Bienzedi 28:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Bakamuambila ne, Tuetu katuakangata mikanda mifume ku Yudaya bua bualu buebe, kakuena umue wa bana betu wakalua kunoko utuambila lumu, anyi ukutela ne bualu bubi.

MUKANDA WA MYIDI MUKULU

²¹ Kumuandamunabu ne: — Bena Yuda ki mbatutumine mukanda nansha umue udi utangila bualu buebe. Muanetu nansha umue ki mmufume kuntu aku, bua kutuambila bualu bubi buudi muenze, nansha kutujadikila malu ebe.

Bienzedi 28:21 交叉引用

Yeshaya 54:17

kakuena tshielelu tshia nvita tshidibo batula bua kukuluisha nʼatshi tshidi mua kuikala ne diakalengele; wewe neutuishe ludimi luonso ludibo babandisha bua kukubanda nʼalu mu tshilumbu. Ebu mbuhianyi bua badi bakuatshila Yehowa mudimu, ne eku nkubingishibua kuabo kudi kufuma kundi.

Yeshaya 50:8

udi umbingisha udi ha buihi nʼanyi. Wafuilangana nʼanyi nganyi? Tuimane bietu hohamue. Muntu kai neambande ne tshilumbu? Alue ha buihi nʼanyi!

Yeshaya 41:11

Monai, bonso badi bakukuatshile tshiji nebafuishibue bundu, nebabuelakane; badi bafuilangana nʼebe nebikale ba hatuhu, nebajimine.

Bienzedi 22:5

Muakuidi munene wa Nzambi udi udidila ne bakulu bonso; nakangata mikanda kudibo mitumine bana betu, nakadi ngenda mu nshila wa ku Damaseke bua kusuika bakadiku mu nkanu, ne bua kulua nʼabo ku Yelushalema bua kubakengeshabo.

Ekesode 11:7

Kadi nansha mbua kena mua kubululala umue wa Bena Isalele, nansha muntu nansha nyama, bua nuenu mumanye ne, Yehowa udi utahulula Bena Ejipitu ne Bena Isalele.

Bienzedi 3:17

Bana betu, ndi mumanye ne, Nuenu nuakuenza bualu ebu mu dituhakana dienu, bu inuakuenza badi ku mutu kuenu.

Bienzedi 28:14

Tuakasanganamu bana betu ba Nzambi, bobo bakatusengelela bua kushala nʼabo matuku muanda mutekete. Nunku tuakalua ku Lomo.

Rome 9:3

Nakadi kusua kuedibua mulau wa kumushibua hanyi kudi Kilisto, bualu bua bana betu, badi bakuetu ba mubidi.