Dibadika 28:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Eu udi mulambu wa tshiendelele unakanuelela mukenji mu mukuna wa Sinai, mulambu udi utua dihembu, mulambu wa kuosha ha kahia kudi Yehowa.

MUKANDA WA MYIDI MUKULU

⁶ Matuku onsu, nundambule mulambu wa kuosha mushindu umue ne mulambu unuvua bangoshile ku mukuna wa Sinayi, bua dipembu diawu dinsankishe.

Dibadika 28:6 交叉引用

Amosa 5:25

Nuenu Bena Isalele, nuakulua budi ne milambu ya nyama minshihela ne ya bia kudia bidimu makumi anai mu tshihela, anyi?

Yezekiyele 46:14

Ku dinda ne ku dinda longolola mulambu wa bia kudia, tshituha tshisambombo tshia épha umue, tshituha tshisatu tshia hin wa manyi bua kusangisha nʼau bukula; eu mmulambu wa bia kudia udibo ne bua kufila kudi Yehowa ku dituku ku dituku bu mukenji wandi wa tshiendelele.

Misambu 50:8

Tshiena nnubela bua milambu yenu; milambu yenu ya kuosha idi ku mpala kuanyi matuku onso.

Ezela 3:4

Bakadia bidia bia disanka dia mu nsubu ya bitandatanda bu muakafundabo; bakafila milambu ya kuosha ya buatshia-buatshia bu mudi bungi buai, bu mudi dî dijalame, bu muakadibo ne bua kuenza buatshia-buatshia;

2 Kulondolola 31:3

Yeye wakafila luseke lua bintu bia mukelenge lua milambu ya kuosha dinda ne dilolo ne ku dituku dia lumingu ne habala ngondo ne ku matuku a bidia bia disanka, bu muakafundabo mu mikenji ya Yehowa.

2 Kulondolola 2:4

Tangila, meme ndi ngamba kuibakila dina dia Yehowa Nzambi wanyi nsubu wa kumujidila ne bua kuoshelamu musenga wa manananshi, ne bua kutekamu bidia bia kulesha, ne bua kuoshelamu milambu dinda ne dilolo ne ku dituku dia lumingu ne habala ngondo ne hadiabo bidia bia disanka ku mpala kua Yehowa Nzambi wetu. Eu udi mukenji mujalame wa Bena Isalele tshiendelele.

Lewitiki 6:9

Elela Alona ne bana bandi balume mukenji ne, Eu udi mukenji wa mulambu wa kuosha ha kahia, mulambu wa kuosha newikale ha nkunyi ha tshioshelu butuku buonso tô ne dinda, kahia nekikalehu butuku buonso, kakajimi nansha.

Ekesode 31:18

Hakashikisha Yehowa kusomba ne Mose ha mukuna wa Sinai, yeye wakamuha mabue abidi akadi ne mikenji mifundahu ne munu wa Nzambi.

Ekesode 24:18

Mose wakabuela munkatshi mua difutu, wakabanda mu mukuna Mose wakashala mu mukuna munya ne butuku mafuku makumi anai.

Filipe 2:17

E, bulelela, binahongolodibua ha mulambu ne ha ditendelela dia ditabusha dienu, ndi nsanka bianyi, ne ndi nsanka ne buonso buenu;

Dibadika 28:5

ne tshintu tshia dikumi tshia tshihiminu tshia bukula bubotesha bu mulambu wa bukula busangisha ne tshituha tshinai tshia dikoho dia manyi.

Dibadika 28:7

Mulambu wa kunua newikale tshituha tshinai tshia dikoho ku muana wa mukoko yonso, nebahongoluele Yehowa mulambu wa nvinyo udibo banua mu muaba wa tshijila.

Yezekiyele 46:15

Balongolole nunku muana wa mukoko ne mulambu wa bia kudia ne manyi, ku dinda ku dinda, bua kubifila bu mulambu wa kuosha buatshia-buatshia.

Lewitiki 27:34

Ei mmikenji yakelela Yehowa Bena Isalele mukana mua Mose mu mukuna wa Sinai.