Dibadika 14:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Ndi nkusengelela ne, Ubuikidile bantu aba bubi buabo, bu mudi bunene bua luse luebe lujalame, bu muwakababuikidila bubi buabo ku Ejipitu to ne katataka.

MUKANDA WA MYIDI MUKULU

¹⁹ Nanku, ndi nkusengelela ne: fuila bena Izrayele luse bu muuvua mubenzele pavuabu bapatuke mu Ejipitu.

Dibadika 14:19 交叉引用

Ekesode 34:9

Yeye wakamba ne, Bingikala muhete dianyisha ku mesu kuebe, Yehowa, witabushe bua Yehowa aye biandi munkatshi muetu; nansha bantu aba bikale ne buhidia bukole; utubuikidile kuhanga kuetu ne mibi yetu, utuitabushe bu buhianyi buebe.

Misambu 78:38

Kadi bualu bua yeye wakadi mûle tente ne luse, wakababuikidila tshitshu tshiabo, kakababutula. Bulelela, yeye wakakanda tshiji tshiandi misangu ya bungi, kakasonsola tshiji tshiandi tshionso nansha.

Misambu 106:45

Wakavuluka tshihungidi tshiandi bua bualu buabo, wakakudimuna mutshima wandi bu mudi divulangana dia luse luandi lujalame.

Ekesode 32:32

Kadi katataka biwasua kubabuikidila bubi buabo, kadi biwikala kuyi musue, ndi nkusengelela ne, Unjimishe mu mukanda webe uwakufunda.

Yakobe 5:15

ne kulomba kudi ne ditabusha neasungile muena disama, ne Mukelenge neamubishe; ne bikaleye muenze bualu bubi, Nzambi neamubuikidile bubi buandi.

Mika 7:18

Neanyi udi Nzambi bu wewe, udi ubajimishila bubi, udi ulekelela difuka dia buhianyi buandi bubi bua ditomboka diabo? Yeye kena ushala ne tshiji tshiendelele, bualu bua udi usanka bua kulesha bantu luse lujalame.

Yona 4:2

Wakatendelela biandi Yehowa, wakamba ne, Yehowa, ndi ukukonka ne, Tshiakamba dî edi hantshivua mu buloba buanyi, anyi? Bua muanda eu nakadianjila kunyemena ku Tâshishi; bualu bua nakamanya ne wewe udi Nzambi wa luse, mûle tente ne dinanga, kuyi ukuatshika tshiji lubilu, udi ulesha bantu luse lujalame lukumbane, udi ukudimuna mutshima webe bua dikenga kadikuatshi bantu.

Yona 3:10

Nzambi wakamona bienzedi biabo, bu muakalekelabo nshila wabo mubi; ne Nzambi wakakudimuna mutshima wandi bua muanda mukole wakambeye diambedi ne, Nembenzele; yeye kakawenza nansha.

Danyele 9:19

Mukelenge, unvue biebe; Mukelenge, unjimishile mibi yetu; Mukelenge, utunvuile, wenze bualu ebu; kujanguluki bua muanda webe, Nzambi wanyi, bualu bua musoko webe ne bantu bebe bidi bidikibua dina diebe.

Yeshaya 55:7

Muntu mubi alekele kuenda mu nshila wandi mubi, udi kayi muakane alekele meji andi mabi; ahingane biandi kudi Yehowa, yeye neamufuile luse; ne kudi Nzambi wetu, bualu bua yeye neatambe kumubuikidila mibi yandi.

1 Bakalenga 8:34

ubunvuile mu diulu, ubuikidile bantu bebe Bena Isalele mibi yabo, ubahingishe kabidi mu buloba buwakuha bankambua babo.

Ekesode 33:17

Yehowa wakambila Mose ne, Nengenze bualu ebu buwakuamba bualu bua wewe wakasangana luse ku mesu kuanyi, meme ndi mumanye Hina diebe.

Dibadika 23:21

Yeye kena mutangile malu mabi munkatshi mua bana ba Yakoba, yeye kena mutangile mitshima mikole munkatshi mua Isalele. Yehowa, Nzambi wandi udi nʼandi ne dî dia lubila dia bukelenge didi munkatshi muabo.

Misambu 85:2

Wakumushila bantu bebe tshishiku tshiabo, waka babuikidila malu mabi abo onso.

Abakuke 3:2

Yehowa, nakunvua lumu luebe, ndi ntshina. Yehowa, sangulusha mudimu webe munkatshi mua bidimu ebi, munkatshi mua bidimu ebi ûmanyishe kudi bantu; mu njiya yebe uvuluke luse.

Amosa 7:2

Hakashikishayi kudia mashinde onso a ha buloba, nakamba ne, Mukelenge Yehowa, ndi nkutendekena ne, Ubabuikidile mibi yabo. Yakoba neashindame munyi? Bualu bua udi mushale anu mubalê.

Amosa 7:5

Hashishe, nakamba ne, Mukelenge Yehowa, ndi nkutendekena ne, Wanji kulekela. Yakoba neashindame munyi? Bualu bua yeye udi mushale anu mubalê.