Didimanyisha 14:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ udi wamba ne dî dikole ne, Nutshine Nzambi, numutumbishe, bualu bua diba dia dilumbuluisha diandi diakulua; nukukuile yeye wakafuka diulu ne buloba ne mai manene ne mishimi ya mai.

MUKANDA WA MYIDI MUKULU

⁷ Uvua wamba ne diyi dikole ne: “Tshinayi Mvidi Mukulu, mutumbishayi! Bualu diba didiye ulumbuluisha bantu ndimane kukumbana. Kukuilayi Mufuki wa diulu, wa buloba, wa mayi manene, ne wa mpokolu ya mayi.”

Didimanyisha 14:7 交叉引用

Ekesode 20:11

bualu bua Yehowa wakafuka diulu ne buloba ne mai manene ne bintu bionso bidimu matuku asambombo, wakikisha biandi dituku dia muanda mutekete, nunku Yehowa wakalengesha dituku dia muanda mutekete, wakadijidila.

Didimanyisha 15:4

Mukelenge, nganyi udi kai utshina, udi kai utumbisha dina diebe? Bualu bua wewe nkayebe udi wa tshijila; bualu bua ba mu bisamba bionso nebalue ne nebakukuile ku mpala kuebe; bualu bua bienzedi biebe biakane biakumueneshibua.

Nehemya 9:6

Wewe udi Yehowa, wewe nkayebe mene; wewe wakafuka diulu ne diulu dia mu diulu ne misumba yau yonso ne buloba ne bintu bionso bidimu ne mai manene ne bionso bidimu, wewe utu wabilama buonso buabi; misumba ya mu diulu idi ikutendelela.

Didimanyisha 11:18

Ne ba mu bisamba bakadi ne tshishi, ne tshishi tshiebe tshiakalua, ne tshikondo tshia kulumbuluisha bafue tshiakalua, ne tshikondo tshia kufila bukenshi kudi bahika bebe, baprofete, ne kudi basanto, ne kudi badi batshina dina diebe, bakese ne banene; ne tshia kubutula badi babutula buloba.

Didimanyisha 4:11

Wewe, Mukelenge wetu ne Nzambi wetu, udi muakane bua kuangata butumbi ne buneme ne bukole; bualu bua wewe wakafuka bintu bionso, ne bualu bua disua diebe biakadiku, ne biakafukibua.

Didimanyisha 11:13

Mu diba adi dikanka dinene dia buloba diakadiku, ne tshituha tshia dikumi tshia musoko tshiakûhuka; ne bantu binunu muanda mutekete bakafua mu dikanka dia buloba; bakuabo bonso bakadi bashale bakatshinyishibua, bakatumbisha Nzambi wa mu diulu.

Misambu 33:6

Ku dî dia Yehowa bintu bia mu diulu bia kufukibua, tshisumbu tshiabi tshionso tshiakafukibua ku muhuya wa mukana muandi.

Didimanyisha 18:10

nebimane ha bule bualu bua ditshina dia dikenga diandi, bamba ne, Mulau, mulau, musoko munene, Babulona, musoko mukole! Bualu bua dihisha diebe diakulua mu luhola lumue.

Didimanyisha 16:9

Ne bantu bakoshila ne luiya lukole; bakahenda dina dia Nzambi udi ne bukokeshi ha mutu ha makenga â; ne kabakukudimuna mitshima yabo bua kumutumbisha.

Didimanyisha 4:9

Ne hafila bifukibue bidi ne muoyo butumbi ne buneme ne disakidila kudi yeye udi ushikama ba nkuasa wa butumbi, kudi yeye udi ne muoyo tshiendelele,

Misambu 124:8

Dikuatshisha dietu didi mu dina dia Yehowa wakafuka diulu ne buloba.

Bienzedi 14:15

Balumiana, nudi nuenzela nunku tshinyi? Tuetu tudi bantu bafukibue bu nuenu, tudi banuvuile ne lumu luimpe, bua nuenu nulekele malu â a hatuhu, nulonde Nzambi wa muoyo, wakafuka diulu ne buloba ne mai manene ne bintu bionso bidimu;

Yeshaya 40:6

Dî dia muntu udi wamba ne, Ela dî! Meme nakamba ne, Nengele dî kai? Bantu bonso badi bu mashinde, bulengele buabo buonso budi bu tshilongo tshia mu budimi.

Didimanyisha 19:5

Dî diakahatuka ku nkuasa wa butumbi, diamba ne, Nutumbishe Nzambi wetu, nuenu, bahika bandi bonso, badi bamutshina, bakese ne banene.

Osheya 8:1

Teka mpungi ku mishiku yebe! Muena lukuna neadiele ku nsubu wa Yehowa bu nyunyu wa mukanku, bualu bua bakushiha tshihungidi tshianyi, bakusambuka mikenji yanyi.

Yirmeya 10:10

Kadi Yehowa udi Nzambi wa bushuwa; yeye udi Nzambi wa muoyo ne Mukelenge wa tshiendelele. Buloba budi buzakala hikaleye ne tshiji, ne ba mu bisamba bia bantu kabena mua kuimana ku mpala kua tshiji tshiandi.

