Dielulula 11:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ Idi dishiya dia Yadene mu nshila wa kudi diba dibuela, mu buloba bua Bena Kanâna bakadi bashikama mu Alabâ, hehi ne Gilegala, hehi ne mitshi ya telebinta ya Mole.

MUKANDA WA MYIDI MUKULU

³⁰ (Mikuna eyi idi dishiya dia musulu wa Yardene, dishiya dia njila udi luseke ludi diba dibuelela lua musulu, mu ditunga dia bena Kenaane badi basomba mu tshibandabanda tshia Yardene. Mikuna eyi idi pabuipi ne mitshi ya nsanga ya tshijila ya mu Moreya, idi mitangilangane ne Ngilgale.)

Dielulula 11:30 交叉引用

Genese 12:6

Abalama wakalala mu buloba, wakalua ku Shekeme, kuakadi mutshi wa telebinta wa mu Mole Bena Kanana bakadi mu buloba tshikondo atshi.

Balombodi 7:1

Hashishe Yelubâla, udibo babikila ne, Gideona kabidi, ne bantu bonso bakadi nʼandi, bakabika ne dinda dionso, bakasa tshitudilu tshiabo ku mpokolo wa mai a Haloda; tshitudilu tshia Bena Midiyana tshiakadi ku luseke luabo lua ku node ku mukuna wa Mole tô ne mu tshibanda.

Yoshua 5:9

Yehowa wakambila Yoshua ne, Lelu nakumusha bundu bua Ejipitu kunudi. Nunku badi babikila muaba au ne, Gilegala tô ne lelu.

Yoshua 4:19

Bantu bakumuka ku Yadene mu matuku dikumi a ngondo wa kunfudilu, bakasa tshitudilu mu Gilegala ku esete kua Yeleko.

Balombodi 9:7

Hakambabo Yotama bualu ebu, yeye wakaya, wakimana ha mutu ha mukuna wa Gelizima, wakabandisha dî diandi, wakabambila ne, Nuenu bena Shekeme, nungunvuile, bua Nzambi anufuile.

Nehemya 12:29

ne ku Bete-gilegala ne ku nseke ya Geba ne Azamaweta; bualu bua bimbi ba misambu bakasa misoko yabo minyunguluke Yelushalema.