Dielulula 25:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Muntu yonso utu wenza malu au, malu au mabi, udi bu tshintu tshibi ku mesu kua Yehowa.

MUKANDA WA MYIDI MUKULU

¹⁶ Bualu Maweja-Nangila Mvidi Mukulu wenu udi unyoka bantu badi badinga mushindu ewu.

Dielulula 25:16 交叉引用

Nsumuinu 11:1

Tshiamu tshidibo bidikisha nʼatshi bujitu tshia mashimi tshidi tshitondesha Yehowa, kadi bujitu budibo bidikisha biakane budi disanka diandi.

Didimanyisha 21:27

Kakuena tshintu tshia tshianana tshidi tshibuelamu, nasha kakese; nasha muntu udi wenza bualu bubi ne mashimi; kadi anu badi ne mena abo mafunda mu mukanda wa muoyo wa Muana wa Mukoko nebabuelemu.

Dielulula 22:5

Mukashi kaluatshi bilulu bia mulume, ne mulume kaluatshi bilulu bia bakashi: muntu yonso udi wenza malu au nunku udi bu tshintu tshibi ku mesu kua Yehowa, Nzambi wenu.

1 Tesalonike 4:6

Ndi ngamba bua muntu kasambuki mikalu ne kenzedi muanʼabo wa mu Kilisto bibi mu bualu ebu; bualu bua Mukelenge udi musombuedi mu malu â onso, bu mutuakadianjila kunudimusha kabidi ne mutuakanumanyisha.

Dielulula 18:12

Muntu yonso utu wenza malu au udi bu tshintu tshibi ku mesu kua Yehowa; bualu bua malu au mabi Yehowa, Nzambi wenu, udi Wihata bantu ku mesu kuenu.

Nsumuinu 20:23

Majitu a mishindu ibidi adi atondesha Yehowa; tshiamu tshia kuidikisha nʼatshi bujitu tshidi tshidinga katshiena tshimpe kabidi.

Dielulula 25:17

Nuvuluke bu muakanuenzela Amaleka mu nshila hanuakaluhuka mu Ejipitu;

Mika 6:10

Biuma biakuhetabo ku bibi bitshidi mu nsubu ya bantu babi, anyi? Tshihiminu tshia buivi tshindi ngela mulau tshidimu, anyi?