Didimanyisha 18:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Bua bualu ebu makenga andi nealue dituku dimue, lufu ne madilu ne tshiole; nebamushidishe mu kahia, bua Mukelenge Nzambi udi umulumbuluisha udi mukole.

MUKANDA WA MYIDI MUKULU

⁸ Ke padi bipupu bionsu, bidibu bamulamina, ne bua kumukuata dituku dimue: disama dia lufu, madilu, ne tshiyole tshia nzala. Kapia nekamubutule. Bualu Maweja-Nangila udi umulumbuluisha, udi ne bukole.”

Didimanyisha 18:8 交叉引用

Yirmeya 50:34

Muhikudi wabo udi mukole; Yehowa wa misumba ndina diandi; yeye neabakuile tshilumbu tshiabo biakane, bua amanye mua kuvuishila buloba dikisha ne bua kutatshisheye ba mu Babulona.

Yirmeya 50:31

Mukelenge Yehowa wa misumba udi wamba ne, Mona, ndi nkubenga wewe, umena dikamakama, bualu bua dituku diebe diakufika tshikondo tshia kukukengesha,

Didimanyisha 17:16

Ne nsengu dikumi iwakatangila, ne nyama wa luonji, nebikale ne mukashi wa masandi lukuna, nebimuvuishe bu tshintu tshia hatuhu ne butaka, nebidie munyinyi wandi, nebimushidishe ne kahia.

Didimanyisha 18:19

Bakela luhuishi ha mutu habo, ne bakela mbila, bikale ne binsonshi ne badila muadi, bamba ne, Mulau, mulau, musoko munene, muakadi bonso bakadi ne matu abo ha mai manene bavuishibue babanshi bualu bua mushinga wau mukole! Bualu bua mu luhola lumue wakubutudibua.

1 Korente 10:22

Anyi, tudi tufuisha Mukelenge mukau, anyi? Tudi tumutamba bukole, anyi?

Yirmeya 51:58

Yehowa wa misumba udi wamba ne, Ngumbu minene ya Babulona nevishimbudibue kashidi, ne bibi biandi bile nebioshibue ne kahia; nunku bantu badi bakuata mudimu hatuhu, ne bisamba bia bantu bidi biditatshisha anu bua kumona midimu yabo mihie mu kahia.

Yirmeya 51:6

Numuke mu Babulona, nunyenge, muntu yonso asungile muoyo wandi; kanufu nʼandi mu bubi buandi, bualu bua etshi ntshikondo tshia disombuela dia Yehowa, yeye neabafute difutu diabo.

Didimanyisha 19:3

Bakuamba musangu muibidi ne, Aleluya. Ne muinshi wa kahia kuandi udi ubanda tô tshiendelele.

Didimanyisha 18:17

Bualu bua mu luhola lumue bubanshi bunene nunku budi bubutudibua. Ne kapitene konso ka buatu, ne muntu yonso udi wenda mu buatu mu muaba wonso, ne bendeshi ba matu, ne bonso badi baheta bidibo nʼabi bualu ku mudimu wa ha mai manene, bakimana ha bule,

Didimanyisha 17:18

Ne mukashi uwakatangila udi musoko munene udi ukokesha ku mutu kua bakelenge ba ha buloba.

Didimanyisha 11:17

bamba ne, Tudi tukusakidila, Mukelenge Nzambi wa Bukole Buonso, udiku ne wakadiku; bualu bua wewe wakuangata bukole buebe bunene, ne wakakokesha.

Misambu 62:11

Nzambi wakuamba dî diandi musangu umue; nakunvua di edi misangu ibidi ne, Bukole mbualu bua Nzambi;

Yobe 9:19

Bituakula bua bukole, monai, yeye udi muhite bukole! Bituakula bua kulumbulula kuakane, yeye udi wamba ne, Wambikila nganyi?

Yeshaya 27:1

Mu dituku adi Yehowa neikale ne muele wandi wa nvita mukole ne munene, neakengeshe nyoka mimene udi unyema lubilu, nyoka munene udi wenda utunyangala; neashihe nyama munene udi mu mai manene.

Yeshaya 9:14

Nunku Yehowa wakukosela Isalele mutu ne mukila, dilala dia dibue ne disela, mu dituku dimue.

Yowele 2:11

Yehowa udi wela dî dikole ku mpala kua masalayi andi; bualu bua tshisumbu tshiandi tshia masalayi tshidi tshinene, bualu bua muenji wa dî diandi udi ne bukole. Bualu bua dituku dia Yehowa didi dinene, didi dikuatshisha bantu buowa bukole; nganyi washindama ku mpala kuadi?