo, mu bukokeshi bua Itama, muana mulume wa Alona, muakuidi.