Danyele 5:28 - Mukanda wa Nzambi Dihungila Dikulukulu ne Dihungila Dihia-dihia 2003

²⁸ PERES, bakutahulula bukelenge buebe, bakubuha Bena Madai ne Bena Pelasa.

MUKANDA WA MYIDI MUKULU

²⁸ PERESE, mmomumue ne: bakuabanyi. Mbuena kuamba ne: mbatapulule bukalenga buebe, bua kubupesha bena Madayi ne bena Persa.

Danyele 5:28 交叉引用

Danyele 6:28

Nunku Danyele wakadi ne diakalengele mu matuku a bukokeshi bua Dayawesha ne mu bukokeshi bua Kolesha, Muena Pelasa.

Yeshaya 13:17

Monai! Nensonsole Bena Madai bua kuleshabo bantu aba, ne bobo kabena bamona argent bu tshintu tshimpe, ne or kena ubasankisha.

Danyele 5:31

Dayawesha, Muena Madai, wakadia bukelenge, wakadi ne bidimu bu makumi asambombo ne bibidi.

Yeshaya 21:2

Bakummanyisha tshikena kumona tshikole; muena lukinu udi wenza malu a lukinu, muhaudi udi uhaula. Bandaku, Elama; tshintshimika, Madai! Nempuwishe kuhumuna kuonso kuakuvuisheye ku luseke alu.

Danyele 9:1

Mu tshidimu tshia kumudilu tshia bukokeshi bua Dayawesha, muana wa Ahashawelosha, wa tshisamba tshia Bena Madai, wakalelabo mukelenge ku mutu kua bukelenge bua Bena Kasada;

Danyele 8:20

Bua tshimpanga tshiwakamona tshiakadi ne nsengu ibidi, nsengu ai idi bukelenge ba Bena Madai ne Bena Pelesa.

Bienzedi 2:9

Bena Pâtia ne Bena Madai ne Bena Elama, ne badi bashikame mu Mesopotamia, ne mu Yudaya ne mu Kapadokia, ne mu Ponto ne mu Asia,

Danyele 6:8

Nunku, mukelenge, ujadike mukandu eu, ufunde dina diebe ha mukanda udi ne mukenji eu, bua muntu kamanyi mua kuwandamuna, bu mudi mukenji wa Bena Madai ne Bena Pelasa, udi kauyi mua kukudimuka.

2 Kulondolola 36:23

Kolesha, mukelenge wa Pelasa, udi wamba ne, Yehowa, Nzambi wa mu diulu, wakumpa makelenge onso a ha buloba; wakungelela mukenji bua kumuashila nsubu mu Yelushalema udi mu Yuda. Muntu yonso wa bantu bandi bonso badi munkatshi muenu aye biandi, ne Yehowa Nzambi wandi ikale nʼandi.

Yeshaya 47:11

Nunku makenga neakukuate, ne kuena mua kuihata ne kutempa kuebe kua mbuku; kabutu nekahone hamʼbidi bebe, kuena mumanye mua kuamusha kûdi; kubutuka nekulue kûdi lukasa kûdi kuyi mumanye mua kuehula.

Yirmeya 25:13

Nengenzele ba ha buloba abu mei onso anakamba bualu buabu, adi mafunda mu mukanda eu, adi Yelemiya muambe bua kuhisha nʼau bisamba bionso bia bantu.

Yirmeya 51:28

Nulongolole ba mu bisamba bia bantu bua kuluangana nʼandi, bakelenge ba Bena Madai, ba-gouvemeur babo ne miloho yabo yonso, nulongolole buloba bujima budibo bakokesha.

Danyele 2:32

Mutu wa luhingu alu wakadi wa tshiamu tshia or muimpe, tshiadi tshialu ne maboko alu biakadi bia tshiamu tshia argent, dilu dialu ne bibelu bialu biakadi bia tshiamu tshia mitaku.

Danyele 2:39

Ku nyima kuebe bukelenge bukuabo, buhite buebe buhuekela, nebubike; hashishe, bukelenge buisatu bua tshiamu tshia mitaku mene nebumueneke, nebukokeshe ba ha buloba bonso.