Dibadika 31:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Bakashiha bakelenge ba mu Midiyana kabidi: Evi ne Lekeme ne Sû ne Hû ne Leba bakelenge batanu ba Midiyana bakashiha Belama, muana mulume wa Beô, ne muele wa nvita kabidi.

MUKANDA WA MYIDI MUKULU

⁸ Kushipabu kabidi Balaame, muana wa Beyore, pamue ne bamfumu batanu ba bena Madiyane: Evi, Rekeme, Sure, Ure ne Reba.

Dibadika 31:8 交叉引用

Dibadika 25:15

Dina dia mukashi wa Bena Midiyana wakashihibua diakadi Kozebi, muana mukashi wa Sû, yeye wakadi ku mutu kua nsubu ya batatuʼabo ya mu Midiyana.

Didimanyisha 2:14

Kadi ndi nʼebe malu manya-manya, bualu bua udi ne bakuabo aha badi balamata diyisha dia Belama, wakayisha Balaka bua kutekeye tshilenduishi ku mpala kua Bena Isalele, bua kudiabo bintu bishihela mpingu ne bua kuendabo masandi.

Yuda 1:11

Mulau wikale kudibo; bualu bua bakaya mu nshila wa Kana, bakadiela lukasa mu dihambuka dia Belama bua difutu, bakajimina mu ditomboka dia Kola.

Didimanyisha 19:20

Nyama wa luonji wakakuatshibua, ne bakamukuata ne muprofete wa mashimi wakenza bimanyinu ku mpala kuandi biakadingeye nʼabi bantu bakangata tshimanyinu tshia nyama wa luonji ne bakakukuila tshifuanyikishi tshiandi, bubidi buabo bakedibua ne muoyo mu dishiba dia kahia kadi katema ne soufre.

2 Petro 2:15

Hakalekelabo nshila mululame, bakahambuka, bamane kulonda nshila wa Belama, muana wa Beo, wakasua difutu dia bienzedi bibi;

Misambu 10:2

Muntu mubi mu kudisua kuandi udi wihata bantu bahele bikole; witabushe bua bantu babi bakuatshibue mu mateyi akuhangidishabo.

Misambu 9:16

Yehowa wakudimanyisha kudi bantu, wakukosa bilumbu biabo; bantu babi badi bakuatshibua mu mateyi akenzabo ne bianza biabo.

Dibadika 25:18

bualu bua bobo badi banutatshisha ne budimu, bakanushima mu bualu bua Peô ne mu bualu bua Kozebi, muana mukashi wa mukelenge wa mu Midiyana, muanʼabo mukashi, wakamushihabo mu dituku diakalua disama bualu bua Peô.

Dibadika 24:25

Belâma wakabika, wakahingana kuandi, Balaka wakaya kuandi kabidi.

Dibadika 22:10

Belâma wakambila Nzambi ne, Balaka, muana mulume wa Sipô, mukelenge wa Moaba, wakantumina dî ne,

Dibadika 22:4

Mukelenge wa Moaba wakambila bakulu ba Midiyana ne, Bantu aba bd bungi nebatukengeshe bu mudi ngombe ukongolesha mashinde a mu budimi ne ludimu luandi Balaka, muana mulume wa Sipô, wakadi mukelenge wa Moaba ku tshikondo atshi.

Dibadika 24:14

Katataka nyaya kudi bantu banyi, lua biebe, nenkuleshe malu adi bantu aba benzela bantu bebe mu matuku adi ku mpala.

Dibadika 31:9

Bena Isalele bakaya ne bakashi ba Bena Midiyana ne bana babo bakese, bakangata kabidi bimuna biabo ne bisumbu bia mikoko ne bintu biabo bionso.

Dibadika 31:16

Monai, bobo bakenzesha Bena Isalele bua kuenzabo malu mabi kudi Yehowa bualu bua dî dia Belâma mu bualu bua Peô, nunku dikenga dikole diakadi munkatshi mua bantu ba Yehowa.

Abakuke 3:7

Nakatangila ntenta ya Kushana mu dikenga; bilulu bikudika bia mu ntenta ya mu buloba bua Midiyana biakazakala.

Dibadika 22:5

Yeye wakatuma miloho kudi Belâma, muana mulume wa Beô, ku Petô udi hehi ne musulu wa Pelata ku buloba bua bantu bandi bualu bua kumubikila ne, Tangila, bantu bakaluhuka mu Ejipitu, tangila, badi batangalaka buloba buonso, badi bashikama hehi nʼanyi.

Dibadika 23:10

Udi mumanye mua kubala bana ba Yakoba nganyi? udi mumanye mua kubala tshituha tshinai tshia Bena Isalele nganyi? Nfue bianyi lufu lua muntu muakane, ne kunshikidilu kuanyi kuikale bu kuandi.

Nsumuinu 11:3

Butoke bua mutshima bua bantu bakane nebubalombole; kadi kuhambuka kua bedi ba tshitungu nekubabutule.

Nsumuinu 13:17

Messager mubi udi uhona mu dikenga, kadi muloho udi mua kueyemenyibua udi usangasha bantu.