Bienzedi 19:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Ba bungi kabidi bakadi bitabushe diambedi bakadi balua, batonda basokolola malu abo.

MUKANDA WA MYIDI MUKULU

¹⁸ Bantu ba bungi ba ku bavua bitabe, kutondabu patoke malu mabi avuabu benze.

Bienzedi 19:18 交叉引用

Rome 10:10

Bualu bua bantu badi bitabusha ne mutshima bua kuheta buakane, badi bajukula ne mukana bua kuheta luhandu.

Matayi 3:6

bakabadibua kudiye mu musulu wa Yadene, batonda mibi yabo.

Misambu 32:5

Nakatonda bubi buanyi kûdi, tshiakasokoka dihambuka dianyi ku buakane. Nakamba ne, Nentonde matomboka anyi kudi Yehowa; ne wewe wakandekelela dihila dia bubi buanyi.

1 Yone 1:9

Bituatonda mibi yetu, yeye udi wa kueyemenyibua ne udi ne buakane bua kubuikidila mibi yetu, ne bua kutulengesha ku malu mabi onso.

Yezekiyele 36:31

Hashishe nenumuke bilele Dienu bibi, ne bienzedi bienu biakadi kabiyi biakane; malu enu mabi ne a bundu neanutonde mene.

Yezekiyele 16:63

bua wewe uvuluke, ukuatshike bundu, bua wewe kubuludi mukana muebe kabidi kashidi, bualu bua bundu nebukukuate, hanashikisha kukubuikidila malu mabi onso awakuenza.

Yirmeya 3:13

Yehowa udi wamba ne, Anji kutonda bubi buebe, bu muwakatombokela Yehowa Nzambi webe; wakaya eku ne eku bua kudinyanga ne nzambi ya bantu ba bende muinshi mua mutshi wonso mubishi, ne kuakatumikila dî dianyi.

Nsumuinu 28:13

Udi usokoka matomboka andi kena wikala ne diakalengele, kadi udi uwatonda, uwalekela, neafuidibue luse.

Lewitiki 26:40

Bobo nebatonde mibi yabo, nebatonde mitu ya batatuʼabo kabidi disambuka diabo dia mikenji ne kumpidia kuabo,

Lewitiki 16:21

Alona neatentekashe bianza biandi bibidi ha mutu ha mbushi udi ne muoyo, neatondele Bena Isalele mabi yabo ne disambuka diabo dionso dia mikenji ne malu mabi abo onso, neatentekashe malu mabi onso ha mutu ha mbushi, nebamuihate mu tshihela ku tshianza tshia muntu wakasunguleye diambedi,

Bienzedi 19:17

Bualu ebu buakadi bumanyibua kudi bonso, ne Bena Yuda ne Bena Gelika, bakadi bashikama mu Efeso; buowa buakakuata buonso buabo, dina dia Mukelenge Yesu diakadi ditumbishibua.

Bienzedi 19:19

Bena matempu ba bungi bakasangisha mikanda yabo, bakayosha ku mesu kua bantu bonso. Bakabala mushinga wai, bakausangana muikale bituha bia argent mbombo itanu.

Yakobe 5:16

Nunku nutondelangane mibi yenu, nulombelangane Nzambi, bua nuenu mikoleshibue. Disengelela dia muntu muakane didi ne bukole bua bungi mu kuenza kuadi.