Bienzedi 20:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ ngambila Bena Yuda ne Bena Gelika bua kukudimunabo mitshima kudi Nzambi ne bua kuitabushabo Mukelenge wetu Yesu Kilisto.

MUKANDA WA MYIDI MUKULU

²¹ Mvua ndomba bena Yuda ne bantu ba bisamba bikuabu, bua badilengeje, bapingane kudi Mvidi Mukulu, bitabe Mfumu wetu Yezu.

Bienzedi 20:21 交叉引用

Bienzedi 2:38

Petelo wakabambila ne, Kudimunai mitshima yenu, nubatijibue buonso buenu mu dina dia Yesu Kilisto bualu bua kunujimishilabo mibi yenu; nunku nenuangate kuha kua Nyuma Muimpe.

Bienzedi 11:18

Hakunvuabo malu â, bakahua, bakatumbisha Nzambi ne, Nzambi wakuha bisamba bia bendekabidi kukudimuna kua mutshima bua kuikalabo ne muoyo.

Bienzedi 20:24

Kadi tshiena mbala muoyo wanyi bu tshintu tshia mushinga mukole kundi, binamanya mua kushikisha tshidikishilu tshianyi tshia lubilu ne mudimu unakuangata kudi Mukelenge Yesu wa kumanyisha bantu lumu luimpe lua ngasa wa Nzambi.

Luke 13:3

Ndi nuambila ne, Nasha; badi binuikala kanui nukudimuna mitshima yenu, buonso buenu nenufue muomumue.

2 Korente 7:10

Bualu bua kanyinganyinga kadi Nzambi musue kadi kenzesha dikudimuna dia mutshima tô ne ku luhandu ludi kalui luvuisha dibungama; kadi kanyinganyinga ka ha buloba ebu kadi kavuisha lufu.

Rome 10:9

Biwajukula ne mukana muebe ne, Yesu udi Mukelenge, ne biwitabusha mu mutshima webe ne, Nzambi wakamubisha ku bafue, neusungidibue.

Bienzedi 26:18

bua wewe kubulula mesu abo, bakome nyima ku midima batangile ku munya, bakoma nyima ku bukole bua Satana batangile kudi Nzambi, bua bobo bahete dijimisha dia mibi yabo ne buhianyi munkatshi mua badi balengeshibue ku ditabusha didibo bangitabusha nʼadi.

Luke 24:47

mbimpe kabidi bia kuambilabo bisamba bionso bualu bua kukudimuna kua mitshima ne bua kujimishibua kua mibi yabo mu dina diandi, babangile ku Yelushalema.

1 Yone 5:5

Nganyi muntu udi uhita malu a ha buloba bukole? Anu yeye udi witabusha ne, Yesu udi Muana wa Nzambi.

Bienzedi 26:20

kadi nakambila ba mu Damaseke diambedi, ne ba mu Yelushalema, ne ba mu luseke luonso lua Yudaya, ne ba bisamba bia bende kabidi, bua kukudimunabo mitshima yabo, batshinguluke kudi Nzambi, benze malu adi makanangane ne dikudimuna dia mitshima yabo.

1 Yone 5:1

Muntu yonso udi witabusha ne, Yesu udi Kilisto udi muledibue kudi Nzambi; ne muntu yonso udi unanga wakamulela udi unanga kabidi wakuledibua kudiye.

Filemone 1:5

bualu bua nakunua lumu lua dinanga diebe, ne lua ditabusha diudi nʼadi mu Mukelenge Yesu ne kudi basanto bonso;

Efeze 1:15

Bua muanda eu meme kabidi, hanakunvua lumu lua ditabusha dia mu Mukelenge Yesu didi munkatshi muenu, ne lua dinanga dinudi nulesha basanto bonso,

Ngalate 2:20

Nakashihibua ku mutshi mutshiamakane ne Kilisto; nunku kememe kabidi udi ne muoyo, kadi Kilisto ngudi muoyo munda muanyi; ne muoyo undi nʼau mu mubidi katataka ndi nʼau mu ditabusha dia mu Muana wa Nzambi, wakannanga, wakadifila bua bualu buanyi.

Rome 5:1

Nunku bualu bua tuakabingishibua ku ditabusha, tuikale ne ditalala ne Nzambi bua Mukelenge wetu Yesu Kilisto.

Rome 4:24

kadi diakafundibua bua bualu buetu kabidi kudibo bamba kubadila ditabusha, badi bitabusha wakabisha Yesu Mukelenge wetu ku bafue, wakafidibua ka lufu bua malu mabi etu, wakabishibua bua dibingishibua dietu.

Rome 1:16

Bualu bua tshiena nfua bundu bua lumu luimpe; bua ludi bukole bua Nzambi ku luhandu kudi muntu yonso udi witabusha, kudi Muena Yuda diambedi, ne kudi Muena Gelika kabidi.

Bienzedi 17:30

Diambedi Nzambi wakahitshishila bantu bikondo bia buhote buabo hatuhu, kadi katataka yeye udi wela mukenshi ne, Bantu bonso badi kuonso bakudimune mitshima yabo;

Marke 6:12

Bakaya, bakambila bantu bualu bua Nzambi ne, Kudimunai mitshima yenu.

