Dielulula 29:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Nunku nuenu nutumikile mei a tshihungidi etshi, nuê-nze, bua nuenu nuikale ne dikasa dimpe mu malu onso anudi nuenza.

MUKANDA WA MYIDI MUKULU

⁹ Nuenu bena Izrayele, lelu nudi bimane bonsu kumpala kua Maweja-Nangila Mvidi Mukulu wenu, pamue ne bamfumu ba midimu mishilangane, bakulu ba ditunga,

Dielulula 29:9 交叉引用

1 Bakalenga 2:3

Utumikile mei a Yehowa, Nzambi webe, bua kuenda mu nshila yandi, ne bua kulamata mikenji yandi ne mei andi onso ne mikandu yandi ne mianda yandi yonso bu mudibi bifunda mu mikanda ya Mose, bua wewe wikale ne diakalengele mu malu onso audi wenza, ne mu nshila yonso ludi wenda;

Dielulula 4:6

Nubivuluke, nubienze; bualu ebu budi lungenyi luenu ne budimu buenu ku mesu kua bantu badi bunvua mikenji ei yonso, badi bamba ne, Bulelela, bantu aba banene badi ne lungenyi ne budimu.

Luke 11:28

Kadi yeye wakamba ne, Nasha, badi batelesha dî dia Nzambi, badi badilama, badi ne disanka.

Yoshua 1:7

Anji kuikala ne bukole ne mutshima wa dikima: udimuke bua kutumikila mikenji yonso yakakuambila muntu wanyi Mose; kusesuka ku tshianza tshia balume anyi ku tshianza tshia bakashi, nunku newikale ne diakalengele kuonso kuwaya.

Dielulula 29:1

 mmei a tshihungidi akambila Yehowa Mose bua kuhanga ne Bena Isalele mu buloba bua Moaba, ku mutu kua tshihungidi tshiakahungeye nʼabo mu Holeba.

Yirmeya 50:5

Nebebeshe bantu bua nshila wa ku Siona, batangishe mpala yabo ku musoko wawa, bamba ne, Luai, lulamate kudi Yehowa mu tshihungidi tshia tshiendelele tshidi katshiyi mua kuhuibua muoyo.

Misambu 25:10

Nshila yonso ya Yehowa idi ya luse lujalame ne lulamatu kudi badi batumikila tshihungidi tshiandi ne mikenji yandi.

Dielulula 29:10

Buonso buenu nudi nuimana ku mpala kua Yehowa, Nzambi wenu, lelu; ne ba ku mutu kuenu, bisamba bienu, bakulu benu, tuhita tuenu, ne balume bonso ba mu Isalele,

Yoshua 1:8

Mukanda eu wa mikenji yanyi kaumuki mukana muebe; kadi welangane meji a mukanda eu munya ne butuku, udimuke mua kuenza malu onso adi mafundamu; hashishe neutute dikasa dimpe, newikale ne diakalengele.

2 Kulondolola 31:21

Malu onso akabangeye mu mudimu wa mu nsubu wa Nzambi ne a mu mikenji ne mei bua kukeba Nzambi wandi, yeye wakaenza ne mutshima wandi wonso, wakadi ne diakalengele.

Dielulula 5:3

Yehowa kakahunga tshihungidi etshi ne batatu betu, kadi wakatshihunga anu nʼetu buonso buetu badi ne muoyo lelu eu.

Dielulula 31:12

Nusangishe bantu bonso, ne balume ne bakashi ne bana bakese ne benyi badi munkatshi muenu, bua buonso buabo bumue, bayile lungenyi, batshine Yehowa, Nzambi wenu, batumikile mei onso a mikenji ei;

Yoshua 8:35

Yoshua kakashiya dî dimue dia mei onso akamba Mose; yeye wakâbadila tshisumbu tshijima tshia Bena Isalele ne bakashi ne bana bakese ne benyi bakadi munkatshi muabo.

Yoshua 24:1

Yoshua wakasangisha bisamba bionso bia Bena Isalele ku Shekeme, wakabikila bakulu ba Bena Isalele ne bakadi ku mutu kua bisamba ne balumbuluishi babo ne tuhita tuabo; bakadisangisha ku mpala kua Nzambi.

2 Kulondolola 20:13

Bena Yuda bonso bakadi bimane ku mpala kua Yehowa ne bana babo bakese ne bakashi babo ne bana babo balume.