Dielulula 32:46 - Mukanda wa Nzambi Dihungila Dikulukulu ne Dihungila Dihia-dihia 2003

⁴⁶ yeye wakabambila kabidi ne, Tekai mei onso anakunuambila lelu mu mitshima yenu, mei onso a mikenji mene mudi nuambila bana benu bua bobo kuyenza.

MUKANDA WA MYIDI MUKULU

⁴⁶ kubabelaye ne: — Mikenji yonsu indi nnuambila lelu eyi, nuyikumbaje. Nuyilongeshe ndelanganyi yenu, bua ikumbaje tshidi Mvidi Mukulu musue.

Dielulula 32:46 交叉引用

1 Kulondolola 22:19

Nunku nutokeshe mitshima yenu ne mioyo yenu bua kukeba Yehowa, Nzambi wenu; jukai, nuashile Yehowa Nzambi muaba wandi wa tshijila, bua nuenu nulue ne mushete wa tshihungidi tshia mei a Yehowa ne bintu bia tshijila bia Nzambi mu nsubu unudi mubaka mu dina dia Yehowa.

Yezekiyele 40:4

Muntu eu wakangambila ne, Muana wa muntu, mona ne mesu ebe, unvua ne matshu ebe, teka mutshima webe ku malu andualua kukulesha; bualu bua bakulua nʼebe kunoko bua meme kukulesha malu â; ambila Bena Isalele malu onso audi umona.

Dielulula 11:18

Nunku nubueshe mei â munda mua mitshima yenu ne muoyo wenu; nuasuika ku tshianza tshienu bu tshimanymu ne hankatshi ha makiki enu.

Ebrewu 2:1

Bua bualu ebu butudi nʼabu mbua kutamba kudimuka ku malu atuakunvua bua bumue katulu kuhambuka.

Luke 9:44

Mei â abuele mu matshu enu, bualu bua nebafile Muana wa muntu mu bianza bia bantu.

Dielulula 4:9

Nuanji kudimuka, nulame mioyo yenu bilengele, bua kanuhu muoyo bua malu anuakatangila ne mesu enu, ne bua mei au kaluhuki mu mitshima yenu matuku onso a muoyo wenu; kadi nuamanyisha bana benu ne bana ba bana benu;

Dielulula 4:6

Nubivuluke, nubienze; bualu ebu budi lungenyi luenu ne budimu buenu ku mesu kua bantu badi bunvua mikenji ei yonso, badi bamba ne, Bulelela, bantu aba banene badi ne lungenyi ne budimu.

Dielulula 32:45

Mose wakashikisha kuambila Bena Isalele bonso mdi â onso;

Nsumuinu 12:28

Mu nshila wa buakane mudi muoyo, kadi mu nshila wa bubi mudi lufu.

Yezekiyele 44:5

Yehowa wakangambila ne, Muana wa muntu, dimuka, mona ne mesu ebe, unvua ne matshu ebe, malu onso andi nkuambila bua bilele bia kulonda mu ntempelo wa Yehowa ne hua mikenji yandi yonso; mona bimpe bibuelelu bia ku tshitendelelu ne miaba ya kuhatukila.

Amosa 5:4

Bua Yehowa udi wambila Bena Isalele dî edi ne, Nkeba! meme ne nenuikale ne muoyo;

Dielulula 11:19

Numanyishe bana benu mei â, nubambileu hanuashikama mu nsubu yenu ne hanuenda mu nshila ne hanuaya ne hanuabika.

Misambu 78:5

Bualu bua yeye wakajadika tshimanyishilu tshia Yakoba, wakasungula diyisha dia mikenji mu Isalele, biakeleleye batatu betu mukenji bualu buabi ne, Nubiyishe kudi bana benu baledibue.