Didimanyisha 9:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Idi ne mukelenge ha mutu hai, udi muanjelo wa tshina tshidi katshi ne nshikidilu; dina diandi mu muaku wa Bena Ebelu didi Abadona, ne mu muaku wa Bena Gelika didi Apoluona.

MUKANDA WA MYIDI MUKULU

¹¹ Idi ne mukalenga udi uyilombola. Ke mutumibue udi ulama kandondu. Bena Ebrewu badi bamuinyika ne: “Abadone,” bena Ngreke ne: “Apoliyone” (mmomumue ne: Mubutudianganyi).

Didimanyisha 9:11 交叉引用

Yobe 26:6

Muaba wa Bafue udi hatoke tô ku mpala kua Nzambi, ne Abadona kena ne tshibuikilu.

Efeze 2:2

anuakendamu diambedi bu mudi tshikondo tshia buloba ebu, bu mudi mukelenge wa bukokeshi bua mu luhehele, wa nyuma udi wenzesha katataka munkatshi mua bana ba buhidia.

2 Korente 4:4

bakafofomishabo mesu a meshi a badi kabai bitabusha kudi nzambi wa tshikondo etshi, bua dinkenka dia lumu luimpe lua butumbi bua Kilisto, udi tshifuanyikishi tshia Nzambi, kaditemi kudibo.

Yowanane 16:11

bua dihila, bualu bua mukokeshi wa buloba ebu wakumana kuhila.

Yowanane 14:30

Tshiena nuambila malu makuabo a bungi, bualu bua mukokeshi wa buloba ulualua, yeye kena nʼanyi bualu munda muanyi;

Yowanane 8:44

Nuenu nudi bana ba diabolo, tatu wenu, nudi basue kuenza bu mudi nkuka ya tatu wenu. Ku tshibangidilu yeye wakadi mushihianganyi, katu wimana mu bualu bulelela, bua yeye kena ne bualu bulelela munda muandi. Hambeye dî dia mashimi, udi wamba malu andi mene; bua yeye udi muena mashimi, ne udi tatu wau.

1 Yone 5:19

Tudi bamanye ne, Tuetu tudi ba Nzambi, ne ba ha buloba bonso badi balala mu bubi.

1 Yone 4:4

Bana bakese, nudi ba Nzambi, nuakubahita bukole; bualu bua yeye udi munda muenu udi uhita yeye udi wa mu buloba bunene.

Yowanane 12:31

Katataka dihila dia buloba ebu didiku; nebihate mukokeshi wa buloba ebu.

Didimanyisha 12:9

Dragon munene wakedibua hanshi, nyoka au wa kale, yeye udi muidikibue ne, Diabolo ne Satana, mudingi wa ba ha buloba bonso; wakedibua hanshi ha buloba, ne banjelo bandi bakedibua nʼandi hanshi.

Yobe 28:22

Kubutuka ne Lufu bidi biamba ne, Tuakunvua lumu luau ku matshu etu.

Yobe 31:12

Bua udi bu kahia kadi mua kungosha tô ne ku Kubutuka; ne udi mua kujula biuma bianyi bionso.

Misambu 88:11

Luse luebe lujalame ludi mua kuambibua mu lukita, anyi? Lulamatu luebe lua bushuwa ludi mua kuambibua mu Kabutu, anyi?

Nsumuinu 15:11

Muaba wa Bafue ne wa Kubutuka bidi buashi ku mesu kua Yehowa, mitshima ya bantu idi mitambe kubululuka kudiye!

Luke 8:31

Bakamutendekena ne, Kutuambidi bua tuetu kuya mu dina didi kadî ne tshishikidilu.

Yowanane 5:2

Mu Yelushalema, hehi ne tshibuelelu tshia mikoko, mudi mpokolo wa mai a kuowa, udi Bena Yuda babikila ne, Beteseda, wakadi ne bitanda bitanu.

Didimanyisha 16:16

Bakabasangisha mu muaba udibo babikila mu muaku wa Buena Ebelu ne, Ha-Megido.