Dibadika 14:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Kanuanji kutombokela Yehowa nansha, kanutshinyi bena buloba; bobo badi bu bintu bia tuetu kudia, bintu bidibo badisungila nʼabi biakumuka, ne Yehowa udi nʼetu; kanubatshinyi.

MUKANDA WA MYIDI MUKULU

⁹ Kadi, lekelayi kutombokela Maweja-Nangila. Kanutshinyi bena ditunga adi to. Netubabutule! Mvidie yabu ivuabu batekemene kayena kabidi ne bukole bua kubalama to! Kadi Maweja-Nangila udi netu. Nanku kanubatshinyi to.

Dibadika 14:9 交叉引用

Dielulula 7:18

Kanubatshinyi: nuvuluke malu akenzela Yehowa, Nzambi wenu, Palô ne Bena Ejipitu bonso;

Rome 8:31

Netuambe tshinyi bua malu â? Bikala Nzambi nʼetu, nganyi udi mumanye mua kutuhumbisha?

Dielulula 31:6

Nuikale ne bukole ne mitshima ya dikima, kanubatshinyi, bualu bua Yehowa, Nzambi wenu, yeye mene uyaya nʼenu; yeye kena unuhanga, kena unulekela.

Misambu 74:14

Wakabela mitu ya Léviathan, wakamuha bu bia kudia kudi bantu badi bashikame mu tshihela.

2 Kulondolola 32:8

bualu bua yeye udi anu ne maboko a bantu, kadi Yehowa Nzambi wetu udi nʼetu bua kutukuatshisha ne bua kutufila nvita. Bantu bakeyemena mei a Hezikiya, mukelenge wa Yuda.

2 Kulondolola 20:17

Kanuena ne bua kuluangana nvita ei; nudijadike, nuimane talalâ, numone luhandu lua Yehowa ludi nʼenu, nuenu Bena Yuda ne Bena Yelushalema; kanutshinyi, kanukemi; nuye kudibo hatshiabu; bualu bua Yehowa udi nʼenu.

Dielulula 31:8

Yehowa mene uyaya ku mpala kuebe, yeye neikale hebe, kena ukuhanga, kena ukulekela: kutshinyi, kuzakadi.

Dibadika 24:8

Nzambi wakamubadila mu Ejipitu, yeye udi ne bukole bua nyama wa mbowa, yeye neamine bisamba bia bantu badi nʼandi lukuna, neatshibule mifuba yabo bituha, yeye neabatubule ne mikete.

Yoshua 1:5

Kakuena muntu udi mua kuimana ku mpala kuebe tô matuku onso autshidi ne muoyo; nengikale nʼebe bu munakadi ne Mose; tshiena ukulekela, tshiena nkushiya nkayebe.

Misambu 121:5

Yehowa udi mulami webe; Yehowa udi dileshi diebe ku tshianza tshiebe tshia balume.

Misambu 14:4

Benji ba malu mabi bonso kabena ne meji, anyi? Badi badia bantu banyi bu mudibo badia bidia, ne kabena babikila dina dia Yehowa.

Dielulula 9:7

Vulukai, kanuhu muoyo bu munuakafuisha Yehowa, Nzambi wenu, tshiji mu tshihela; ku dituku dinuakahatuka mu buloba bua Ejipitu tô ne hanuakafika ku muaba eu, nuakahidia Yehowa.

Dielulula 1:26

Kadi nuenu nuakahidia bua kuyamu, nuakahidia mukenji wa Yehowa, Nzambi wenu.

Danyele 9:9

Kudi Mukelenge Nzambi wetu kudi luse ne kujimisha kua mibi yetu, bualu bua tuakumutombokela.

Dielulula 32:42

Nenvuishe mikete yanyi bu mukuatshiki wa maluvu bualu bua mashi abo, ne muele wanyi wa nvita neudie munyinyi wabo ne mashi a bafue ne a bena lukanu, ne mitu ya bukelenge ba bena lukuna.

Dielulula 7:21

Kanutshinyi ku mesu kuabo, bualu bua Yehowa, Nzambi wenu, udi munkatshi muenu, udi Nzambi munene udi uvuisha ditshina dikole.

Dielulula 1:21

Tangilai, Yehowa, Nzambi wenu, wakateka buloba ku mpala kuenu: yai bienu, nubuhiane, bu muakanuambila Yehowa, Nzambi wa batatuʼenu; kanutshinyi, kanuikadi ne buowa.

Filipe 1:27

Anu bualu ebu, bikadilu bienu bikale biakanangane ne lumu luimpe lua Kilisto; bua binalua kunumona anyi bingikala kukuabo, ngunvue bianyi lumu lua malu enu ne, Badi bajalama mu nyuma tunue, ne badi batshinta hohamue ne mutshima umue bua ditabusha dia lumu luimpe,

Matayi 1:23

Mukashi utshidi kamama neimite difu, nealele muana mulume, Nebamuidike dina ne, Imanuele, kuandamuna kua muaku ne, Nzambi udi nʼetu.

Yirmeya 48:45

Bakadi banyema badi bimana, kabayi ne bukole kabidi, mu mundidimbi wa Heshebona. Bualu bua kadilu kakuluhuka mu Heshebona, ludimi lua kadilu luakuluhuka mu musoko wa Sihona, luakuosha mpala wa Moaba, ne lubombo lua mutu lua bena diyoyo.

Yeshaya 63:10

Kadi bakamutombokela, bakanyingalasha Nyuma wandi Muimpe; nunku yeye wakadikudimuna bua kuikaleye muena lukuna wabo, ne yeye muine wakaluangana nʼabo.

