Didimanyisha 1:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Ne hanakamutangila, nakahona ku makasa andi bu mufue. Ne yeye wakateka tshianza tshiandi tshia balume hamʼbidi hanyi, wamba ne, Kutshinyi; meme ndi wa kumudilu ne wa kunshikidilu,

MUKANDA WA MYIDI MUKULU

¹⁷ Meme mumumone nanku, mvua mupone panshi ku makasa ende bu muntu mufue. Ke yeye kuteka tshianza tshiende tshia balume pambidi panyi, wamba ne: — Kutshinyi to! Meme ndi wa kumpala ne wa ndekelu.

Didimanyisha 1:17 交叉引用

Yeshaya 44:6

Yehowa, Mukelenge wa Isalele, Muhikudi wandi, Yehowa wa misumba, udi wamba ne, Ndi wa kumudilu, ndi wa kunshikidilu; kakuena nzambi mukuabo, anu meme nkayanyi.

Didimanyisha 22:13

Meme ndi A ne Z, wa kumudilu ne wa kunshikidilu, tshibangidilu ne kunshikidilu.

Yeshaya 41:4

Wakuenza bualu ebu wakubushikisha udi ubikila milongo ya bantu ku tshibangidilu nganyi? Meme Yehowa, ndi wa kumudilu, ndi kabidi muomumue ne wa kunshikidilu; mmeme mene.

Yeshaya 48:12

Teleja matshu kundi, wewe Yakoba, Isalele mene unakubikila! Meme ndi yeye; ndi wa kumudilu, ndi wa kunshikidilu kabidi.

Didimanyisha 2:8

Fundila muanjelo wa ekelesia wa ku Semuna ne, Wa Kumudilu ne Wa Kunshikidilu, wakadi mufue ne udi muikale ne muoyo kabidi, udi wamba malu â ne,

Yezekiyele 1:28

tshifuana muanzankongolo udi umueneka mu matutu mu dituku didi nvula uloka; ke muakadi tshinfuanyi tshia kukenka kukole kuakamunyunguluka. Etshi tshiakadi tshinfuanyi tshia butumbi bua Yehowa tshiakamueneka kundi. Hanakatshimona, nakatua mpala wanyi hanshi, nakunvua dî dia mukuabo wakadi wakula.

Didimanyisha 1:8

Mukelenge Nzambi udi wamba ne, Meme ndi A ne Z, ne udiku, ne wakadiku, ne udi ulua, Wa Bukole Buonso.

Yeshaya 41:10

Kutshinyi, bualu bua ndi nʼebe; kukenzakanyi bua buowa nansha, bualu bua ndi Nzambi webe; nenkukoleshe, bulelela, nenkukuatshishe; bulelela, netujadike ne tshianza tshianyi tshia balume tshia buakane buanyi.

Danyele 10:15

Hakayikileye nʼanyi, ungambila mei â, nakinama hanshi, tshiyi ngakula.

Didimanyisha 1:11

diamba ne, Bualu bûdi utangila, ubufunde mu mukanda, ûtume kudi ekelesia muanda mutekete: ku Efeso, ne ku Semuna, ne ku Pêgamo, ne ku Tuatila, ne ku Sâdi, ne ku Filadelefia, ne ku Laodikiya.

Matayi 28:4

balami bakamutshina, bakazakala, bakalua bu bantu bafue.

Danyele 10:12

Hashishe, yeye wakangambila ne, Danyele kutshinyi nansha! Bualu bua dituku diwakateka mutshima webe ku dijingulula dia malu â ne diwakadihuekesha ku mpala kua Nzambi webe, yeye utu unvua mei ebe: nakulua bua kulomba kuebe.

Ekesode 20:20

Mose wakambila bantu ne, Kanutshinyi, bualu bua Nzambi wakulua bua kunuteta, ditshina diandi dikale ku mpala kuenu, bua nuenu kanuenji malu mabi.

Ekesode 14:13

Mose wakambila bantu ne, Kanutshinyi, imanai, numone luhandu lua Yehowa lualueye kunuha lelu, bua Bena Ejipitu banuakumona lelu kanuena nubamona kabidi tshiendelele.

Genese 15:1

Hakashika malu a, dî dia Yehowa diakalua kudi Abalama mu tshilota ne, Abalama kutshinyi, meme ndi ngabu webe ne difutu diebe ditambe bunene.

Yowanane 21:20

Petelo wakatshinguluka, wakamona muyidi wakadi Yesu munange, ulonda, nguakadi mumueyemene tshianyima mu tshiadi hakadibo badia bidia butuku, nguakamukonka ne, Wakutungila tshitungu nganyi?

Yowanane 13:23

Muyidi mukuabo, wakadi Yesu musue, wakadi nʼandi ku mesa, mumueyemene mu tshiadi.

Abakuke 3:16

Nakunua malu â, ne mutshima wanyi wakuhampakana, mishiku yanyi yakukanka bua tshiona atshi. Mifuba yanyi yakuvingutuka, nakuzakala mu muaba unakuimana; ndi ne bua kuindila dituku dia ntatu, muhuwe talalâ; tô ne haluadi kudi bantu badi batukengesha.

Ekesode 3:6

Wakamba kabidi ne, Ndi bianyi Nzambi wa tatuʼebe, Nzambi wa Abalahama, Nzambi wa Isaka, Nzambi wa Yakoba Mose wakayikila mesu andi, wakatshina kutangila Nzambi.

Matayi 14:27

Kadi Yesu wakabambila ne, Nukoleshe mitshima yenu; nmeme, kanutshinyi.

Matayi 28:5

Muanjelo wakandamuna bakashi ne, Kanuntshinyi; ndi mumanye ne, Nudi nukeba Yesu, wakashihabo ku mutshi mutshiamakane.

Didimanyisha 1:4

Yone kudi ekelesia muanda mutekete idi mu Asia, ngasa ikale kunudi ne ditalala, bia kudi Yeye udiku ne wakadiku ne udi ulua; ne kudi Nyuma muanda mutekete idi ku mpala kua nkuasa wandi wa butumbi;

Misambu 139:5

Wewe udi unnyunguluka ku nyima ne ku mpala, udi uteka tshianza tshiebe hamʼbidi hanyi.

Muadi 3:57

Wewe wakasemena ha buihi nʼanyi mu dituku dinakukubikila; wakamba ne, Kutshinyi nansha.