Bienzedi 2:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Diba nedikudimunyibue midima, Ne ngondo mashi, Diambedi dituku dia Mukelenge kadî dianze kulua, Adi ndituku dinene dia kukema.

MUKANDA WA MYIDI MUKULU

²⁰ Dituku dinene dia Maweja-Nangila, dituku dia butumbi, kadiyi dianji kufika, diba nediandamuke miidima, ngondu neakunze bu mashi.

Bienzedi 2:20 交叉引用

2 Petro 3:10

Kadi dituku dia Mukelenge dilualua bu mudi muibi; mu dituku adi diulu nedijimine ne diyoyo dinene, ne bintu bia mu diulu nebifingutuke ne kahia kakole, ne buloba ne bintu bidimu nebihie.

Amosa 8:9

Mukelenge Yehowa udi wamba ne, Hamueneka malu â dituku adi, nengenzeshe diba bua kubueladi munda munya, nenfikishe buloba hatshidi diba mulu.

Matayi 24:29

Hashika dikenga dia matuku au, diba nedifikuluke, ngondo kena ukenka, mitoto neituke mûlu, neihone, nebanyukule bukole buakadi buendesha bintu ebi mu diulu;

1 Tesalonike 5:2

Bualu bua nuenu nkayenu nudi bamanye bimpe ne, Dituku dia Mukelenge dilualua bu mudi muibi ulua butuku.

Malaki 4:5

Monai, nennutumine Eliya muprofete diambedi dituku dia Yehowa kadiyi dianji kulua, dituku adi dinene ne didi dikuatshisha bantu buowa.

Yowele 2:1

Elai mpungi mu Siona, elai mbila mu mukuna wanyi wa tshijila! Bena buloba ebu bonso bazakale; bualu bua dituku dia Yehowa didi diamba kulua, didi ha buihi!

2 Petro 3:7

Kadi bua dî diodiumue diulu didiku katataka ne buloba kabidi biakabutshidibua bua kuhia ne kahia bilamibue tô ne ku dituku dia dilumbulula ne dia dibutuka dia bantu badi babenga Nzambi.

Luke 21:25

Bimanyinu nebikale mu diba ne mu ngondo ne mu mitoto; ha buloba nehikale dikenga dikole dia bantu, nebatshine tshiona tshinene tshia mai manene ne tshia mavuala;

Marke 13:24

Mu matuku au, hashika dikenga, diba nedifikuluke, ngondo kena ukenka,

Yowele 3:14

Misumba ne misumba ya bantu idi mu tshibanda tshia tshilumbuluidi! Bualu bua dituku dia Yehowa didi ha buihi mu tshibanda tshia tshilumbuluidi.

Didimanyisha 16:8

Muinai wakahongolola luhanza luandi ha diba, ne bakadihesha bakole bua kuoshadi bantu ne kahia.

Didimanyisha 6:12

Nakatangila hakalamuneye tshimanyishilu tshisambombo, ne dikanka dinene dia buloba diakadiku; ne diba diakalua difike bu mudi tshilulu tshifike tshia miosa; ne ngondo mujima wakalua bu mashi;

1 Korente 5:5

bua kufila muntu wa nunku kudi Satana bua kushihesha malu a mubidi, bua nyuma wandi asungidibue mu dituku dia Mukelenge Yesu.

Matayi 27:45

Mîdima yakadi ha buloba buonso munda munya tô ne diba ha isatu.

Yirmeya 4:23

Nakatangila buloba, ne mona, buakadi bubondakana ne butuhu; nakamona diulu, ne munya kawakadimu.

Yeshaya 34:8

Bualu bua Yehowa udi ne dituku dia kusombuela ne tshidimu tshia kubafutshisha ditutu bua malu mabi akenzelabo ba mu Siona.

Yeshaya 24:23

Hashishe ngondo neabuandakane, ne diba nedidisokoke bua bundu buadi; bualu bua Yehowa wa misumba neakokeshe mu mukuna wa Siona, ne mu Yelushalema; ku mpala kua bakulu bandi nekuikale butumbi.

Yeshaya 13:15

Nebatubule muntu yonso udibo basangana, ne muntu yonso udibo bakuata neahone mushihibue ku muele wa nvita.

Yeshaya 13:9

Monai, dituku dia Yehowa dilualua, dikengesha bantu, dikala dia tshikisu ne dia tshiji tshikole, ndia kuyuisha buloba bu tshihela tshia hatuhu, ndia kubutula bantu babi.

Yeshaya 13:10

Bualu bua mitoto ya mu diulu ne bisumbu bia mitoto bidimu kabiena bitema, diba nedifikuluke habandadi, ne ngondo kena ukenka ha buloba.

Yowele 2:31

Diba nedikudimuke midima ne ngondo neakudimuke mashi, diambedi dituku adi dinene dia Yehowa, didi dikuatshisha bantu buowa, kadiyi dianze kulua.

Bienzedi 2:19

Nendeshe bantu malu a kukema mu diulu Ne bimanyinu ha buloba, Mashi, ne kahia, ne dibungibungi dia muinshi.

Bienzedi 2:21

Halua bualu ebu, watela dina dia Mukelenge neasungidibue.