Yeshaya 41:14

Kutshinyi, wewe Yakoba, tshishishi, ne nuenu Bena Isalele! Nenkukuatshishe, ndi dia Yehowa, Muhikudi webe, Wa Tshijila wa Isalele.

Yeshaya 41:10

Kutshinyi, bualu bua ndi nʼebe; kukenzakanyi bua buowa nansha, bualu bua ndi Nzambi webe; nenkukoleshe, bulelela, nenkukuatshishe; bulelela, netujadike ne tshianza tshianyi tshia balume tshia buakane buanyi.

Yeshaya 32:2

Muntu neikale bu tshisokomenu ku tshihehele, ne tshinyemenu tshia ku tshihuhu, neikale bu misulu ya mai mu muaba mûme, bu dileshi dia dibue dinene mu buloba budi butondesha bantu.

Yeshaya 1:2

Diulu, unvua biebe, ne wewe buloba, teleja matshu ebe, bualu bua Yehowa wakuamba dî ne, Nakudisha, nakukolesha bana, ne bakuntombokela.

Misambu 91:1

Udi mushikame mu tshisokomenu tshia Nzambi Mutambe Bunene wa mulu neikale mu mundidimbi wa Nzambi wa Bukole Buonso.

Misambu 46:11

Yehowa wa misumba udi nʼetu; Nzambi wa Yakoba udi tshinyemenu tshietu.

Misambu 46:7

Yehowa wa misumba udi nʼetu; Nzambi wa Yakoba udi tshinyemenu tshietu.

2 Kulondolola 15:2

wakaya kusangakena ne Asa, wakamuambila ne, Unvuai, Asa ne Bena Yuda ne Bena Benyamina; Yehowa udi nʼenu, hantshidi nʼandi; binuamukeba, nenumuhete; kadi binuamulekela, yeye neanulekele.

2 Kulondolola 13:12

Tangilai, Nzambi udi nʼetu ku mutu kuetu, ne bakuidi bandi badi ne mpungi ya kuela bua kunudimusha. Nuenu Bena Isalele, kanuluanganyi ne Yehowa, Nzambi wa bankambua benu; bualu bua kanuena mua kumuhita bukole.

Balombodi 1:22

Bena Yosefe bakaya bua kuluisha Bena Betele; Yehowa wakadi nʼabo.

Ekesode 33:16

Nemmanye ne, Nakasangana luse ku mesu kuebe, ne meme ne bantu bebe, kudi kunyi? Kabuena nunku ne, Wewe uyaya nʼetu, ne tuetu, meme ne bantu bebe, netuikale bu bantu badi bahanduluka kudi bisamba bionso bia bantu badi hanshi ha buloba, anyi?

Genese 48:21

Isalele wakambila Yosefe ne, Nfuafua, kadi Nzambi neikale nʼenu neanuhingashe mu buloba bua batatuʼetu.

Danyele 9:5

tuakuenza malu mabi, tuakuhambuka mu nshila wa buakane, tuakuenza bibi, tuakutomboka, tuakusesuka ku mikenji yebe ne mei ebe.

Dielulula 1:29

Hashishe nakanuambila ne, Kanuikadi ne buowa, kanubatshinyi.

Nehemya 4:14

Nakatangila ne nakajuka, nakambila bantu banene ne bakokeshi ne bantu bakuabo ne, Kanubatshinyi, nuvuluke Mukelenge wenu munene, mukole, nuluangane bikole bualu bua bana benu ne bana benu ba balume ne bana benu ba bakashi baledibue ne bua bakashi benu ne nsubu yenu.

Yirmeya 1:19

Yehowa wakamba ne, Nebaluangane nʼebe, kadi kabena bakuhita bukole; bualu bua meme ndi nʼebe bua kukuhandisha.

Yirmeya 42:11

Yehowa udi wamba ne, Kanutshinyi mukelenge wa Babulona unudi nutshina katataka, kanumutshinyi; bualu bua meme ndi nʼenu bua kunusungila ne bua kunuhandisha mu bianza biandi.

Ekesode 14:13

Mose wakambila bantu ne, Kanutshinyi, imanai, numone luhandu lua Yehowa lualueye kunuha lelu, bua Bena Ejipitu banuakumona lelu kanuena nubamona kabidi tshiendelele.

Dibadika 13:30

Kaleba wakakolesha bantu ku mesu kua Mose ne, Tuyai katataka, tunyenge buloba abu, tudi bamanye mua kuhita bena buloba abu bukole.

Dibadika 17:6

Mose wakamanyisha Bena Isalele, bakelenge babo bakamuha milangala dikumi ne ibidi, mukelenge mulangala wandi mukelenge mulangala wandi, bu mu nsubu ya batatuʼabo, ne mulangala wa Alona wakadi munkatshi mua milangala yabo.

Dibadika 20:2

Bantu kabakadi ne mai a kunua, bakadisangisha kudi Mose ne kudi Alona.

Yoshua 14:12

Katataka Umpe bianyi luseke elu lua ku mikuna, bu muakamba Yehowa dituku adi; bualu bua wewe wakunyua dituku adi bu muakadiku Bena Anaka, ne misoko minene ya ngumbu; bikala Yehowa nʼanyi, nembihate, bu muakamba Yehowa.

Misambu 46:8

Luai bienu, nutangile bienzedi bia Yehowa, bu muakuenzesheye dibutuka dia bungi ha buloba.

Misambu 106:24

Hashishe, bakahetula buloba abu buimpe, kabakitabusha dî dia mulayi wandi.