Bienzedi 2:40 - Mukanda wa Nzambi Dihungila Dikulukulu ne Dihungila Dihia-dihia 2003

⁴⁰ Yeye wakabambila mei makuabo a bungi, wakabadimusha ne, Disungilai kudi ba mu tshikondo etshi tshia tshitshu.

MUKANDA WA MYIDI MUKULU

⁴⁰ Petro uvua ubasaka, ubakolesha ku muoyi, ubambila miaku mikuabu ya bungi ne: — Umbukayi kudi bena buenzayi ba lelu aba. Nanku nenupete lupandu!

Bienzedi 2:40 交叉引用

Filipe 2:15

bua nuenu nulue bantu badi kabai ne bualu ne badi ne mitshima mitoke, bu bana ba Nzambi badi kabai ne tshilema munkatshi mua bena tshikondo tshikonyangala ne tshia tshishiku; banudi numueneka munkatshi muabo du minda ya ha buloba,

Dielulula 32:5

Bantu bakadinyangisha kudiye, kabena bu bana bandi, bakahambuka, malu abo akanyanguka, akalua manyongoboka.

1 Timote 4:16

Wikale mudimuke ku malu ebe ne ku diyisha diebe. Unanukile kushala mu malu â; bua bawenza nunku, neudisungile wewe ne bobo kabidi badi bunvue mei ebe.

Efeze 4:17

Nunku ndi nuambila dî edi, ndi numanyishadi kabidi mu Mukelenge ne, Kanuendi kabidi bu mudi bantu ba bisamba bia bende benda mu meshi abo a hatuhu;

2 Korente 6:17

Nunku umukai munkatshi muabo, nuikale batahuluke, bu mudi Mukelenge wamba; Kanulengi tshintu tshibiha, ne meme nenuitabushe,

Matayi 17:17

Yesu wakandamuna ne, Nuenu ba tshikondo etshi tshia buhidia ne tshitshu, nenshale nʼenu musangu bule munyi? Nentate nʼenu musangu bule munyi? Luai nʼandi kundi.

Matayi 16:4

Ba mu tshikondo tshibi ne tshia masandi badi bakeba tshimanyinu! kabena babaha tshimanyinu tshikuabo anu tshia Yona. Yeye wakahashîa, wakaya biandi.

Ngalate 5:3

Ndi manyisha muntu yonso tshiakabidi udi witabusha ditengula ne yeye udi muena dibanza bua kuenzeye mikenshi yonso nkonkonko.

Bienzedi 28:23

Hakamusunguilabo dituku, bakalua ba bungi mu nsubu muandi; yeye wakabalondoluela malu, wakabayisha bua bukelenge bua Nzambi, wakateta bua kubitabushisha Yesu, ne ku mikenshi ya Mose ne ku mei a baprofete, dinda tô ne ku dilolo.

Matayi 23:33

Nuenu nyoka, ne bana ba nyoka, nudi bamanye mua kuhanduka dihila dia mu Ngena munyi?

1 Petro 5:12

Nakunufundila mei makese mu bianza bia Siluano, undi mbala bu muanʼetu wa mu Kilisto udi mua kueyemenyibua, bua kunusengelela ne bua kunumanyisha ne, Eu udi ngasa mulelela wa Nzambi; nujalamemu bikole.

1 Tesalonike 2:11

bu munudi bamanye mutuakanuenzela muntu ne muntu wa munkatshi muenu, bu mudi tatu wenza ne bana bandi balela, hatuakanusengelela, hatuakanukolesha mitshima, hatuakanuambila dî,

2 Korente 5:20

Nunku tudi miloho bua bualu bua Kilisto, bu mudi Nzambi munusengelele ne dî dietu, nunku tuetu tudi tunusengelela bua bualu bua Kilisto ne, Nulengeshibue ne Nzambi.

Bienzedi 20:24

Kadi tshiena mbala muoyo wanyi bu tshintu tshia mushinga mukole kundi, binamanya mua kushikisha tshidikishilu tshianyi tshia lubilu ne mudimu unakuangata kudi Mukelenge Yesu wa kumanyisha bantu lumu luimpe lua ngasa wa Nzambi.

Luke 21:36

Tabalai misangu yonso, nutendelele Nzambi mua kuikala ne bukole bua kuhanduka mu malu â onso alua, ne bua kuimana ku mesu kua Muana wa muntu.

Marke 8:38

Muntu yonso udi unfua meme ne mei anyi bundu mu tshikondo etshi tshia masandi ne tshia malu mabi, Muana wa muntu neamufue yeye bundu, halueye ne banjelo ba tshijila mu butumbi bua Tatu wandi.

Bienzedi 20:21

ngambila Bena Yuda ne Bena Gelika bua kukudimunabo mitshima kudi Nzambi ne bua kuitabushabo Mukelenge wetu Yesu Kilisto.

Yowanane 21:25

Malu makuabo a bungi adiku kabidi akenza Yesu; biâfundabo onso, ndi ngamba ne, Buloba bujima mene kabuena bukumbana miaba ya kuteka mikanda yafundabo.

Bienzedi 20:11

Hakabandeye mulu kabidi, hakatshibuleye bidia, hakadieye, hakakuleye musangu mule tô ne hakatshiabu, wakumuka.

Bienzedi 20:9

Nsongalume, dina diandi Eutuko, wakadi mushikamine ha madidishi, wakadi ubunga tulu; bualu bua Paulo wakadi wakula musangu mule, tulu tukole tuakamukuata, wakahona hanshi mu nsubu muisatu mulungakasha, bakamuambula mufue.

Bienzedi 20:2

Hakahitshileye mu nseke ai, hakakolesheye mitshima yabo ne mei a bungi, wakalua mu Gelika.

Bienzedi 15:32

Bualu bua Yuda ne Sila bakadi baprofete, bakambila bantu mei a bungi, bakakolesha mitshima yabo.

Bienzedi 10:42

Yesu wakatuambila bikole ne, Nuambile bantu bualu ebu, nubamanyishe ne, Eu nyeye wakusungudibua kudi Nzambi bua kuikala Mulumbuludi wa badi ne muoyo ne wa bafue.

Matayi 12:34

Nuenu bana ba nyoka, nudi babi, nudi bamanye mua kuamba mei mimpe munyi? Bua mukana mudi muamba anu malu adi matambe kuvulangana mu mutshima.

Nsumuinu 9:6

Lekelai kutshimbakana, nuikale ne muoyo, nuende mu nshila wa dijingulula dia mianda.

Yirmeya 51:45

Bantu banyi, luhukai munkatshi muandi! Muntu yonso adisungile ku tshiji tshikole tshia Yehowa.

Luke 16:28

meme ndi ne bana betu batanu; abambile, kabalu mu muaba eu wa dikenga.

Bienzedi 4:36

Muntu wakadiku, dina diandi Yosefe, bapostolo bakamuidika dinga dina ne, Bânaba (kukudimuna kua muaku ne, Muana wa Busambi), Muena Lewi, mulela ku Kupulio;