Bienzedi 22:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Muntu mukuabo wakadimu, dina diandi Anania, wakadi mutendeledi muakane utumikile mikenshi ya Mose, lumu luandi luakadi luimpe munkatshi mua Bena Yuda bonso bakadi bashikamemu;

MUKANDA WA MYIDI MUKULU

¹² Momu amu muvua muntu, diende Ananiyase, munangi wa Mvidi Mukulu, uvua ukumbaja bimpe mikenji yetu. Bena Yuda bonsu ba mu tshimenga atshi bavua bamuanyisha.

Bienzedi 22:12 交叉引用

Bienzedi 10:22

Bakamba ne, Kônelio, kapitene ka masalayi lukama, udi muntu muakane udi utshina Nzambi, lumu luandi ludi luimpe ku tshisamba tshionso tshia Bena Yuda; Nzambi wakamudimusha kudi muanjelo wa tshijila bua kukubikileye ulue mu nsubu muandi ne bua kunvueye mei ebe.

Bienzedi 6:3

Bana betu, nukebe balume muanda mutekete munkatshi muenu badi ne lumu luimpe, badi bûle tente ne Nyuma ne lungenyi, netubateke ha mutu ha bualu ebu.

3 Yone 1:12

Demetelio udi ne bumanyishi kudi bonso ne kudi bushua buine; tuetu kabidi tudi tumanyisha bualu buandi; ne wewe udi mumanye ne, Bumanyishi buetu budi bulelela.

Ebrewu 11:2

Bua muanda wadi bakulu bakadi ne bualu buabo buambibua.

1 Timote 3:7

Bualu bukuabo, budiye nʼabu mbua kuikala ne lumu luimpe kudi badi kabai munkatshi mua bena ditabusha; bua kahonyi biandi mu malu adi avuisha bihendu ne mu buteyi bua diabolo.

2 Korente 6:8

ku butumbi ne mu dihetula, ku lumu lubi ne ku lumu luimpe; bu bena mashimi, kadi tudi bena mei malelela;

Bienzedi 17:4

Bakuabo bakitabusha, bakadisangisha ne Paulo ne Sila; tshisumbu tshinene tshia Bena Gelika bakadi batshina Nzambi ne bakashi ba butumbi ba bungi bakenza nunka kabidi.

Bienzedi 8:2

Batendeledi bakane bakajika Stefano, bakamuashila madilu makole.

Luke 2:25

Muntu mulume wakadi mu Yelushalema, dina diandi Shimeona; muntu eu wakadi muakane, wakadi kabidi mutumikidi wa mei, wakadi utekemena disamba dia Isalele; Nyuma Muimpe wakadi nʼandi.