Dielulula 30:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ bua kunanga Yehowa, Nzambi wenu, ne bua kutumikila dî diandi, ne bua kumulamata; bualu bua yeye udi muoyo wenu ne muvudishi wa matuku enu; nunku nenushikame mu buloba buakalaya Yehowa batatu benu, Abalahama ne Isaka ne Yakoba, bua kubahabu.

MUKANDA WA MYIDI MUKULU

²⁰ Nangayi Maweja-Nangila Mvidi Mukulu wenu, numutumikile, numuitabe ne muoyi umue. Nanku nenushale ne muoyi bidimu bia bungi mu ditunga di-vuaye mulaye bankambua benu, Abrahame, Izake ne Yakobe.

Dielulula 30:20 交叉引用

Dielulula 10:20

Nutshine Yehowa, Nzambi wenu, numuenzele mudimu, nulamate kudiye, nuditshihe kudi dina diandi.

Bienzedi 17:25

Bianza bia bantu kabiena bimukuatshila mudimu, bu hadiye ne tshintu bualu, bualu bua yeye mene utu waha bantu bonso muoyo ne muhuya ne bintu bionso.

Yowanane 17:3

Eu udi muoyo wa tshiendelele, bua bobo bakumanye wewe, Nzambi umuehele mulelela, ne yeye uwakatuma, Yesu Kilisto mene.

Bienzedi 17:28

Bualu bua mu Nzambi tudi ne muoyo, tudi tuendakana, tudi luikala; bu muakafunda bafundi benu bakuabo ne, Tuetu kabidi tudi bana bandi.

Yowanane 14:6

Yesu wakamuambila ne, Meme udi bianyi nshila ne bulelela ne muoyo; kakuena muntu udi ulua kudi Tatu, kai muanze kulua kundi diambedi.

Misambu 66:9

wakatulama bua tuikale munkatshi mua badi ne muoyo, ne kakitabusha makasa etu aselemuke.

Misambu 36:9

Kûdi wewe kudi mushimi wa mai a muoyo; mu munya webe, tudi tumona munya.

Yoshua 23:8

lamatai Yehowa, Nzambi wenu, bu munuakuenza tô ne ku dituku edi.

Dielulula 10:12

Katataka, nuenu Bena Isalele, Yehowa, Nzambi wenu, udi musue nuenu nuenze malu kai? Mbua kutshina Yehowa, Nzambi wenu, ne kuenda mu nshila yandi yonso, ne bua kumusua, ne bua kuenzela Yehowa, Nzambi wenu, mudimu ne mitshima yenu yonso ne bukole buenu buonso,

Dielulula 5:16

Unemeke tatuʼebe ne mamuʼebe bu muakanuambila Yehowa, Nzambi webe, bua matuku ebe ikale a bungi, ne bua wewe ukume dikasa dimpe mu buloba budi Yehowa, Nzambi webe, ukuha.

Dielulula 4:40

Nuenu nutumikile mei andi ne mikenji yandi, bu munakunuambila lelu, bua nuenu nuikale ne disanka ne bana benu badi banulonda ku nyima, ne bua nuenu nuvudishangane matuku enu ha buloba budi Yehowa, Nzambi wenu, unuha tshiendelele.

Misambu 27:1

Yehowa udi munya wanyi ne luhandu luanyi; nentshine nganyi? Yehowa udi ngumbu ya nvita mu muoyo wanyi; udi mua kunkuatshisha buowa nganyi?

Didimanyisha 22:17

Nyuma ne mukashi musela badi bamba ne, Lua. Udi unvua, ambe biandi ne, Lua. Ne udi ne nyota, alue biandi; udi musue, angate mai a muoyo tshianana.

Ngalate 2:20

Nakashihibua ku mutshi mutshiamakane ne Kilisto; nunku kememe kabidi udi ne muoyo, kadi Kilisto ngudi muoyo munda muanyi; ne muoyo undi nʼau mu mubidi katataka ndi nʼau mu ditabusha dia mu Muana wa Nzambi, wakannanga, wakadifila bua bualu buanyi.

Bienzedi 11:23

Hakafikeye, hakamoneye ngasa wa Nzambi, wakasanka; wakakolesha mitshima ya buonso buabo ne, Nunanukile kushala hehi ne Mukelenge ne disuminyina mu mitshima.

Dielulula 11:9

ne bua nuenu nuvudishangane matuku enu mu buloba buakalaya Yehowa batatu benu bua kubahabu ne tunkanunuma tuabo, buloba budi bûle tente ne mabele ne buitshi.

Dielulula 6:5

sua Yehowa, Nzambi webe, ne mutshima webe wonso, ne muoyo webe wonso, ne bukole buebe buonso.

