Didimanyisha 16:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Ne nakatangila nyuma ya bukoya isatu yakadi bu biula ihatuka mukana mua dragon ne mua nyama wa luonji ne mua muprofete wa mashimi.

MUKANDA WA MYIDI MUKULU

¹³ Pashishe meme kumona mikishi mibi isatu, mifuanangane ne ndimba. Ivua ipatuka mukana mua nyoka wa tshidika, mua nyama, ne mua muambi wa dishima.

Didimanyisha 16:13 交叉引用

Didimanyisha 19:20

Nyama wa luonji wakakuatshibua, ne bakamukuata ne muprofete wa mashimi wakenza bimanyinu ku mpala kuandi biakadingeye nʼabi bantu bakangata tshimanyinu tshia nyama wa luonji ne bakakukuila tshifuanyikishi tshiandi, bubidi buabo bakedibua ne muoyo mu dishiba dia kahia kadi katema ne soufre.

Didimanyisha 20:10

Ne diabolo wakadi ubadinga wakedibua mu dishiba dia kahia ne soufre, kudi nyama wa luonji ne muprofete wa mashimi kabidi, nebakengeshibue munya ne bufuku tshiendelele.

Didimanyisha 18:2

Wakela dî dikole, wamba ne, Babulona munene wakuhuka, wakuhuka, wakulua muaba wa bademon ne nsubu wa lukanu wa nyuma yonso wa bukoya, ne nsubu wa lukanu wa nyunyu yonso wa bukoya ne udi wa kukina.

Didimanyisha 16:14

Bualu bua idi nyuma ya bademon idi yenza bimanyinu, idi iya kudi bakelenge ba ha buloba buonso, bua kubasangisha ku nvita ya dituku dinene dia Nzambi wa Bukole Buonso.

Misambu 105:30

Buloba buabo huakûla tente ne biula, bibuele mu nsubu ya bakelenge babo mene.

Misambu 78:45

Wakatuma mikongolo ya njiji munkatshi muabo, yakabasuma, yakabadia; wakabatumina biula, biakababutula.

Matayi 7:15

Nuende badimuke kudi baprofete badi ne mashimi, batu balua kunudi baluate biseba bia mikoko, kadi munda muabo mudi nkashama idi ne luonji.