Bienzedi 4:28 - Mukanda wa Nzambi Dihungila Dikulukulu ne Dihungila Dihia-dihia 2003

²⁸ ne bua kuenza malu onso akasungula tshianza tshiebe ne mutshima webe diambedi ne, Alue.

MUKANDA WA MYIDI MUKULU

²⁸ Nenku mbakumbaje bionsu biuvua mudianze kujadika ku bukole buebe ne ku meji ebe ne: nebienzeke.

Bienzedi 4:28 交叉引用

Bienzedi 2:23

yeye wakadi mufila bu muakadi meshi akasungula Nzambi ne bu muakadi budianjidi kumanya buandi, nuenu nuakuenzesha bianza bia bantu babi bua kumutekabo ku mutshi mutshiamakane ne bua kumushihabo.

Yeshaya 46:10

ndi ndianjila kulesha bantu nshikidilu wa bualu ku tshibangidilu tshiabu, ne mu bidimu bia kale mubaleshe malu akadi kâyi manji kuenjibua. Ndi ngamba ne, Bualu bunakadihangidishila bua kuenza nebuenjibue, nengenze malu anakusua kuenza;

Genese 50:20

Bua bualu buenu nuenu nuakasua kungenzela bibi, kadi Nzambi wakasua kuenza bimpe, wakakudimuna malu bua kusungileye bantu bu muakuenzeleye lelu.

Matayi 26:24

Muana wa muntu udi uya bu muakamufundabo; kadi mulau neulue kudi udi utungila Muana wa muntu tshitungu; biakadi bimpe bu muntu eu kai muledibue.

Bienzedi 3:18

Kadi malu akamba Nzambi diambedi mukana mua baprofete bandi bonso ne, Kilisto wanyi neakenge, yeye wakashikisha nunku.

Yeshaya 53:10

Kadi Yehowa wakasua kumukuma, yeye wakamusamisha. Halueye kufila muoyo wandi bu mulambu wa kubuikila nʼau mibi, yeye neatangile tunkanunuma tuandi, nealeheshe matuku a muoyo wandi, ne muanda udi Yehowa musungule bua kuwenza newikale ne diakalengele mu tshianza tshiandi.

Ebrewu 6:17

Nunku, Nzambi, hakasueye kutamba kulesha bahianyi ha milayi disua diandi didi kadi mua kukudimuka, wakateka kuditshiha kuandi hankatshi habo;

Efeze 1:11

Mu Kilisto Yesu mutuakavuishibua buhianyi, hatuakadianjila kusungudibua bu muvueye muhangidishe, nyeye udi wenzesha malu onso bu mudi kudijingulula kua disua diandi;

Luke 22:22

Bulelela, Muana wa muntu udi uya bu muakasungulabo, kadi mulau neulue kudi wakumutungila tshitungu.

Matayi 26:54

Mei a mu Mukanda wa Nzambi ne, Bualu ebu nebulue, ahu neashike bishi?

Yeshaya 40:13

Wakulombola Nyuma wa Yehowa nganyi? Anyi wakumuyisha meji bualu bua udi mufidi wandi wa meji nganyi?

Yeshaya 28:29

Lungenyi elu kabidi ludi lufuma kudi Yehowa wa misumba, udi ulesha bantu meji adi abakemesha, ne udi ne lungenyi lutambe buimpe.

Yeshaya 5:19

badi bamba ne, Endeshe biandi lubilu, endeshe bua kushikisha mudimu wandi bua tuetu tûmone; bualu budi Wa Tshijila wa Isalele muhangidishe busemene ha buihi, bumueneke, bua tuetu tubumanye!

Nsumuinu 21:30

Kakuena meji, anyi dijingulula dia mianda, anyi kuhunga kua mei, bidi mua kuhita Yehowa bukole.

Misambu 76:10

Bulelela, tshiji tshia bantu netshikutumbishe; wewe neudiluatshishe ne tshiji tshidi tshishala.

Yobe 12:13

Kudi Nzambi kudi meji ne bukole; yeye udi ne lungenyi ne dijingulula dia malu.

Yeshaya 14:24

Yehowa wa misumba wakuditshiha, wamba ne, Bulelela, bu munakuhangidisha bua kuenza, bualu nebuenjibue; bu nuina kusungula mu mutshima wanyi, nebujalame muomumue,

Yeshaya 37:26

Kuena muanze kunvua bu munakenza bualu ebu kale, ne bu m unaka dia njila kudihangidishilabu mu matuku a kale, anyi? Mpindiu nakuvuisha muanda eu, bua wewe Umanye mua kubutula misoko ya ngumbu bua kuluayi mishiki ya bintu bia tshianana.