Didimanyisha 3:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Ndi nkulesha lungenyi lua kusumba ngolo kundi udi mulengeshibue mu kahia bua wewe ulue mubanshi, ne bivualu bitoke bua kudiluatshisha nʼabi bua bundu bua butaka buebe kabumueneki, ne buanga bua kulaba ku mesu ebe bua wewe umanye mua kutangila.

MUKANDA WA MYIDI MUKULU

¹⁸ Ke pandi nkupesha lungenyi, bua usumbe kundi mpawungi muengulula mu kapia. Nanku newikale mubanji. Usumbe kabidi bilamba bitoke bua ubivuale, usokoke butaka buebe, ulekele kufua bundu. Usumbe kabidi buanga bua kuela mu mesu, bua umone.

Didimanyisha 3:18 交叉引用

Didimanyisha 16:15

(Tangila, ndi ndua bu muibi, Disanka didi kudi udi mutabale ne udi ulama bivualu biandi, hua yeye kendakanyi butaka ne bua kabatangidi bundu buandi.)

1 Petro 1:7

bualu bua kuteta kua ditabusha dienu, nasha ditetshibua ne kahia, didi ditamba ngolo udi ujimina mushinga mukole, nekusanganyibue ne butumbi ne dinemekibua ne buneme halua dibuluibua dia Yesu Kilisto.

Yeshaya 55:1

Telejai! Nuenu bonso badi ne nyota, nulue bienu ku mai; nansha kanuyi ne argent, nulue bienu, nusumbe bienu, nudie bienu! Eyo, nulue bienu, nusumbe nvinyo ne mabele kanuyi ne argent, kanuyi ne mushinga.

Didimanyisha 19:8

Bakaha mukashi bua kudiluatshisheye ne tshilulu tshia line tshilengele, tshidi tshikenka ne tshitoke; bualu bua tshilulu tshia line tshilengele tshidi bienzedi biakane bia basanto.

Malaki 3:3

Yeye neashikame hanshi ukunjisha ne ulengesha tshiamu tshia argent, nealengeshe bana ba Lewi. Neabakenkeshe bu or ne argent, bua bobo bikale kudi Yehowa bu bantu badi bafila milambu kudiye mu buakane.

Didimanyisha 7:13

Ne umue wa bakulu wakangandamuna dî ungambila ne, Aba badi baluatshisha ne mayeka matoke badi banganyi ne bakafuma kudi kunyi?

Matayi 13:44

Bukelenge bua mu diulu kabidi budi bu biuma biakadi bisokoka mu budimi; hakabisangana muntu, yeye wakabisokoka kabidi; mu disanka diandi, wakaya, wakahana bintu biandi bionso, wakasumba budimi abu.

Danyele 12:2

Bafue ba bungi nebabike, bakuabo bua kuikalabo ne muoyo wa tshiendelele, bakuabo bua kufuishibuabo bundu ne kuhetudibua tshiendelele.

Misambu 32:8

Nenkuyishe lungenyi, nenkuleshe nshila udi ne bua kuendela, nenkuhe meji hatshidi disu dianyi kudi.

Yakobe 2:5

Unvuai, bana betu bananga; Nzambi kakasungula bahele ba mu bintu bia ha buloba bua kuikalabo babanshi mu ditabusha ne bahianyi ba bukelenge buakalayeye badi bamunanga, anyi?

Mika 1:11

Hita biebe, muana mukashi udi mushikame butaka, udi mufuishibue bundu mu musoko wa Shafila. Muana mukashi wa mu musoko wa Sânana kena muanji kuluhukamu. Muadi wa Bete-esele neunuhumbishe bua kuimana hehi nʼandi.

Misambu 73:24

Wewe neundombole ne meji ebe, hashishe, neumbueshe mu butumbi.

Didimanyisha 3:17

Bualu bua udi wamba ne, Ndi mubanshi; ne, Nakuheta biuma; ne, Tshiena nkengela tshintu; ne kuena mumanye ne udi muena dikenga ne mukengedi wa luse, ne muhele ne mufofo ne butaka.

Didimanyisha 2:9

Ndi mumanye dikenga diebe ne buhele buebe (kadi wewe udi mubanshi) ne bihendu bia badi badiamba ne, Tudi Bena Yuda, ne kabena Bena Yuda; kadi badi nsunagoga wa Satana.

2 Korente 8:9

Nudi bamanye ngasa wa Mukelenge wetu Yesu Kilisto ne, Yeye wakadi mubanshi, kadi wakalua muhele bua bualu buenu, bua nuenu nulue babanshi ku buhele buandi.

Yeshaya 47:3

Butaka buebe nebusokoloke, e, bundu buebe nebumueneke ku mesu kua bantu. Nendisombuele, ne tshiena ndengesha ne muntu.

Nsumuinu 23:23

Sumba bushuwa, kubuhanyi nansha; sumba meji, diyisha ne dijingu tula dia mianda.

2 Korente 5:3

nunku kabidi, bitualuatshishibua, kabena batusangana butaka.

Luke 12:21

Muntu udi udibutshila bintu biandi, kai mubanshi ku mesu kua Nzambi, udi nunku.

Nahume 3:5

Yehowa wa misumba udi wamba ne, Mona, meme ndi nku hidia, nenvule bivualu biebe ku mesu kuebe, nemmueneshe butaka buebe kudi bisamba bia bantu, nenkufuishishe bundu kudi makelenge makuabo.

Matayi 25:9

Kadi yakadi ne meshi yakandamuna ne, Tudi tuela meshi ne, Manyi kêna akumbana bualu buetu ne buenu; nudi mua kuya kudi bahanyi, nudisumbile.

Yirmeya 13:26

Nunku nenkuvule bilulu ku mesu kuebe, bundu buebe nebumueneke.

Muambi 8:2

Ndi ngamba ne, Utumikile mukenji wa mukelenge; bualu bua wakamana kuditshiha kudi Nzambi.

Nsumuinu 19:20

Unvua meji adibo bakuha, witabusha diyisha, bua wewe wikale ne meji mu matuku alualua.

Nsumuinu 1:30

Kabakasua kuitabusha lungenyi lunakabalesha, bakahetula kubela kuanyi kuonso.

Nsumuinu 1:25

Nuakulengulula lungenyi luonso lunakunulesha kabidi, kanuakadi basue kunyua kubela kuanyi.

Misambu 107:11

bualu bua bakatombokela mei a Nzambi, bakalengulula lungenyi luakadi Mutambe Bunene wa mu diulu mubaleshe.

Misambu 16:7

Nenvudishile Yehowa disanka, wakumpa lungenyi; bulelela, mu meba a butuku mutshima wanyi udi unyisha.

1 Timote 6:18

Bobo benzele bakuabo bimpe, bikale ne bubanshi bua bienzedi bimpe; badilongolole bua kuhangana bintu; basue kuikala ne bakuabo luse;

Didimanyisha 4:4

Nkuasa makumi abidi ne inai yakanyunguluka nkuasa wawa wa butumbi; ne ha nkuasa ya butumbi hakadi bakulu makumi abidi ne banai bashikamahu, baluatshishibue ne bivualu bitoke; ne ha mitu habo hakadi bifulu bia butumbi bia ngolo.