Dielulula 32:36 - Mukanda wa Nzambi Dihungila Dikulukulu ne Dihungila Dihia-dihia 2003

³⁶ Bualu bua Yehowa nealumbuluile bantu bandi bilumbu biabo, neakudimune mutshima wandi bualu bua bantu bandi, hatangileye ne bukole buabo buakujimina, ne kakuena muntu udi mushale muhika anyi mudishikaminyi.

MUKANDA WA MYIDI MUKULU

³⁶ Padi bena Izrayele kabatshiyi ne bukole, kabayi ne muntu udi mua kubambuluisha. Maweja-Nangila neabafuile luse. Neabambuluishe, akosa nsambu yabu pa yoyi.

Dielulula 32:36 交叉引用

Misambu 135:14

Bualu hua Yehowa nealumbuluile bantu bandi ne kulumbulula kuakane, neafuile bena mudimu bandi luse.

Misambu 106:45

Wakavuluka tshihungidi tshiandi bua bualu buabo, wakakudimuna mutshima wandi bu mudi divulangana dia luse luandi lujalame.

2 Bakalenga 14:26

Bualu bua Yehowa wakamona dikenga dia Bena Isalele ne diakadi dikole; kabakashala ne bantu mu nsubu anyi ku mbelu, kabakashila Bena Isalele mukuatshishi nansha.

1 Bakalenga 14:10

nunku nentume malu mabi kudi ba mu nsubu wa Yalobama, nenshihe bana balume bonso ba mu nsubu wa Yalobama ne badi mu nsubu wandi ne badi ha bule mu Isalele; nenkombe ba mu nsubu wa Yalobama bu mudibo bakomba diala dia butue, tô ne hashikadi dionso.

Balombodi 2:18

Hakababishila Yehowa mulumbuluishi, hashishe Yehowa wakadi ne mulumbuluishi eu, wakabasungila mu bianza bia bena lukuna babo matuku onso a mulumbuluishi eu; bualu bua Yehowa wakadi ukudimuna mutshima wandi bualu bua kutua kua mikemu yabo yakatuabo hakadibo babakengesha ne hakadibo babatatshisha.

Ebrewu 10:30

Bua tudi bamumanye yeye wakamba ne, Kusombuela mbualu buanyi, nempingishile bantu difutu diabo, wakamba kabidi ne, Mukelenge nealumbuluishe bantu bandi.

Amosa 7:6

Yehowa wakakudimuna mutshima wandi bua muanda eu; Mukelenge Yehowa wakamba ne, Muanda eu kahidi kawena wenjibua.

Amosa 7:3

Yehowa wakakudimuna mutshima wandi bua muanda eu; Yehowa wakamba ne, Kawena wenjibua nansha.

Yowele 2:14

Nganyi udi mumanye ne kena ukudimuna mutshima wandi, kena uhanga kunushila disanka, disanka mene dia mulambu wa bia kudia ne mulambu wa bia kunua bia Yehowa Nzambi wenu?

Yirmeya 31:20

Efelayima udi muanʼanyi munanga, anyi? Udi muana undi nkongoluela, anyi? Bua misangu yonso hanamujiana, ntshidi mmuvuluka. Yehowa udi wamba ne, Nunku mutshima wanyi udi umujinga, nemmufuile luse bulelela.

Misambu 96:13

ku mpala kua Yehowa, bualu bua yeye udi ulua, bua udi ulua bua kulumbuluisheye ba ha buloba. Nealumbuluishe ba ha buloba bu mudi buakane buandi, nealumbuluishe bukua bantu bu mudi lulamatu luandi lua bushuwa.

Misambu 90:13

Yehowa, hingana biebe! Muanda eu neulehe musangu bule munyi? Mutshima webe ufuile bantu bebe luse!

Misambu 50:4

Yeye udi wela dî kudi diulu didi mulu ne kudi buloba, bua yeye kulumbuluisha bantu bandi, wamba ne,

Misambu 7:8

Yehowa udi ulumbuluisha bantu ba ha buloba. Undumbuluishe meme, Yehowa, bu mudi buakane buanyi ne bu mudi butoke bua mutshima wanyi.

2 Bakalenga 9:8

Bualu bua bonso ba mu nsubu wa Ahaba nebafue; nenshihe bana balume bonso ba mu nsubu wa Ahaba, ne badishikamine ne bahika, badi mu Isalele.

1 Bakalenga 21:21

Nentume malu makole kûdi, nenkubutule, nenshihe bana ba balume bonso ba mu nsubu wa Ahaba, ne badi mu nsubu ne badi ha bule mu Isalele;

Lewitiki 26:43

Buloba buakashiyabo nebuikale ne bidimu bia kubanda, nebuikale hatuhu; bobo nebitabushe dikenga dia mibi yabo bualu bua bobo bakahidia mei anyi, ne mitshima yabo yakalengulula mikenji yanyi.

Yirmeya 20:11

Kadi Yehowa udi nʼanyi bu muena bukitu mukole ne mukuatshishi wa buowa, nunku bankengeshi nebalenduke, kabena bampita bukole; nebafuishibue bundu tshishiki, bualu bua kabakuenza muanda wakadibo basue kuenza; nebafuishibue bundu bua tshiendelele, budi kabuyi mua kuhuibua muoyo.

Ekesode 32:14

Yehowa wakakudimuna mutshima wandi bua malu akeleye meji bua kuenzela bantu bandi.

Yirmeya 42:10

Binuashala mu buloba ebu, nennuase kabidi ne tshiena nnusasula, nennukune ne tshiena nnujula; bualu bua ndi nkudimuna mutshima wanyi bua makenga anakunutumina.

Danyele 12:7

Nakunvua dî dia muntu wakadi muluate bilulu bia lin, ne wakadi umueneka ku mutu kua mai a musulu, hakabisheye tshianza tshiandi tshia balume ne tshia bakashi mulu, wakaditshiha mu dina dia udi ne muoyo tshiendelele ne, Malu â neashike hahita tshikondo tshimue, bikondo bibidi ne tshituha tshia tshikondo, hamanabo kutekesha bukole bua bantu ba tshijila.

Yowele 2:18

Hashishe, Yehowa wakakuatshika mukau bua buloba buandi, wakafuna bantu bandi luse.