Didimanyisha 16:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Bualu bua bakahongolola mashi a basanto ne a baprofete, ne wewe wakabahesha mashi bua kunua; badi bâkanyine.

MUKANDA WA MYIDI MUKULU

⁶ Bualu bavua bapumune mashi a bantu ba Mvidi Mukulu, ne a bambi. Mpindiewu Wewe udi mubanuishe mashi. mBapete bivuabu ne bua kupeta!”

Didimanyisha 16:6 交叉引用

Yeshaya 49:26

Nendishe badi bakukengesha minyinyi ya ha mibidi yabo mene, nebakuatshike mashi abo mene bu mudibo bakuatshila maluvu a dimeme. Hashishe bantu bonso nebamanye ne, Meme Yehowa, ndi Musungidi webe, ne Muhikudi webe, Wa Bukole wa Yakoba.

Didimanyisha 11:18

Ne ba mu bisamba bakadi ne tshishi, ne tshishi tshiebe tshiakalua, ne tshikondo tshia kulumbuluisha bafue tshiakalua, ne tshikondo tshia kufila bukenshi kudi bahika bebe, baprofete, ne kudi basanto, ne kudi badi batshina dina diebe, bakese ne banene; ne tshia kubutula badi babutula buloba.

Didimanyisha 18:24

Bakasangana mashi a baprofete ne a basanto ne a bonso bakashihibua ha buloba munkatshi muau.

Didimanyisha 13:15

Bakamuha bukole bua kutshihesheye muhuya, tshifuanyikishi mene tshia nyama wa luonji, ne bua tshifuanyikishi tshia nyama wa luonji tshiakule, ne bua kushihisheye bonso badi kabai bakukuna tshifuanyikishi tshia nyama wa luonji.

2 Bakalenga 24:4

ne bua mashi a bantu bakadi kabayi ne bilumbu akamatshisheye hanshi; bualu bua yeye wakûsha Yelushalema tente ne mashi a bantu bakadi kabayi ne bilumbu; nunku Yehowa wakabenga bua kubabuikidila mibi yabo.

Didimanyisha 19:2

bualu bua dilumbulula diandi didi dilelela ne diakane; bualu bua wakulumbuluisha mukashi wa masandi mimene, yeye wakanyanga buloba ne masandi andi, ne wakasombuela mashi a bahika bandi mualombe ku tshianza tshiandi.

Didimanyisha 13:10

Bikala muntu ubuesha bakuabo mu buhika, Uyaya mu buhika; bikala muntu ushiha bakuabo ne muele wa nvita, budiye nʼabu mbua kushihibua ne muele. Eku kudi ditantamana, ne ditabusha dia basanto.

Muadi 4:13

Malu â akulua bualu bua mibi ya baprofete bandi ne malu mabi a bakuidi bandi, bakamatshisha mashi a bantu bakane munkatshi mua musoko.

Didimanyisha 18:20

Nusanke bua bualu buau, wewe diulu, ne nuenu basanto, ne nuenu bapostolo, ne nuenu baprofete; bualu bua Nzambi wakamulumbuluisha ne dilumbuluisha dienu.

Ebrewu 10:29

nudi nuela meshi ne muntu neabadibue muakanyine dikenga ditambe misangu bungi munyi, nyeye wakudiata Muana wa Nzambi munshi mua makasa andi, ne wakubala mashi a tshihungidi akadiye ujidibua nʼau bu tshintu tshia tshianana ne wakuhenda Nyuma wa ngasa?

Matayi 7:2

Nebalumbulule malu adi munda muenu bu munudi nulumbulula malu adi munda muabo; nebanuidikishile bintu ne luidi lunudi nuidikishila nʼalu kabidi.

Yirmeya 26:16

Hashishe baminyampala ne bantu bonso bakambila bakuidi ne baprofete ne, Muntu eu kena ne bualu bua kufua, bualu bua yeye wakutuambila dî mu dina dia Yehowa, Nzambi wetu.

Yirmeya 26:11

Mu diba adi bakuidi ne baprofete bakambila baminyampala ne bantu bonso ne, Muntu eu udi ne bualu bua kufua; bualu bua yeye wakuamba mei mabi bua musoko eu, bu munuakunvua ku matshu enu.

Yirmeya 2:30

Nakuhita bana benu, nakubanga; kabakuatabusha kubela kuanyi; muele wenu wa nvita wakushiha baprofete benu, bu mudi nyama wa ntambue ushiha nyama mikuabo.

Luke 12:48

kadi wakadi kai mumanye bualu, Wakenza malu a kukumibua, nebamukume bikese. Muntu yonso udi uheshibua bia bungi nebamulombe bia bungi; biatekabo bia bungi mu bianza bia muntu, nebamulombe bikuabo ha mutu.

Ekesode 7:17

Yehowa udi wamba ne, Mu bualu ebu wewe neumanye ne, Meme ndi Yehowa tangila, nenkume mai adi mu musulu ne mulangala udi mu tshianza tshianyi, ne mai onso neakudimuke mashi.

Ekesode 21:24

disu ku disu, dinu ku dinu, tshianza ku tshianza, dikasa ku dikasa,

Yezekiyele 32:6

Nemboleshe buloba, tô ne ku mitu kua mikuna, ne mashi adi ahatuka munda muebe, ne bihongo nebiule tente ne minyinyi yebe.