Dibadika 6:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Yehowa abandishe mesu andi kunudi, anuhe ditalala.

MUKANDA WA MYIDI MUKULU

²⁶ Maweja-Nangila anuakidile bimpe, anupe bupole!”

Dibadika 6:26 交叉引用

Misambu 4:6

Ba bungi badi bamba ne, Muntu kayi watulesha diakalengele? Yehowa, utubandishile munya wa mpala webe.

2 Tesalonike 3:16

Mukelenge wa ditalala anuhe ditalala misangu yonso mu mianda yonso. Mukelenge ikale ne buonso buenu.

Misambu 29:11

Yehowa neaheshe bantu bandi bukole, Yehowa neasankishe bantu bandi ne ditalala.

Rome 15:13

Nzambi wa ditekemena anûshe tente ne disanka ne ditalala dia mu ditabusha dienu, bua nuenu nukumbane mu ditekemena mu bukole bua Nyuma Muimpe.

Yowanane 16:33

Nakunuambila malu â bua nuenu nuikale ne ditalala munda muanyi. Ha buloba nudi ne dikenga; kadi nukoleshe mitshima yenu; nakuhita ba ka buloba bukole.

Bienzedi 2:28

Wewe wakunmanyisha nshila ya muoyo; Neungûshe tente ne disanka ku mesu kuebe.

Yeshaya 26:3

Wewe udi ulama muntu udi ne mutshima wandi mujalame bua yeye ikale ne ditalala dia tshishiki, bualu bua yeye udi ukueyemena.

Rome 15:33

Nzambi wa ditalala ikale ne buonso buenu. Amen.

Yowanane 20:21

Yesu wakabambila kabidi ne, Ditalala dikale kunudi; bu muakantuma Tatu, nunku mundi nutuma.

Misambu 42:5

Mutshima wanyi, wewe udi muitshikile bua tshinyi? Udi ulubakana munda muanyi bua tshinyi? Wikale ne ditekemena diebe mu Nzambi; bualu bua nemmutumbishe kabidi, bualu bua yeye udi luhandu luanyi ne Nzambi wanyi.

Filipe 4:7

Ne ditalala dia Nzambi didi ditamba dijingulula dionso dia bantu, nedilame mitshima yenu ne meshi enu mu Kilisto Yesu.

Luke 2:14

Butumbi buikale kudi Nzambi mu diulu, Ditalala dikale hanshi ha buloba munkatshi mua bantu badi basankisha Nzambi.

Yeshaya 57:19

Yehowa udi wamba ne, Ditalala, ditalala dikale kudi muntu udi kule ne kudi muntu udi ha buihi; nemmuondahe.

Yeshaya 26:12

Yehowa, neutujadikile ditalala; bualu bua wakutuenzela midimu yetu yonso.

Misambu 89:15

Disanka didi kudi bantu badi bamanye tshiona tshia badi basanka. Yehowa, badi benda biabo mu munya wa ha mpala hebe.

Misambu 37:37

Tangila muntu udi ne mutshima mutoke bimpe, mona muntu udi muakane; bualu bua tunkanunuma netuikale kudi muena ditalala.

Bienzedi 10:36

Yeye kabidi wakatumina bana ba Isalele dî, wakabambidila lumu luimpe lua ditalala kudi Yesu Kilisto (yeye udi Mukelenge wa bantu bonso);

Yowanane 20:26

Hakahita matuku muanda mukulu kabidi, bayidi bandi bakadi mu nsubu, Toma wakadi nʼabo. Bibi biakadi binshila, Yesu wakalua, wakimana munkatshi muabo, wakamba ne, Ditalala dikale kunudi.

Yowanane 14:27

Ndi nushila ditalala, ndi nuha ditalala dianyi; tshiena nuhadi bu mudi ba ha buloba banuhadi. Mitshima yenu kaizakadi, kaitshinyi.

Mika 5:5

Yeye eu neikale ditalala dietu. Halua Muena Ashû mu buloba buetu, hadiateye mu nsubu ya bakelenge betu, hashishe, nembishe balami ba mikoko muanda mutekete ne bakokeshi muanda mukulu munkatshi mua bantu bua kumuihata.

Misambu 44:3

Bualu bua kabakadinyengela buloba abu ku muele wabo wa nvita, ne diboko diabo kadiakabasungila mu nvita; kadi tshianza tshiebe tshia balume ne diboko diebe ne munya wa ha mpala hebe biakabasungila. Bualu bua wewe wakadi nʼabo luse.

Efeze 6:23

Ditalala dikale kudi bana betu ba mu Kilisto, ne dinanga disangisha ne ditabusha bia kudi Nzambi Tatu ne kudi Mukelenge Yesu Kilisto.

Rome 5:1

Nunku bualu bua tuakabingishibua ku ditabusha, tuikale ne ditalala ne Nzambi bua Mukelenge wetu Yesu Kilisto.