Bienzedi 5:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ Nzambi wa bankambua betu wakabisha Yesu unuakashiha mukudika ku mutshi mutshiamakane.

MUKANDA WA MYIDI MUKULU

³⁰ Mvidi Mukulu wa bankambua betu mmubishe Yezu, unuvua nuenu bashipeshe, bapopele pa mutshi mutshiamakane.

Bienzedi 5:30 交叉引用

Ngalate 3:13

Kilisto wakatuhikula ku mulau wa mikenshi, wakadivuisha bu mulau bua bualu buetu; bu muakafundabo ne, Muntu yonso udi mukudika ku mutshi udi ne mulau;

1 Petro 2:24

Yeye muine wakututuadila malu mabi etu mu mubidi wandi ku mutshi mutshiamakane, bua tuetu, bamane kufua ku malu mabi, tuikale ne muoyo wa ku buakane; kunuakuondahibua ku mibundabunda yandi.

Bienzedi 10:39

Tuetu tudi bamanyi ba malu onso akenzeye mu luseke lua Bena Yuda ne mu Yelushalema; bakamushiha mukudika ku mutshi mutshiamakane.

Bienzedi 22:14

Yeye wakamba ne, Nzambi wa bankambua betu wakakusungula bua wewe kumanya budiye musue, ne bua wewe kutangila Udi Muakane, ne bua wewe kunvua dî dia mukana muandi.

Bienzedi 13:33

ne Nzambi wakashikishila bana betu mulayi eu, hakabisheye Yesu ku lufu; bu muakafundabo mu musambu muibidi ne, Wewe udi Muana wanyi, nakukulela lelu.

Bienzedi 3:26

Nzambi mumane kubisha Muana wandi diambedi, wakamutuma kunudi bua kunusankisheye, hanumusheye muntu ne muntu ku mibi yandi.

Bienzedi 2:32

Yesu eu, Nzambi wakamubisha ku lufu, buonso buetu tudi bamanyi ba bualu ebu.

Luke 1:72

Yeye wakalesha bankambua betu luse, Wakavuluka dihungila diandi dia tshijila,

Luke 1:55

Wakubutuka bua kufuila Abalahama ne bana bandi luse tshiendelele, Bu mu akambileye bankambua betu.

Ezela 7:27

Disanka dikale kudi Yehowa, Nzambi wa bankambua betu, nguakateka bualu ebu mu mutshima wa mukelenge bua kulengesheye nsubu wa Yehowa udi mu Yelushalema,

1 Kulondolola 29:18

Yehowa, Nzambi wa Abalahama ne wa Isaka ne wa Yakoba, bankambua betu, witabushe bua bantu bebe bikale ne meji â onso munda muabo tshiendelele, ujadike mitshima yabo kûdi;

1 Kulondolola 12:17

Davidi wakahatuka bua kusambakena nʼabo, wakabambila ne, Bulualua kundi ne ditalala bua kukuatshishangana neanyi, mutshima wanyi neunvuangane ne mitshima yenu; kadi bulualua bua kuntangila tshitungu kudi bena lukuna banyi, hashishe Nzambi wa batatu betu atangile bualu ebu, anuhele, bualu bua tshiena ne bualu bubi mu bianza bianyi.