Didimanyisha 3:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Ndi mumanye midimu yebe, ne kuena nasha ku mashika nasha ku kahia. Nakadi kusua ne wikale nasha ku mashika anyi ku kahia.

MUKANDA WA MYIDI MUKULU

¹⁵ Ndi mumanye bionsu biudi muenze. Ndi mumanye ne: kuena nansha ku mashika nansha ku luya. Ndi njinga bikole bua wikale nansha ku tshimue tshia ku bibidi eku!

Didimanyisha 3:15 交叉引用

Rome 12:11

Mu disuminyina kanuikadi bashanguluki; nuikale ne lukunukunu mu mitshima yenu; nukuatshile Nzambi mudimu.

Matayi 6:24

Muntu kena mumanye mua kukuatshila banfumu babidi mudimu diakamue; yeye neikale ne mukuabo lukuna ne mukuabo dinanga, anyi nealamate mukuabo neahidie mukuabo. Kanuena bamanye mua kukuatshila Nzambi mudimu ne Mamona diakamue.

Yakobe 1:8

mmuntu wa mitshima Ibidi udi utatakana mu nshila yandi yonso.

1 Bakalenga 18:21

Eliya wakasemena ha buihi ne bantu bonso, wakabakonka ne, Nudi nuenda nuzobela hankatshi ha nseke ibidi musangu bule munyi? Bikala Yehowa Nzambi, numulonde; kadi bikala Bâla Nzambi, numulonde. Bantu kabakamukudimuna.

Didimanyisha 2:4

Kadi ndi nʼebe bualu ebu ne, wakalekela dinanga diebe dia kumudilu.

Matayi 24:12

Dinanga dia ba bungi nedikehe, bualu bua tshishiku tshiakudiunda munda muabo.

Nsumuinu 23:26

Muanʼanyi, Umpe mutshima webe, mesu ebe atangile nshila yanyi.

1 Petro 1:22

Bualu bua nuenu nuakulengesha mitshima yenu mu kutumikila kuenu kua malu a bushua bua kuikala ne dinanga dia bana benu ba mu Kilisto didi kadî ne lubombo, nunku nunangangane mu mitshima yenu bikole;

Filipe 1:9

Ndi ndomba bualu ebu ne, Luse luenu lutambe kudiundadiunda mu dimanya ne mu dijingulula dia malu onso;

2 Korente 12:20

Ndi ntshina ne hanalua kunudi, bumue tshiena nusangana bu mundi musue kunusangana; ne nuenu kanuena nusangana bu munudi basue kunsangana; tshiena musue kusangana ditandangana ne mukau ne tshishi ne matahuluka ne bunsonge ne mikoso ne kudisua ne mitoyo;

Matayi 10:37

Muntu udi ne tatu wandi anyi baba wandi dinanga ditambe didiye nʼadi kundi meme kena ukumbana bua kuikaleye muyidi wanyi; muntu udi ne muanʼandi mulume anyi muanʼandi mukashi dinanga ditambe didiye nʼadi kundi meme kena ukumbana bua kuikaleye muyidi wanyi.

Dielulula 5:29

O, nakadi kusua bua mutshima eu wikale munda muabo, bua kuntshina ne bua kuenza mikenji yanyi yonso matuku onso, ne bobo bikale ne dikasa dimpe, ne bana babo badi balonda ku nyima tshiendelele!

Didimanyisha 3:1

Fundila muanjelo wa ekelesia wa ku Sâdi ne, Yeye udi ne Nyuma ya Nzambi muanda mutekete ne mitoto muanda mutekete udi wamba malu â ne, Ndi mumanye midimu yebe ne bu mûdi ne dina dia udi ne muoyo, ne udi mufue.

Didimanyisha 2:2

Ndi mumanye bienzedi biebe, ne mudimu webe mukole, ne ditantamana diebe, ne kuena mua kuitabusha bantu babi, ne wakateta badi badiamba ne, Tudi bapostolo, kadi kabena bapostolo, ne wakabasangana bena mashimi.

2 Tesalonike 1:3

Bana betu, butudi nʼabu mbua kusakidila Nzambi misangu yonso bua bualu buenu, bu mudibu buakane, bua ditabusha dienu didi ditamba kudiunda, ne dinanga dia buonso buenu muntu ne muntu dinudi nunangangana nʼadi didi divulangana;

Osheya 10:2

Mitshima yabo idi mitahuluke nseke ibidi; mpindiu badi ne bua kukenga bua muanda eu; Yehowa neatshibule bioshelu biabo bituha bituha, neashimbule makunshi abo a tshijila.

1 Korente 16:22

Bikala muntu kai musue Mukelenge, edibue biandi mulau. Mukelenge alue biandi.

Osheya 7:8

Bena Efelayima badi babuelakana ne malu a bisamba bia bantu; Bena Efelayima badi bu mukata udibo kabayi banji kuandamuna.

Didimanyisha 3:16

Nunku, bualu bua udi tshiuyuya, kui nasha ku mashika nasha ku kahia, nenkutuile mukana muanyi.