Dielulula 4:4

kadi nuenu bakalamata Yehowa, Nzambi wenu, nudi ne muoyo lelu eu.

Didimanyisha 21:6

Yeye wakangambila ne, Akuenjibua. Meme ndi A ne Z, tshibangidilu ne nshikidilu. Nempe udi ne nyota mai a ku mushimi wa muoyo tshianana.

Rome 12:9

Luse luikale kalui ne lubombo. Nukine malu adi mabi; nulamate malu adi mimpe.

Dielulula 30:16

mukenji unakunuelela lelu bua kunanga Yehowa, Nzambi wenu, ne bua kuenda mu nshila yandi ne bua kutumikila mikenji yandi ne mei andi ne mikandu yandi: nunku nenuikale ne muoyo, nenukumbane ba bungi, ne Yehowa, Nzambi wenu, neanuvudishile disanka mu buloba bunuyaya kubuhiana.

Dielulula 30:6

Yehowa, Nzambi wenu, neanutengule mu mitshima yenu ne ya bana benu, bua nuenu kunanga Yehowa, Nzambi wenu, ne mitshima yenu yonso ne mioyo yenu yonso, bua nuenu kuikala ne muoyo.

Didimanyisha 22:1

Wakandesha musulu wa mai a muoyo, matoke tô bu ntalatala, uluhuka mu nkuasa wa butumbi wa Nzambi ne wa Muana wa Mukoko

Misambu 30:5

Bualu bua tshiji tshiandi tshidiku anu tshituha tshihi, luse luandi ludiku matuku onso a muoyo wa muntu. Muadi udi mua kulua bu muladi butuku, kadi disanka didi dilua hatshiabu.

Dielulula 12:10

Kadi hanuasabuka Yadene, hanuashikama mu buloba budi Yehowa, Nzambi wenu, unuhianyisha, udi unuha dikisha kudi bena lukuna bonso badi banunyunguluka, ne nenushikame talalâ.

Dielulula 11:22

Bualu bua binuatumikila mikenji yonso Nakanuambila bua kuyenza bua kusua Yehowa, Nzambi wenu, ne bua kuenda mu nshila yandi yonso, ne bua kulamata kudiye,

Genese 12:7

Yehowa wakamueneka kudi Abalama, wakamba ne, Nempe tunkanunuina biebe buloba ebu Abalama wakenzela Yehowa, wakamueneka kudiye, tshioshelu.

Genese 17:1

Hakadi Abalama ne bidimu makumi tshitema ne tshitema, Yehowa wakamueneka kudi Abalama, wakamuambila ne, Ndi Nzambi wa Bukole Buonso, wenda ku mpala kuanyi, wikale muakane.

Dielulula 4:1

Katataka, nuenu Bena Isalele, unvuai mei ne mikenji bindi musue kunuyisha, bua nuenu kubienza bua nuikale ne muoyo, nubuelemu, nuhiane buloba budi Yehowa, Nzambi wa batatu benu, unuha.

Dielulula 4:6

Nubivuluke, nubienze; bualu ebu budi lungenyi luenu ne budimu buenu ku mesu kua bantu badi bunvua mikenji ei yonso, badi bamba ne, Bulelela, bantu aba banene badi ne lungenyi ne budimu.

Dielulula 31:1

Mose wakaya biandi, wakambila Bena Isalele bonso mei â.

Dielulula 32:47

Ebu kambualu bua hatuhu kunudi; kadi budi muoyo wenu, budi buvudisha matuku enu mu buloba bunuyaya kuhiana dishiya dia Yadene.

Misambu 37:3

Eyemena Yehowa ne enza malu mimpe; nunku neushikame mu buloba, neudie bia kudia mu dimueyemena diebe.

Lewitiki 18:5

Nuenu nutumikile mei anyi ne mikenji yanyi, bienza muntu nunku, neikale ne muoyo. Meme ndi Yehowa.

Dielulula 1:8

Monai, nakuteka buloba ebu buonso ku mpala kuenu: nubuelemu, nuhiane buloba buakalaya Yehowa batatuʼetu Abalahama ne Isaka ne Yakoba, bua kubahabu ne tunkanunuina tuabo tudi tubalonda ku nyima.

Dielulula 6:2

bua nuenu nutshine Yehowa, Nzambi wenu, bua kutumikila mei andi onso ne mikenji yandi, binakanuambila, ne wewe ne muanʼebe mulume, ne muana wa muanʼebe mulume, matuku onso a muoyo wenu; bua wewe uvudishe matuku ebe.

Yoshua 23:11

Nudimuke bienu bua nuenu nusue Yehowa, Nzambi wenu.