Dielulula 30:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Tangilai, nakuteka muoyo ne malu mimpe, ne lufu ne malu mabi ku mpala kuenu lelu;

MUKANDA WA MYIDI MUKULU

¹⁵ Bena Izrayele, tangilayi: lelu ndi nteka kumpala kuenu, luseke elu muoyi ne diakalenga, luseke lualua lufu ne diakabi.

Dielulula 30:15 交叉引用

Dielulula 11:26

Tangilai, nakateka disanka ne mulau ku mpala kuenu lelu.

Dielulula 30:19

Meme ndi mbikila diulu ne buloba bu bamonyi ba bualu ne, Nakuteka muoyo ne lufu, ne disanka ne mulau ku mpala kuenu lelu: muiku nudisunguile muoyo, nenuikale ne muoyo ne nuenu ne bana benu,

Marke 16:16

Witabusha, wabatijibua, nebamusungile; wahidia, nebamuhishe.

Dielulula 32:47

Ebu kambualu bua hatuhu kunudi; kadi budi muoyo wenu, budi buvudisha matuku enu mu buloba bunuyaya kuhiana dishiya dia Yadene.

Ngalate 5:6

Bualu bua mu Kilisto Yesu, bikala muntu mutengula anyi bikaleye kai mutengula, kakuena bualu, kadi anu ditabusha didi dienza malu mu luse.

Yowanane 3:16

Bualu bua Nzambi wakatamba kusua ba ha buloba, yeye wakabaha Muanʼandi umuehele mulela bua muntu yonso wamuitabusha kafu biandi, kadi ikale ne muoyo wa tshiendelele.

Dielulula 30:1

Halua malu au onso kunudi ne disanka ne mulau, binakuteka ku mpala kuenu, ne hanuayuluka malu au munkatshi mua bisamba bidi Yehowa, Nzambi wenu, unutuma munkatshi muabi,

1 Yone 3:23

Eu mukenshi wandi bua tuetu tuitabushe dina dia Muana wandi Yesu Kilisto, ne bua tuetu tunangaʼngane, bu muakatuheye mukenshi.

Genese 2:17

kadi mamuma a mutshi wa lungenyi lua kujingulula malu mimpe ne malu mabi kuadi nansha, bualu bua mu dituku diudi wadia wewe neufue bulelela.

Dielulula 30:14

Kadi dî edi didi ha buihi nʼenu ne mukana muenu ne mu mitshima yenu, bua nuenu kudienza.

Nsumuinu 12:28

Mu nshila wa buakane mudi muoyo, kadi mu nshila wa bubi mudi lufu.

Yeshaya 1:19

Binuikala ne mitshima ya kuenza malu anyi ne ya kutumikila dî dianyi, nenudie bintu bimpe bia mu buloba;

Yirmeya 21:8

Wambile bantu aba ne, Yehowa udi wamba ne, Tangilai, ndi nteka nshila wa muoyo ne nshila wa lufu ku mpala kuenu.

Mika 6:8

Wewe kampanda, bakukulesha bualu budi buakane; ne Yehowa udi utekemena malu kai kûdi? Anu bua wewe kuenza malu makane, kunanga kulesha bakuabo luse, ne kuenda ne Nzambi webe ne mutshima muhuekele.

Yirmeya 42:21

Lelu eu nakunuambila dî edi, kadi kanuakutumikila dî dia Yehowa Nzambi wenu mu bualu bumue buakuntumeye bua kunuambila.