Dibadika 26:55 - Mukanda wa Nzambi Dihungila Dikulukulu ne Dihungila Dihia-dihia 2003

⁵⁵ Kadi nebabanye buloba anu ku nshobo, bobo nebahiane buloba ku mena a bisamba bia batatuʼabo.

MUKANDA WA MYIDI MUKULU

⁵⁵ Kadi, nansha biobi bikale nanku, utshinke bua kujadika muaba udi tshisamba tshionsu mua kupeta.

Dibadika 26:55 交叉引用

Dibadika 34:13

Mose wakambila Bena Isalele ne, Ebu mbuloba bunudi nuhiana hanuela nshobo, buloba buakuha Yehowa kudi bisamba tshitema ne tshituha tshia tshisamba tshikuabo,

Dibadika 33:54

Nenuhiane buloba ku meku enu, hanuela nshobo, nenuhe bantu ba bungi buloba bua bungi, ne bantu bakese buloba bukese, biakuata nshobo muntu, buloba abu nebuikale buandi, nenuhiane buloba bu mulongo wa bisamba bia batatu benu.

Yoshua 14:2

bakatahulula muhianyi abo ne nshobo, bu muakambila Yehowa Mose, bua bisamba tshitema ne bua tshituha tshia tshisamba.

Yoshua 11:23

Nunku Yoshua wakanyenga buloba buonso bu muakambila Yehowa Mose; Yoshua wakabuabanyina Bena Isalele bu buhianyi buabo, tshisamba luseke luatshi tshisamba luseke luatshi. Buloba buakashala talalâ, kakuyi nvita.

Kolose 1:12

Nusakidile Tatu, wakatuvuisha bantu badi mua kuikala babanyanganyi ba buhianyi bua basanto bua mu munya.

Bienzedi 1:26

Bakabelela nshobo, nshobo yakakuata Matia; bakamubala ne bapostolo dikumi ne umue.

Nsumuinu 18:18

Kuela kua nshobo kudi kukosesha matandu, kudi kukosa tshilumbu tshidi tshihandulula bantu bakole.

Nsumuinu 16:33

Badi belela nshobo ha bibelu, kadi dikosa dionso dia bualu didi difuma kudi Yehowa.

Yoshua 19:40

Buhianyi bua muanda mutekete buakadi bua tshisamba tshia Bena Dana ku meku abo.

Yoshua 19:32

Buhianyi bisambombo buakadi bua tshisamba tshia Bena Nafatale ku meku abo.

Yoshua 19:24

Buhianyi buitanu buakadi bua tshisamba tshia Bena Ashê ku meku abo.

Yoshua 19:17

Buhianyi buinai buakadi bua Bena Yisakâ ku meku abo.

Yoshua 19:10

Buhianyi buisatu buakadi bua Bena Zebuluna ku meku abo. Mukalu wa buhianyi buabo wakadi ku Salida;

Yoshua 19:1

Buhianyi buibidi buakadi bua tshisamba tshia Bena Shimeona ku meku abo, buhianyi buabo buakadi munkatshi mua buhianyi bua Bena Yuda.

Yoshua 18:6

Nuenu nenutahulule buloba bituha bituha muanda mutekete, nenungambile bu munuakenza; meme nennuelele nshobo ku mesu kua Yehowa, Nzambi wetu.

Yoshua 17:14

Bana ba Yosefe bakambila Yoshua ne, Bualu kai wewe wakatuha anu tshituha tshimue bu buhianyi buetu, tuetu tudi bantu ba bungi bualu bua Yehowa wakatusankisha?

Dibadika 26:56

Nebabanye buhianyi bunene anyi buhianyi bukese anu ku nshobo.

Yezekiyele 47:22

Nubutahulule ku kuela kua nshobo bua buikale buhianyi buenu, ne bua bantu ba bende badi bashikame munkatshi muenu ne badi balela bana munkatshi muenu. Bobo bikale kunudi bu bana baledibue mu meku a Bena Isalele; bikale ne buhianyi hohamue nʼenu munkatshi mua bisamba bia Bena Isalele.

Dibadika 36:2

Yehowa wakela dî kudi mukelenge wetu bua kutahulula buloba bua buhianyi ku nshobo, Yehowa wakela dî kudi mukelenge wetu kabidi bua kuha buhianyi bua Selofehada muanʼetu mulume kudi bana bandi bakashi.