Dielulula 28:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Yehowa neanuihate ku mesu kua bena lukuna benu; nuenu nenuye kudibo mu nshila umue, kadi nenunyeme ku mesu kuabo mu nshila muanda mutekete; nebanuendakashe munkatshi mua bisamba bionso bia ha buloba.

MUKANDA WA MYIDI MUKULU

²⁵ Maweja-Nangila neambuluishe baluishi benu bua banutshimune. Panuikala bayile njila umue bua kubaluisha, nenubanyeme, nupingane mu njila muanda mutekete mishilangane. Bakalenga bonsu ba pa buloba nebatshine, pamonabu bionsu bidi binuenzekela.

Dielulula 28:25 交叉引用

Yezekiyele 23:46

Bualu bua Mukelenge Yehowa udi wamba ne, Nendue ne tshisumbu tshia bantu bua kubaluisha, nembafile kudibo bua kubakuatshisha buowa ne bua kunyengabo bintu biabo.

Yeshaya 30:17

Tshinunu tshienu netshinyeme bua kufuna kua bulobo kua muntu umue; bua kufuna kua bulobo kua bantu batanu nenunyeme, tô ne hadibo banushiya bu mutshi wa dibendela ha mutu ha mukuna mule, ne bu dibendela ha mutu ba mukuna muihi.

Yirmeya 24:9

Nembafile bua kuikalabo bintu bia kukuatshisha bakuabo buowa munkatshi mua makelenge onso a ha buloba, bua kudivuishilabo tshihendu ne lusumuinu lubi, bu tshintu tshidibo baseka ne bela mulau, mu miaba yonso indualua kubihata.

Dielulula 28:7

Yehowa neanuihatshile bena lukuna badi bahika ku mesu kuenu; nebalue kunudi mu nshila umue, nebanyeme ku mesu kuenu mu nshila muanda mutekete.

Dielulula 32:30

Muntu umue wakadi kumanya mua kuihata tshinunu tshia bantu, ne bantu babidi bakadi kumanya mua kuihata binunu dikumi bia bantu munyi, bikala Dibue kadiyi dibahane, ne Yehowa kayi mubafile kudibo?

Lewitiki 26:17

Meme nengumushe mesu anyi kunudi, nenuhone ku mpala kua bantu badi nʼenu lukuna, bantu badi nʼenu lukuna nebanukokeshe, nenunyeme tshianana, bantu kabayi banze ku nuihata.

Luke 21:24

Nebahone ku muele wa nvita, nebaye nʼabo bakuata mu bisamba bionso; bantu ba bisamba bia bende nebadiate Yelushalema munshi mua makasa abo tô ne hashika tshikondo tshia bantu ba bisamba bia bende.

Yirmeya 34:17

Nunku Yehowa udi wamba ne, Kanuakutumikila dî dianyi bua kumanyishangana dî dia budishikaminyi, muntu yonso kudi muanʼabo, ne muntu yonso kudi muena mutumba nʼandi. Monai, ndi nnumanyisha dî dia budishikaminyi, bua nuenu kufua ku muele wa nvita, ku tshihuhu ne ku tshiole; nennuvuishe bu tshintu tshidi tshikuatshisha makelenge onso ha buloba buowa.

Yirmeya 29:18

Nembihate ne muele wa nvita, tshiole ne tshihuhu, ne nembafile bua kuikalabo bu tshidi tshikuatshisha buowa munkatshi mua makelenge onso a ha buloba, nebikale bu tshintu tshiela mulau, tshidi tshibakemesha, tshidibo babingila ne tshidibo bahenda kudi ba munkatshi mua bisamba bionso bia bantu kunabatuma.

Yoshua 7:4

Nunku bantu bu binunu bisatu bakayaku, ne bobo bakanyema ku mpala kua Bena Ai.

Balombodi 2:14

Tshiji tshia Yehowa tshiakadi kudi Bena Isalele, ne yeye wakabafila mu bianza bia bahandi, bakabahaula; yeye wakabahana kudi bena lukuna bakadi ha buihi nʼabo; kabakamanya mua kuimana ku mpala kua bena lukuna babo kabidi.

1 Samuele 4:10

Bena Peleshete bakaluangana, bakahita Bena Isalele bukole: muntu yonso wakanyema lubilu ku ntenta wandi; ba bungi bakafua, bualu bua bakashiha Bena Isalele bakadi benda ku makasa binunu makumi asatu.

1 Bakalenga 8:33

Biahita bena lukuna bantu bebe Bena Isalele bukole bualu bua bobo bakukuenzela bibi, biakudimunabo mitshima yabo kûdi bua kuitabusha dina diebe ne bua kukutendelela ne bua kukutendekena mu nsubu eu,

2 Kulondolola 28:8

Bena Isalele bakaya ne bana babo binunu nkama ibidi ne bakashi ne bana babo balume ne bana babo bakashi mu buhika; bakanyenga bintu biabo bia bungi kabidi, bakaya nʼabi ku Samalea.

2 Kulondolola 29:8

Nunku tshiji tshia Yehowa tshiakadi kudi Bena Yuda ne Yelushalema, ne yeye wakabafila bua bobo batatshishibue ne bua bobo bikale bu tshintu tshidi tshituisha bantu mikemu ne tshihendu, bu mutudi tumona ne mesu etu.

Yirmeya 19:7

Nenvuishe mei akuhungabo kudi ba mu Yuda ne ba mu Yelushalema mei a tshianana mu muaba eu; nembahoneshe ku muele wa nvita mu bianza bia bena lukuna babo ne mu bianza bia badi bakeba mioyo yabo; nenfile bitalu biabo kudi nyunyu ya mulu ne kudi nyama ya ha buloba bu bia kudia biai.

2 Kulondolola 6:24

Bikala bena lukuna bahite Bena Isalele bukole, bualu bua bobo bakukuenzela wewe bibi, ne bialukilabo bua kutonda mibi yabo kudi dina diebe, biakutendelelabo ne biakutendekenabo mu nsubu eu,

Osheya 8:3

Bena Isalele bakubenga malu adi makane; badi nʼandi lukuna nebamulonde.