Danyele 6:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Bua mei â mukelenge wakatamba kusanka, wakela di diandi ne, Bahatule Danyele mu buina bua ntambue. Hakahatulabo Danyele mu buina, kabakamusangana ne mputa hamʼbidi handi, bualu bua yeye wakeyemena Nzambi wandi.

MUKANDA WA MYIDI MUKULU

²³ Eyowa, Mvidi Mukulu wanyi uvua mutume mutumibue wende bua kukanga mbanga ya nyama ya ntambue. Kayena mingenzele bibi. Bualu tshiena muenze tshibawu ku mesu a Mvidi Mukulu. Kabidi tshiena mukuenzele tshilema nansha tshimue, mukalenga!

Danyele 6:23 交叉引用

1 Kulondolola 5:20

Bakuabo bakakuatshishangana nʼabo, ne bobo ne bakadi nʼabo bakahita Bena Hageli bukole; bualu bua bobo bakadila kudi Nzambi mu nvita, ne yeye wakabunvuila, bualu bua bobo bakamueyemena.

Danyele 3:25

Yeye wakabakudimuna ne, Monai, ndi ntangila bantu banai basuluke, bendakana mu kahia, kabayi ne bualu. Tshinfuanyi tshia muinai tshidi bu tshinfuanyi tshia muana mukuabo wa nzambi.

Marke 9:23

Yesu wakamuambila ne, Binamanya mua kuenza bualu! Bitabusha muntu, malu onso adi mua kumuenzekela.

Danyele 6:18

Hashishe, mukelenge wakabuela mu mbalasa wandi, wakashikamamu butuku bujima ujila bia kudia; kabakalua ne biombelu bia kuholesha nʼabi mutshima wandi, tulu tuakumuka ku mesu kuandi.

Yeshaya 26:3

Wewe udi ulama muntu udi ne mutshima wandi mujalame bua yeye ikale ne ditalala dia tshishiki, bualu bua yeye udi ukueyemena.

Nsumuinu 18:10

Dina dia Yehowa didi tshibumba tshikole; mundi muakane udi unyemenaku, udi uhanduka.

Misambu 37:40

Yehowa udi ubakuatshisha, udi ubasungila; udi ubabandisha mu bianza bia bantu babi, udi ubasungila, bualu bua badi banyemena kudiye.

2 Kulondolola 20:20

Bakabika hatshiatshia, bakaya ku tshihela tshia Tekoa; hakadibo baye, Yehoshafata wakimana, wakamba ne, Unvuai, Bena Yuda ne ba mu Yelushalema! Nueyemene Yehowa Nzambi wenu, bua nuenu nujadikibue; nuitabushe baprofete bandi, bua nuenu nuikale ne diakalengele.

Ebrewu 11:33

Bua ditabusha diabo bobo bakatekesha makelenge, bakenza malu makane, bakaheta milayi, bakabuikila mukana mua nyama ya ntambue;

Danyele 6:14

Hakunvua mukelenge mei â, wakanyingalala bikole, wakahangidisha munda bua kuhandisha Danyele; tô ne bakabuela diba wakatshinta mua kumuhandisha.

1 Bakalenga 5:7

Hakunvua Hilama mei a Solomo yeye wakatamba kusanka, wakamba ne, Yehowa wakaha Davidi muana wa lungenyi makane bua kukokesheye bantu bandi banene, atumbishibue lelu.

Ekesode 18:9

Yetelo wakasanka bua malu mimpe onso akenzela Yehowa Bena Isalele, bualu bua yeye wakabasungila mu bianza bia Bena Ejipitu.

Danyele 3:17

Biasua Nzambi wetu utudi tukuatshila mudimu kutusungila, yeye neatuhandishe ku tshikutu tshia kahia kakole ne mu tshianza tshiebe kabidi, mukelenge.

Misambu 18:21

Bualu bua nakalamata nshila ya Yehowa, ne tshiakumuka kudi Nzambi wanyi bua kumuenzela malu mabi.