Bienzedi 14:22 - Mukanda wa Nzambi Dihungila Dikulukulu ne Dihungila Dihia-dihia 2003

²² benda bakolesha mioyo ya bayidi, babasengelela ne, Nushale mu ditabusha dienu; bua tuetu kubuela mu bukelenge bua Nzambi, anu hawahitshila mu makenga a bungi.

MUKANDA WA MYIDI MUKULU

²² Bavua bakolesha balongi ku muoyi, bua bananukile mu ditaba, babambila ne: — Tudinebua kumvua makenga mavule, bua tuetu kubuela mu Bukalenga bua Mvidi Mukulu.

Bienzedi 14:22 交叉引用

1 Petro 5:10

Ne Nzambi wa ngasa yonso, wakanubikila mu butumbi buandi bua tshiendelele bua mu Kilisto, hanuamana kukenga musangu muihi, yeye muine neanuakashe tshishiki, neanujadike, neanukoleshe.

2 Timote 3:12

Ne bantu bonso badi basue kuikala bena kanemu mu Kilisto Yesu nebakengeshibue.

Yowanane 16:33

Nakunuambila malu â bua nuenu nuikale ne ditalala munda muanyi. Ha buloba nudi ne dikenga; kadi nukoleshe mitshima yenu; nakuhita ba ka buloba bukole.

Rome 8:17

Ne bituikala bana, tudi bahianyi kabidi; bahianyi ba Nzambi, ne bahianyi tshiahamue ne Kilisto: bituakenga nʼandi, mbua tuetu tutumbishibue nʼandi.

Didimanyisha 2:10

Kutshinyi malu audi wamba kukenga nʼau. Mona, diabolo udi wamba kuela bakuabo ba munkatshi muenu mu lukanu bua nuenu nutetshibue, ne nenuikale ne dikenga dia matuku dikumi. Wikale biebe ne dieyemena tô ne ku lufu, nunku nenkuhe tshifulu tshia butumbi tshia muoyo.

Kolose 1:23

binuananukila mu ditabusha, bajadikibua ne bashindikibue bikole, ne kanui basesuishibue ku ditekemena dia lumu luimpe lunuakunvua, luakambibua munkatshi mua bifukibua bionso munshi mua diulu; lunakavuishibua, meme Paulo, muena mudimu walu.

2 Timote 1:8

Nunku kufuishibu bundu ku mesu bua bumanyishi bua Mukelenge wetu, anyi bua bualu buanyi, meme muena lukanu wandi; kadi ukenge nʼanyi bua lumu luimpe bu mudi bukole bua Nzambi;

Bienzedi 18:23

Hakashikameyemu musangu, wakumuka, wakahitshila luseke lua Galatia ne lua Fugia ku nyima, ukolesha mitshima ya bayidi bonso.

Matayi 10:38

Muntu udi kai wangata mutshi wandi mutshiamakane, udi kai undonda meme, kena ukumbana bua kuikaleye muyidi wanyi.

Didimanyisha 7:14

Nakamuambila ne, Mukelenge wanyi, wewe udi mumanye. Wakangambila kabidi ne, Aba mbantu badi bumuka mu dikenga dinene, ne bakuvua mayeka abo, ne bakâtokesha mu mashi a Muana wa Mukoko.

2 Petro 1:11

bua nunku nebatambe kunukumbashila ha kubuelela mu bukelenge bua tshiendelele bua Mukelenge wetu, udi kabidi Musungidi Yesu Kilisto.

Bienzedi 9:16

bualu bua neamuleshe bungi bua malu adiye ne bua kukengela bua dina dianyi.

1 Korente 1:8

Yeye kabidi neanujadike tô ne kunshikidilu, bua kanuikadi ne tshia kunubandabo nʼatshi mu dituku dia Mukelenge wetu Yesu Kilisto.

Bienzedi 15:41

Wakahitshila mu Sulia ne Kilikia wenda ukolesha mitshima ya bena ekelesia.

Bienzedi 15:32

Bualu bua Yuda ne Sila bakadi baprofete, bakambila bantu mei a bungi, bakakolesha mitshima yabo.

Luke 24:26

Kabiakadi bimpe bia Kilisto kukengeye mu malu â ne bua kubueleye mu butumbi buandi, anyi?

Matayi 16:24

Yesu wakambila bayidi bandi ne, Biasua muntu kundonda, adihidie, ambule mutshi wandi mutshiamakane, alonde.