Yeshaya 42:12

Batumbishe Yehowa, bambile ba mu maloba a ku muelelu wa mai manene butumbi buandi.

Misambu 89:7

nNzambi udibo batshina bikole mu disangisha dia ba tshijila, Udi utamba bonso badi bamunyunguluka kutshinyishibua?

Misambu 36:1

Ditomboka diandi didi diambila muntu mubi dî munda mua mutshima wandi; kakuena ditshina dia Nzambi ku mesu kuandi.

Yoshua 7:19

Yoshua wakambila Akana ne, Muanʼanyi, ndi nkusengelela ne, Utumbishe Yehowa, Nzambi wa Isalele, umutondele bubi buebe; ungambile buwakuenza, kubusokoki kundi nansha.

Didimanyisha 8:10

Muanjelo muisatu wakela mpungi ne mu diulu muakahona mutoto munene mutema bu tshimunyi, wakahona ha tshituha tshisatu tshia misulu, ne ha mishimi ya mai;

Luke 17:18

Munyi kabakutangila muntu mukuabo muhingane bua kutumbisha Nzambi, anu muntu eu wa bende?

Danyele 8:19

Wakamba biandi ne, Mona! Nenkumanyishe malu adi alua mu tshikondo tshia ndekelu wa tshiji tshikole tshia Nzambi, bualu bua tshikena kumona etshi tshidi tshilesha malu a mu tshikondo tshisungula tshia kunshikidilu.

Yezekiyele 7:6

Nshikidilu wafiki, nshikidilu wafiki, udi unutabalela; monai, udi ulua!

Yezekiyele 7:2

Wewe, muana wa muntu, amba ne, Mukelenge Yehowa udi wambila ba mu buloba bua Isalele ne, Nshikidilu wafiki, nshikidilu wafiki ku matengu anai onso a buloba!

Yeshaya 58:1

Bandisha dî diebe bikole, kudikandi nansha, bandisha dî diebe bu dî dia mpungi, manyisha bantu banyi kushiha kuabo kua mikenji ne bana ba Yakoba mihi yabo.

Yeshaya 44:23

Bia mu diulu, imbai bualu bua Yehowa wakuenza nunku; bidi mu ndondo wa buloba, elai mbila! Bandishai mei enu mu kuimba kua misambu, nuenu, mikuna, ditu, ne mitshi yonso idimu! Bualu bua Yehowa wakuhikula Yakoba, neaditumbishishe mu Isalele.

Yeshaya 40:9

Wewe udi wambila ba mu Siona lumu luimpe, banda ha mutu ha mukuna mule; wewe udi wambila ba mu Yelushalema lumu luimpe, bandisha dî diebe bikole, udikoleshe, kutshinyi; Wambile ba mu misoko ya mu Yuda ne, Tangilai Nzambi wenu!

Yeshaya 40:3

Dî dia muntu udi wela lubila ne, Longolola! nshila wa Yehowa mu tshihela; nululamishile Nzambi wetu nshila munene mu tshihela tshia hatuhu.

Misambu 95:5

Mai manene ngandi, bualu bua yeye wakafuka; bianza biandi biakafuka buloba bûme kabidi.

1 Samuele 6:5

Nunku nudifuanyikishile bifuanyikishi bia masungu enu ne bifuanyikishi bia mpuku yenu idi misusule buloba buenu: nenuambike Nzambi wa Isalele butumbi bitabusheye bua kuhehesha tshianza tshiandi kunudi ne kudi nzambi yenu ne ku buloba buenu.

Genese 22:12

Yeye wakamba ne, Kulengi nsongalume tshianza nansha, kumuenzedi bualu, bualu bua katataka ndi mumanye ne wewe udi utshina Nzambi, bualu bua wewe kuakumpidia muanʼebe, muana umuehele mene.

Didimanyisha 18:19

Bakela luhuishi ha mutu habo, ne bakela mbila, bikale ne binsonshi ne badila muadi, bamba ne, Mulau, mulau, musoko munene, muakadi bonso bakadi ne matu abo ha mai manene bavuishibue babanshi bualu bua mushinga wau mukole! Bualu bua mu luhola lumue wakubutudibua.

Didimanyisha 18:17

Bualu bua mu luhola lumue bubanshi bunene nunku budi bubutudibua. Ne kapitene konso ka buatu, ne muntu yonso udi wenda mu buatu mu muaba wonso, ne bendeshi ba matu, ne bonso badi baheta bidibo nʼabi bualu ku mudimu wa ha mai manene, bakimana ha bule,

1 Petro 4:7

Kadi kunshikidilu kua malu onso kudi ha buihi; nunku nuikale ne meshi majalama, ne nuikale bahole mu mitendelelu;

Matayi 25:13

Dimukai, kanuena bamanye dituku ne ha diba.

Malaki 2:2

Yehowa wa misumba udi wamba ne, Binuikala kanuyi baunvuile, ne binuikala kanuyi bauteka mu mitshima yenu, bua kunemeka dina dianyi, nennutumine mulau, nenkudimune masanka enu alue milau; eyo, nakumana kuavuisha milau, bualu bua kanuena nuteka dî dianyi mu mitshima yenu.

Misambu 115:15

Nusankishibue kudi Yehowa, wakafuka diulu ne buloba.