Bienzedi 7:35 - Mukanda wa Nzambi Dihungila Dikulukulu ne Dihungila Dihia-dihia 2003

³⁵ Mose eu nguakahidiabo ne, Wakuvuisha mukelenge ne mulumbuludi nganyi? Nzambi wakamutuma bu mukelenge ne musungidi ne tshianza tshia muanjelo wakamueneka kudiye mu katshi.

MUKANDA WA MYIDI MUKULU

³⁵ Bena Izrayele bavua babenga Moshe, bamuamba ne: “Udi mukuteke mfumu ne mukoshi wa nsambu yetu nnganyi?” Kadi yeye Moshe, ke muntu uvua Mvidi Mukulu mutume, bua alombole bantu bende, abapikule ku diambuluisha dia mutumibue wende, uvua mumumuenekele mu tshipuka.

Bienzedi 7:35 交叉引用

Luke 19:14

Kadi bantu bandi bakadi nʼandi lukuna, bakatuma miloho bua kumulonda ne, Katuena basue muntu eu ikale mukelenge wetu.

Misambu 75:7

Kadi Nzambi nyeye udi mulumbuluishi; udi uhuekesha munga muntu, udi ubandisha mukuabo.

Dibadika 20:16

ne hatuakadila kudi Yehowa, yeye wakumpa dî dietu, wakatuma muanjelo wakatuhatula mu Ejipitu, ne tangila, tudi mu Kadesha, musoko udi ku butshika bua buloba buenu mene.

Ekesode 14:19

Muanjelo wa Nzambi, wakadi wenda ku mpala kua Bena Isalele, wakumukaku, wakaya ku nyima kuabo, ne difutu diakumuka ku mpala kuabo kabidi, diakimana ku nyima kuabo.

Didimanyisha 15:3

Badi bimba musambu wa Mose, muhika wa Nzambi, ne musambu wa Muana wa Mukoko, bamba ne, Mukelenge Nzambi wa Bukole Buonso, midimu yebe idi minene ne ya dikema. Wewe, Mukelenge wa bikondo, nshila yebe idi miakane ne ya bulelela.

Ebrewu 2:2

Bua bikala dî diakambibua kudi banjelo diakajadikibua, ne bikala bualu buonso bua dihambuka ne buhidia buonso biakahetela benji babi difutu diakanangane ne bubi,

Kolose 1:15

Yeye udi tshifuanyikishi tshia Nzambi udi kai mua kumuenebua, muanʼa bute wa bifukibua bionso;

Bienzedi 7:51

Nuenu bena tshishiku, badi kabai batengudibue mu mitshima ne mu matshu, matuku onso nudi nuhidia Nyuma Muimpe; nudi nuenza bu muakenza bankambua benu.

Bienzedi 7:30

Hakakumbana bidimu makumi anai, muanjelo wakamueneka kudiye mu tshihela tshia mukuna wa Sinai mu ludimi lua kahia luakadi mu katshi.

Bienzedi 5:31

Nzambi wakamubisha ne tshianza tshiandi tshîa balume bua kuikaleye Mukelenge ne Musungidi, ne bua kuheye Isalele kukudimuna kua mitshima ne kujimisha kua mibi.

Bienzedi 3:22

Mose mene wakamba ne, Mukelenge Nzambi neanubishile muprofete wa munkatshi mua bana benu, bu muakambisheye meme; nenutumikile mei andi onso anuambileye.

Bienzedi 2:36

Ka Bena Isalele bonso bamanye bushua ne, Nzambi wakuvuisha Yesu eu unuakushiha ku mutshi mutshiamakane Mukelenge ne Kilisto kabidi.

Yowanane 19:15

Bakela mei abo bikole ne, Umumushe, umumushe, umushihe ku mutshi mutshiamakane! Pilato wakabakonka ne, Nshihe Mukelenge wenu, anyi? Bakuidi banene bakamukudimuna ne, Katuena ne mukelenge mukuabo, anu Kaisa.

Yowanane 18:40

Kadi bobo bakela mbila kabidi ne, Muntu eu nasha, anu Balaba. Balaba wakadi munyengi wa bintu.

Yeshaya 63:9

Mu makenga abo onso yeye wakunvua dikenga, ne muanjelo utu wimana hehi nʼandi wakabasungila; mu dinanga diandi ne mu dibafuila diandi dia luse yeye wakabahikula; wakabambula ne wakabatuala mu matuku onso a kale.

Misambu 77:20

Wakalombela bantu bu tshisumbu tshia mikoko, ku tshianza tshia Mose ne tshia Alona.

1 Samuele 12:8

Hakaya Yakoba mu Ejipitu, ne bakadila bankambua benu kudi Yehowa, hashishe Yehowa wakatuma Mose ne Alona, bobo bakafuma ne bankambua benu mu Ejipitu, bakabateka mu muaba eu.

1 Samuele 10:27

Kadi bantu bakuabo balembakane bakakonkangana ne, Muntu eu neatusungile munyi? Nunku bakamulengulula, kabakamuha kantu kakese. Kadi yeye wakahuwa biandi talalâ.

Ekesode 33:2

Nentume muanjelo ku mpala kuebe, nengihate Bena Kanana ne Bena Amole ne Bena Hiti ne Bena Pelizi ne Bena Hiwi ne Bena Yebuse,

Ekesode 32:34

Katataka ya biebe, uye ne bantu ku muaba unakukuambila, tangila, muanjelo wanyi neaye ku mpala kuebe, kadi dituku dinalua kudibo, nembenzele kabidi bu mudi bubi buabo.

Ekesode 14:24

Hakatshia butuku, Yehowa wakatangila bisumbu bia Bena Ejipitu mu ditutu diakadi ne dinkenke dia kahia, wakabatshinyisha.

Ekesode 2:14

Yeye wakamba ne, Wakukuteka mukelenge wetu ne mulumbuluishi wetu nganyi? Udi ukeba kunshiha bu muwakushiha Muena Ejipitu, anyi? Mose wakatshina, wakamba ne, Bulelela, bualu ebu buakumanyibua.

Marke 12:26

Kadi bualu bua bantu bafue ne bua dibisha diabo ku lufu, kanuakubala mukanda wa Mose mu luseke lua bualu bua Katshi, anyi? Nzambi wakamuambila ne, Ndi bianyi Nzambi wa Abalahama, ne Nzambi wa Isaka, ne Nzambi wa Yakoba.