Bienzedi 9:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Kadi Bânaba wakamuangata, wakaya nʼandi kudi bapostolo, wakabambila bu mu akamoneye Mukelenge mu nshila, ne bu muakakula Mukelenge nʼandi ne bu muakajukuileye bantu dî mu dina dia Yesu mu Damaseke.

MUKANDA WA MYIDI MUKULU

²⁷ Ke Barnabase kumuangata, kumufikisha kudi bapostolu. Kubalondelaye muvua Shawule mumone Mfumu mu njila, kabidi mutua Mfumu muyukile nende. Kubumvuijaye kabidi ne: Shawule mutulongeshe mu Damase ne dikima mu dina dia Yezu.

Bienzedi 9:27 交叉引用

Bienzedi 4:36

Muntu wakadiku, dina diandi Yosefe, bapostolo bakamuidika dinga dina ne, Bânaba (kukudimuna kua muaku ne, Muana wa Busambi), Muena Lewi, mulela ku Kupulio;

Bienzedi 4:29

Mukelenge, bua malu a mpindiu, utangile dikanyina diabo; uhe bantu bebe mitshima ya kuamba dî diebe ne dikima dikole,

Bienzedi 4:13

Hakamonabo dikima dia Petelo ne Yone, hakamanyabo ne, Kabena bamanye mikanda, badi bantu hatuhu, bakakema; bakabamanya ne, Mbakadi ne Yesu.

Ngalate 2:13

Ne Bena Yuda bakuabo bonso bakumuka nʼandi mu lubombo; ne Bânaba mene wakahambuishibua ku lubombo luabo.

Ngalate 2:9

ne hakamonabo ngasa wakumpabo kudi Nzambi, Yakobo ne Kefa ne Yone bakadi bu makunshi mu ekelesia, bakatuha meme ne Bânaba tshianza tshia, bukole tshia buobumue buetu mu Kilisto, bua tuetu tuye kudi bisamba bia bende, ne bua bobo baye kudi batengula.

1 Korente 15:8

ne kunshikidilu kua bonso wakamueneka kundi, meme muana wa kabishi.

1 Korente 9:6

Anyi, meme nkayanyi ne Bânaba, katuena ne bukole bua kuhidia kuenza mudimu wa bianza, anyi?

Bienzedi 15:2

Hakadi Paulo ne Bânaba nʼabo mpata ne dikonka musangu mule, bana babo ba mu Kilisto bakasungula Paulo ne Bânaba ne bakuabo babo bua kuyabo ku Yelushalema kudi bapostolo ne bakulu bua dikonka edi.

Bienzedi 13:2

Hakadibo benzela Mukelenge mudimu, hakadibo bajila bia kudia, Nyuma Muimpe wakamba ne, Nungumushile Bânaba ne Shaula ka tshisumbu tshienu bua mudimu unakubabikidila.

Bienzedi 12:25

Hakashikishabo kufila bintu, Bânaba ne Shaula bakahingana, bafume ku Yelushalema; bakalua ne Yone, dinga dina Mâko.

Bienzedi 11:25

Bânaba wakaya ku Tâso bua kukeba Shaula.

Bienzedi 11:22

Lumu luabo luakafika ku matshu a bena ekelesia ba mu Yelushalema; bakatuma Bânaba tô ne ku Antiokia.

Bienzedi 9:17

Anania wakaya biandi, wakabuela mu nsubu, wakamulenga tshianza, wakamuambila ne, Muanʼetu Shaula, Mukelenge Yesu mene wakumueneka kûdi hawakadi ulua mu nshila, wakuntuma bua wewe kutabala ne bua wewe kûla tente ne Nyuma Muimpe.

Bienzedi 9:29

wakadi ubajukuila dî mu dina dia Mukelenge; wakadi wakula ne Bena Yuda bakadi bakula muaku wa Bena Gelika, wakadi welangana nʼabo mpata; kadi bakadi bakeba kumushiha.