Dielulula 12:31 - Mukanda wa Nzambi Dihungila Dikulukulu ne Dihungila Dihia-dihia 2003

³¹ Kanuenzedi Yehowa, Nzambi wenu, nunku bualu bua bobo badi benzela nzambi yabo malu onso mabi adi atonda Yehowa; bualu bua bobo badi boshila nzambi yabo bana babo balume ne bana babo bakashi mene mene ha kahia.

MUKANDA WA MYIDI MUKULU

³¹ Nanku panudi nutendelela Maweja-Nangila Mvidi Mukulu wenu, kanuenji muvua bena ditunga benza to. Bualu mu ditendelela diabu, bavua benza bivua Maweja-Nangila mubenge. Bavua balambula mvidie yabu too ne bana babu ba balume ne ba bakaji!

Dielulula 12:31 交叉引用

Yirmeya 32:35

Bakasa bibumba bia Bâla bidi mu tshibanda tshia muana wa Hinoma, bua kufilahu bana babo ba balume ne bana babo ba bakashi bu milambu ya kuoshila Moleke; muanda undi tshiyi mubambile bua kuenzabo, udi kauyi mubuele mu mutshima wanyi, bua bobo benze tshinyangu etshi, bua kuenzesha ba mu Yuda malu mabi.

Yirmeya 7:31

Bakuasa bibumba bia Tofete bidi mu luhongo lua muana mulume wa Hinoma, bua kuoshahu bana babo ba balume ne bana babo ba bakashi mu kahia; badi benza bualu bundi tshiyi muele mukenji, bundi tshiyi muele meji bua bobo kubuenza.

2 Bakalenga 21:2

Wakenza malu mabi ku mesu kua Yehowa, wakalonda malu a bundu a bantu ba mu bisamba abi biakihatabo kudi Yehowa ku mesu kua Bena Isalele.

Dielulula 12:4

Kadi kanuenji Yehowa, Nzambi wenu, nunku.

Dielulula 9:5

Kanuena nuhiana buloba buabo bualu bua buakane buenu anyi bua dijalama dia mitshima yenu: kadi Yehowa, Nzambi wenu, udi ubihata ku mpala kuenu bualu bua bubi buabo; bualu bua kuakasha nʼenu dî diakalaya Yehowa kudi batatu benu, Abalahama ne Isaka ne Yakoba.

Lewitiki 18:3

Kanuenji bilele bia mu buloba bua Ejipitu bunuakadi bashikame, kanuenji bilele bia mu buloba bua Kanâna bundualua kunuha, kanulondi mikenji yabo.

Ekesode 23:2

Kulondi ku nyima kua tshisumbu tshia bantu tshinene bua kuenza malu mabi, kuikadi bu mu manyi wa bualu munkatshi mua bantu badi basangisha dî diabo bua kudibingisha mu tshilumbu tshidi ka tshiyi tshilelela.

Mika 6:7

Yehowa neasanke bua binunu bia bimpanga, ne binunu dikumi bia misulu ya manyi, anyi? Nfile muanʼa bute wanyi bua malu mabi anyi, diminu dia mubidi wanyi bua bubi bua mutshima wanyi, anyi?

Yezekiyele 23:27

Nunku nenkuleshe malu ebe a tshikama, ne masandi awakalua nʼau ku buloba bua Ejipitu; nunku wewe kuena utangisha mesu ebe kudiu ne kuena uvuluka Ejipitu kabidi.

Yezekiyele 20:31

Hanuafila kuha kuenu, hanuela bana benu mu kahia, kanuena nudinyanga ku mpingu yenu yonso tô ne ku lelu eu, anyi? Nenumanye mua kulomba lungenyi kundi munyi, nuenu ba mu tshisamba tshia Bena Isalele? Mukelenge Yehowa udi wamba ne, Bu mundi ne muoyo, tshiena ngitabusha bua nuenu nulombe lungenyi kundi.

2 Kulondolola 36:14

Bualu bukuabo kabidi, bakuidi banene bonso ne bantu bakananukila kulonda malu onso a bundu a bantu ba bisamba bikuabo bakanyanga nsubu wa Yehowa wakajidileye mu Yelushalema.

2 Kulondolola 33:2

Wakenza malu mabi ku mesu kua Yehowa bu muakenza bisamba biakalonda malu a bundu, biakadi Yehowa muihate ku mpala kua Bena Isalele.

Lewitiki 20:2

Wambile Bena Isalele kabidi ne, Muntu yonso wa Bena Isalele anyi wa benyi ba munkatshi mua Bena Isalele udi ufila muana wandi kudi Moleke neashihibue bulelela, bena buloba nebamukume ne mabue.

Lewitiki 18:21

Kanuadi bana bebe bua kubahitshisha mu kahia ka Moleke, kutedi dina dia Nzambi wenu tshitelatela meme ndi Yehowa.

Dielulula 9:4

Hashikisha Yehowa kubihata, kanuambi mu mitshima yenu ne, Mbualu bua buakane buetu, Yehowa wakaluamu nʼetu bua kuhiana buloba ebu: bualu bua Yehowa udi ubihata ku mpala kuenu bualu bua bubi buabo.

Dielulula 12:30

nudimuke, kanukuatshibu kudi mateyi abo bua kubalonda, habajimishabo ku mesu kuenu; kanukonkanganyi bua nzambi yabo ne. Bisamba ebi bidi bitendelela nzambi yabo munyi? Tuetu nkayetu tudi basue kuenza nunku kabidi.

Dielulula 20:18

bua bobo kabanuyishi mua kulonda malu mabi abo, adibo benzela nzambi yabo; nunku nuenu nenuenzele Yehowa, Nzambi wenu, bibi.

2 Bakalenga 16:3

Kadi yeye wakenda mu nshila wa bakelenge ba Isalele; wakahitshisha muanʼandi wa balume mu kahia bu mu malu a bundu a bantu ba mu bisamba bia bende bakihatabo kudi Yehowa ku mesu kua Bena Isalele.

Misambu 106:37

Bulelela, bakashihela bademon bana babo baledibue, balume ne bakashi, bu milambu.

2 Bakalenga 3:27

Hashishe yeye wakangata muanʼa bute wandi wakadi mua kukokesha mu muaba wandi, wakamufila bu mulambu wa kuosha ha kahia ha mutu ha lumbu. Bakadi ne Bena Isalele tshiji tshikole, bakumuka kudiye, bakahingana ku buloba buabo.

2 Bakalenga 17:31

Bena Awa bakenza Nibehaza ne Tâtaka; ne Bena Sefâwayima bakoshila Adelameleke ne Anameleke, nzambi ya Bena Sefâwayima, bana bakalelabo mu kahia.