Marke 1:15

wakamba ne, Matuku akukumbana, bukelenge bua Nzambi budi hehi; kudimunai mitshima yenu, nuitabushe lumu luimpe.

Matayi 4:17

Ku tshikondo atshi Yesu wakabanga kuambila bantu bualu bua Nzambi ne, Kudimunai mitshima yenu; bualu bua bukelenge bua mu diulu budi hehi.

Ngalate 3:22

Mukanda wa Nzambi wakinshidila malu onso munshi mua bubi, bua kuha bantu badi bitabusha mulayi ku ditabusha dia mu Yesu Kilisto.

Ngalate 2:16

kadi ludi bamanye ne kakuena muntu wabingishibua bua kuenza kua mikenshi kadi anu ku ditabusha dia mu Yesu Kilisto; tuetu kabidi tuakitabusha Kilisto Yesu bua kubingishibua ku ditabusha dia mu Kilisto, kenku kuenza kua mikenshi, bualu bua kakuena muntu wabingishibua ku kuenza kua mikenshi.

1 Korente 1:22

Bualu bua Bena Yuda badi balomba bimanyinu, ne Bena Gelika badi bakeba meshi;

Rome 2:4

Anyi udi uhetula bubanshi bua buimpe bua Nzambi ne lutulu luandi ne luse lua musangu mule; kuena mumanye ne luse lua Nzambi ludi lukukoka ku dikudimuna dia mutshima, anyi?

Rome 1:14

Ndi amena dibanza wa Bena Gelika ne wa Basenshi kabidi, ne wa bena lungenyi ne wa bahote kabidi.

Bienzedi 28:23

Hakamusunguilabo dituku, bakalua ba bungi mu nsubu muandi; yeye wakabalondoluela malu, wakabayisha bua bukelenge bua Nzambi, wakateta bua kubitabushisha Yesu, ne ku mikenshi ya Mose ne ku mei a baprofete, dinda tô ne ku dilolo.

Bienzedi 16:31

Bakamba ne, Itabusha Mukelenge Yesu, neusungidibue ne ba mu nsubu muebe.

Bienzedi 10:43

Baprofete bonso badi bamba bualu buandi ne, Muntu yonso wamuitabusha neangate dijimisha dia dibi mu dina diandi.

Bienzedi 8:25

Hakamanyisha bapostolo bantu bualu buabo, hakabambilabo dî dia Mukelenge, bakahingana ku Yelushalema, bambila misoko ya bungi ya Bena Samalea lumu luimpe.

Bienzedi 3:19

Kudimunai mitshima yenu, andamukai kabidi, bua mibi yenu Ijimishibue; bua bikondo bia kunukankamasha bifume ku mesu kua Mukelenge,

Bienzedi 2:40

Yeye wakabambila mei makuabo a bungi, wakabadimusha ne, Disungilai kudi ba mu tshikondo etshi tshia tshitshu.

Yowanane 20:31

kadi malu â adi mafundibue bua nuenu nuitabushe ne, Yesu udi Kilisto, Muana wa Nzambi; ne bua nuenu nuikale ne muoyo mu dina diandi, hanuitabusha.

Yowanane 3:36

Udi witabusha Muana udi ne muoyo wa tshiendelele; kadi udi uhidia Muana kena umona muoyo, tshishi tshia Nzambi tshidi tshishala ngandi.

Luke 15:10

Ndi nuambila ne, Nunku kabidi disanka didi ku mesu kua banjelo ba Nzambi bualu bua muntu umue mubi wakukudimuna mutshima wandi.

Luke 15:7

Ndi nuambila ne, Nunku kabidi disanka dia mu diulu bua muntu umue mubi wakukudimuna mutshima wandi neditambe disanka bua bantu bakane makumi tshitema ne tshitema badi kabai ne bua kukudimuna mitshima yabo.

Luke 13:5

Ndi nuambila ne, Nasha; kadi binuikala kanui nukudimuna mitshima yenu, buonso buenu nenufue muomumue.

Matayi 3:2

Kudimunai mitshima yenu; bualu bua bukelenge bua mu diulu budi hehi.

Kolose 2:5

Bua bingikala tshi nʼenu mu mubidi wanyi, ntshidi nʼenu mu nyuma wanyi; ndi nsanka, ndi mona kudilongolola kuenu ne kutantamana kua ditabusha dienu dia mu Kilisto.

Bienzedi 24:24

Hakahita matuku, Felika wakalua ne mukashi wandi Dusila, wakadi biandi Muena Yuda, wakabikila Paulo, wakunvua dî diandi bualu bua ditabusha dia mu Kilisto Yesu.

Bienzedi 19:17

Bualu ebu buakadi bumanyibua kudi bonso, ne Bena Yuda ne Bena Gelika, bakadi bashikama mu Efeso; buowa buakakuata buonso buabo, dina dia Mukelenge Yesu diakadi ditumbishibua.

Luke 16:28

meme ndi ne bana betu batanu; abambile, kabalu mu muaba eu wa dikenga.

Bienzedi 20:23

kadi Nyuma Muimpe udi unmanyisha mu misoko yonso ne, Nkanu ne makenga bidi bikuindila.