Didimanyisha 21:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Nakatangila diulu dihia-dihia ne buloba buhia-buhia; bualu bua diulu dia kumudilu ne buloba bua kumudilu biakumuka; ne mai manene kenaku kabidi.

MUKANDA WA MYIDI MUKULU

¹ Pashishe meme kumona diulu dipiadipia ne buloba bupiabupia. Diulu dia kumpala ne buloba bua kumpala bikavua bijimine. Mayi manene kaatshivuaku to.

Didimanyisha 21:1 交叉引用

2 Petro 3:13

Kadi bu mudi mulayi wandi tudi tutekemena diulu dihia-dihia ne buloba buhia-buhia mudi buakane buikalemu.

Yeshaya 66:22

Bualu bua bu mudi diulu dihia-dihia ne buloba buhia-buhia, bindi ngenza bishala ku mpala kuanyi, mmudi Yehowa wamba, mbu mudi tunkanunuma tuenu ne dina dienu bishala.

Didimanyisha 21:5

Yeye udi ushikama ha nkuasa wa butumbi, wakamba ne, Mona, ndi nvuisha bintu bionso bihia-bihia. Yeye wakuamba ne, Funda; bualu bua mei â adi mei a kueyemena ne malelela.

2 Petro 3:10

Kadi dituku dia Mukelenge dilualua bu mudi muibi; mu dituku adi diulu nedijimine ne diyoyo dinene, ne bintu bia mu diulu nebifingutuke ne kahia kakole, ne buloba ne bintu bidimu nebihie.

Didimanyisha 20:11

Nakatangila nkuasa wa butumbi mimene mutoke, ne wakadi ushikamahu, wakanyemabo kudi buloba ne diulu ku mpala kuandi, ne kabakabisangena muaba kabidi.

Yeshaya 27:1

Mu dituku adi Yehowa neikale ne muele wandi wa nvita mukole ne munene, neakengeshe nyoka mimene udi unyema lubilu, nyoka munene udi wenda utunyangala; neashihe nyama munene udi mu mai manene.

Danyele 7:3

Nyama minene mai yakahatuka mu mai manene, kayiyi mifuanangane, nyama mukuabo mushilangane ne mukuabo.

Didimanyisha 13:1

Ne wakimana ha lusenga lua ku mai manene. Nakatangila nyama wa luonji uhatuka mu mai manene, wakadi ne nsengu dikumi ne mitu muanda mutekete, ne wakadi ne bifulu bia butumbi dikumi ha nsengu yandi, ne ha mitu handi mena a kuhenda nʼau Nzambi.

Yeshaya 57:20

Kadi bantu babi badi bu mai manene adi asampuka, bualu bua kaena mua kubatama, ne mai au adi asampula bitotshi ne bivuanduvuandu.

Yeshaya 51:11

Ka bantu bakuhikudibue kudi Yehowa nebalukilemu, nebalue ku Siona bimba misambu, disanka dia tshiendelele nedikale ha mitu yabo; nebikale ne disankidila ne disanka; kanyinganyinga ne kuhumuna nebinyeme kule.

Rome 8:21

Bifukibua mene nebihikudibue kabidi ku buhika bua dibola diabi, nebibueshibue mu budishikaminyi bua butumbi bua bana ba Nzambi.

Didimanyisha 6:14

Ne diulu diakûmushibua ku mukanda muvunga hauvungabo; ne mukuna munene wonso, ne tshisanga tshionso biakumushibua ha miaba yabi.