Bienzedi 11:23

Hakafikeye, hakamoneye ngasa wa Nzambi, wakasanka; wakakolesha mitshima ya buonso buabo ne, Nunanukile kushala hehi ne Mukelenge ne disuminyina mu mitshima.

Yowanane 15:20

Nuvuluke dî dinakunuambila ne, Muhika kena mutambe nfumu wandi. Biankengeshabo, nebanukengeshe kabidi; bienzabo dî dianyi, nebenze dî dienu kabidi.

Yeshaya 35:3

Nukoleshe bianza bidi bitekete, ne nukankamike binu bidi bitenkakana.

Didimanyisha 1:9

Meme, Yone, muanʼenu wa ma Kilisto, ne muabanyanganyi nʼenu wa mu dikenga ne bukelenge ne ditantamana bidi mu Yesu, nakadi mu tshisanga tshidibo babikila ne Patemo, bualu bua dî dia Nzambi ne bua dimanyisha dia Yesu.

Yuda 1:3

Bananga, hanakadi ndienzesha ne disuminyina dionso bua kunufundila bua luhandu luolumue lutudi nʼalu, bualu buakunkuata kunufundila bua kukolesha mitshima yenu, bua nuenu nutshinte bikole bua ditabusha diakahabo basanto musangu umue tshiendelele.

1 Tesalonike 3:13

bua yeye ajadike mitshima yenu kayi ne bualu mu malu a tshijila ku mpala kua Nzambi udi kabidi Tatu wetu, ku dilua dia Mukelenge wetu Yesu Kilisto ne basanto bandi bonso.

Bienzedi 13:43

Hakamuangalaka bantu, Bena Yuda ba bungi ne bitabushi bimpe ba bualu bua Bena Yuda bakalonda Paulo ne Bânaba; bobo bakabambila ne, Nunanukile mu ngasa wa Nzambi.

Bienzedi 6:7

Di dia Nzambi diakadiundadiunda, bayidi bakadi bavulangana ba bungi mu Yelushalema; bakuidi ba bungi bakadi bitabusha lumu luimpe.

Marke 10:30

katataka yeye neahete bintu misangu lukama bitambe bia diambedi mu tshikondo etshi, nsubu ne bana babo balume ne bana babo bakashi ne bamamu ne bana ne madimi, ne makenga kabidi; halua tshikondo tshikuabo, neahete muoyo wa tshiendelele.

Marke 9:47

Biakulenduisha disu diebe, wadimasha; bua wewe kubuela mu bukelenge bua Nzambi ne disu dimue kudi kutamba bua wewe kuimashibua mu Ngena ne mesu abidi;

Yowanane 3:5

Yesu wakamuandamuna ne, Bulelela, bulelela, ndi nkuambila ne, Bikala muntu kai muledibue kudi mai ne kudi Nyuma, yeye kena mumanye mua kubuela mu bukelenge bua Nzambi.

Matayi 19:24

Ndi nuambila kabidi ne, Kubuela kua kamelu mu disu dia kashingi kudi kutamba kubuela kua muntu mubanshi mu bukelenge bua Nzambi butekete.

Yowanane 15:18

Bikala ba ha buloba nʼenu lukuna, nudi bamanye ne, Bakadi nʼanyi lukuna diambedi.

Bienzedi 11:26

Hakamumoneye, wakalua nʼandi ku Antiokia. Bakadi badisangisha ne bena ekelesia tô tshidimu tshijima, bakayisha bantu ba bungi; mu Antiokia muakabangabo kubikila bayidi ne, Bena Kilisto.

Bienzedi 11:29

Bayidi bonso, muntu ne tshiakadiye nʼatshi muntu ne tshiakadiye batshi, bakahangidisha bua kukuatshisha nʼabi bana babo ba mu Kilisto ba mu Yudaya;

Bienzedi 14:20

Kadi hakadi bayidi bimane bamunguile, wakabika, wakaya mu musoko; hakatshiabu, wakaya ne Bânaba ku Dêbe.

Bienzedi 14:28

Bakashalamu musangu mule ne bayidi.

Filipe 1:29

bualu bua nuakahebua ngasa bua bualu bua Kilisto, kena anu bua kumuitabusha, kadi bua kukenga bua bualu buandi kabidi;

1 Petro 2:21

Bua nuakabikidibua bua muanda eu, bualu bua Kilisto wakakenga bua bualu buenu, wakanushila tshileshilu bua nuenu numulonde mu makasa andi.

1 Petro 5:9

numutantamene bajalame mu ditabusha dienu; bualu bua nudi bamanye ne makenga momumue adi makumbashibue mu bana benu ba mu Kilisto badi ha buloba ebu.