Dielulula 28:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa neanuihatshile bena lukuna badi bahika ku mesu kuenu; nebalue kunudi mu nshila umue, nebanyeme ku mesu kuenu mu nshila muanda mutekete.

MUKANDA WA MYIDI MUKULU

⁷ Maweja-Nangila neanuambuluishe bua nutshimune baluishi benu. Pikalabu bavuile njila umue, nebanyeme bapingena mu njila muanda mutekete mishilangane.

Dielulula 28:7 交叉引用

Misambu 89:23

Nembetekashe bena lukuna bandi ku mpala kuandi, nenkume badi nʼandi lukuna ne lufu.

2 Kulondolola 19:4

Yehoshafata wakashikama mu Yelushalema; yeye wakendakana munkatshi mua bantu ku Bê-sheba tô ne ku mikuna ya Efelayima, wakabaluisha kudi Yehowa, Nzambi wa batatuʼabo.

Yoshua 8:22

Bakuabo bakadi mu musoko bakaluhuka kudibo munkatshi mua Bena Isalele, bakuabo ku luseke elu, bakuabo ku luseke elu; bakabashiha tô, kakuakadi umue wabo wakahanduka.

Dielulula 28:25

Yehowa neanuihate ku mesu kua bena lukuna benu; nuenu nenuye kudibo mu nshila umue, kadi nenunyeme ku mesu kuabo mu nshila muanda mutekete; nebanuendakashe munkatshi mua bisamba bionso bia ha buloba.

Yoshua 10:42

Bakelenge aba bonso ne buloba buabo buonso Yoshua wakanyenga musangu umue, bualu bua Yehowa, Nzambi wa Isalele, wakadila Bena Isalele nvita.

Dielulula 32:30

Muntu umue wakadi kumanya mua kuihata tshinunu tshia bantu, ne bantu babidi bakadi kumanya mua kuihata binunu dikumi bia bantu munyi, bikala Dibue kadiyi dibahane, ne Yehowa kayi mubafile kudibo?

Dielulula 28:6

Nenuikale ne disanka hanuabuela mu nsubu, nenuikale ne disanka hanualuhukamu.

Dielulula 28:8

Yehowa nea-nuvudishile disanka mu bisasa bienu, ne mu malu onso anudi nuenza ne bianza bienu; neanuvudishile disanka mu buloba budi Yehowa, Nzambi wenu, nnuha.

Yoshua 23:10

Umue wenu neihate tshinunu tshia bantu; bualu bua Yehowa, Nzambi wenu, udi unuluila nvita bu muakanuambileye.

2 Bakalenga 7:5

Hakamba diba kubuela, bakajuka, bakaya ku tshitudilu tshia Bena Sulia; hakafikabo ku mpenge wa tshitudilu tshia Bena Sulia, kabakasanganaku muinu,

Misambu 18:38

Nakabasa, nakabasompola, nunku kabakamanya mua kujuka kabidi; bakahona muinshi mua makasa anyi.