Bienzedi 13:32 - Mukanda wa Nzambi Dihungila Dikulukulu ne Dihungila Dihia-dihia 2003

³² Tudi tunumanyisha lumu luimpe lua mulayi wakalayabo bankambua betu,

MUKANDA WA MYIDI MUKULU

³² Tuetu kabidi tudi tunumanyisha Lumu lua Disanka elu ne: bivua Mvidi Mukulu mulaye bankambua betu,

Bienzedi 13:32 交叉引用

Rome 4:13

Bualu bua mulayi wa kuhianeye buloba kawakadi kudi Abalahama anyi kudi tunkanunuina tuandi bualu bua mikenshi; kadi wakadika bua buakane bua ku ditabusha.

Bienzedi 26:6

Katataka udi muimane aha bua kulumbuluishibua bua ditekemena dia mulayi wakalaya Nzambi bankambua betu;

Yezekiyele 34:23

Nenteke mulami umue ha mutu hai, yeye neayidishe, muntu wanyi Davidi mene; yeye neayidishe, yeye neikale mulami wai.

Rome 9:4

Badi Bena Isalele mene, badi ne buhianyi bua bana, ne butumbi, ne mahungila, ne kuhebua kua mikenshi, ne mitendelelu, ne milayi.

Bienzedi 13:38

Nunku bana betu, mimanye bimpe ne, Badi banuambila bua dijimisha dia mibi yenu kudi muntu eu Yesu;

Zekâya 6:12

Umuambile ne, Yehowa wa misumba udi wamba dî edi ne, Monai, muntu udi ne dina dia Lutonga; neadiunde mu muaba wandi, nease ntempelo wa Yehowa.

Mika 5:2

Kadi wewe, Betelehema Efelata, udi mukese munkatshi mua biota bia Yuda, mukuabo nealuhuke munda muebe bua bualu buanyi, bua kuikala mukokeshi wa Bena Isalele; tshibangidilu tshiandi tshidi tshia kale kale, tshia ku ntuadishila mene

Yirmeya 23:5

Yehowa udi wamba ne, Monai, mu matuku atshidi alua, nensampishile Davidi Lutonga luakane; yeye neakokeshe bu mukelenge, nealeshe bakuabo meji makane, neajadike kulumbulula kuimpe ne buakane mu buloba.

Rome 10:15

Munyi muabambilabo kabai batumibua? Mbu muakafundabo ne, Makasa malengele nga bantu badi balua ne Lumu luimpe lua malu mimpe.

Bienzedi 5:42

Ku dituku ku dituku, mu ntempelo ne mu nsubu yabo, kabakalekela kuyisha bantu ne kubambila lumu luimpe ne, Yesu udi Kilisto.

Bienzedi 3:19

Kudimunai mitshima yenu, andamukai kabidi, bua mibi yenu Ijimishibue; bua bikondo bia kunukankamasha bifume ku mesu kua Mukelenge,

Luke 2:10

Muanjelo wakabambila ne, Kanutshinyi, bualu bua nakunusua ne lumu luimpe lua disanka dinene, nedikale kudi bantu bonso;

Luke 1:19

Muanjelo wakamuandamuna ne, Ndi bianyi Gabaliele, ntu ngimana ku mesu kua Nzambi; nakutumibua bua kuakula nʼebe ne bua kukuluila ne lumu luimpe.

Malaki 4:2

Kadi diba dia buakane nedinubandile nuenu badi banemeka dina dianyi, mibidi yenu neyondahibue mu nkenka yadi. Nuenu nenuluhuke, nenunaye bu bana ba ngombe haluhukabo mu tshikumbi.

Malaki 3:1

Yehowa wa misumba udi wamba ne, Monai, ndi ntuma messager wanyi, yeye nealongolole nshila ku mpala kuanyi; Mukelenge unudi nukeba nealue lubilu mu ntempelo wandi, messager wa dihungila, unudi nʼandi disanka, monai mudiye ulua!

Zekâya 13:7

Bika, muele wa nvita, taha mulami wanyi wa mikoko, ne muntu udi nyanʼanyi mu mudimu! Edi ndi dia Yehowa wa misumba. Taha mulami wa mikoko, mikoko itangadishibue; nengolole tshianza tshianyi kudi bana ba mikoko.

Zekâya 13:1

Mu dituku adi nebabuluile ba mu tshiota tshia Davidi ne ba mu Yelushalema mushimi wa mai, bua kubalengesha ku bubi ne ku malu a bukoya.

Zekâya 9:9

Sanka bikole, wewe muana mukashi wa mu Siona; ela mbila ne disanka, wewe muana mukashi wa mu Yelushalema. Mona, Mukelenge webe udi ulua kûdi; yeye udi muakane ne wakutamba hadi nʼandi lukuna bukole; udi ne kalolo, udi wenda ha nyima ha mpunda, ba nyima ha muana wa nyama wa mpunda mene.

Agayi 2:7

Yehowa wa misumba udi wamba ne, Nenzakashe bisamba bionso, ne meme nengûshe nsubu eu ne butumbi tente. Yehowa wa misumba udi wamba dî edi.

Yeshaya 61:1

Nyuma wa Mukelenge Yehowa udi hamʼbidi hanyi, bualu bua Yehowa wakunjidika ne manyi ha mutu hanyi bua meme kuambila badi mu dikenga lumu luimpe; wakuntuma bua kusangasha mitshima ya badi batamba kunyingalala, bua kuambila badi babueshibue mu buhika dî bua budishikaminyi buabo, ne bua kuambila badi basuikibue mu nsubu wa lukanu bua dikohoka diabo;

Yeshaya 52:7

Mona makasa a muntu udi ulua ne lumu luimpe bu mudiu malengele ha mikuna, udi umuangalasha lumu lua ditalala, udi ulua ne lumu lua diakalengele, udi umuangalasha lumu lua luhandu, udi wambila Siona ne, Nzambi webe udi ukokesha!

Yeshaya 41:27

Meme ndi wa kumudilu wakudianjila kuambila Siona ne, Tangila, ubatangile! Nentume kudi Yelushalema udi uya ne lumu luimpe kudiye.

Yeshaya 40:9

Wewe udi wambila ba mu Siona lumu luimpe, banda ha mutu ha mukuna mule; wewe udi wambila ba mu Yelushalema lumu luimpe, bandisha dî diebe bikole, udikoleshe, kutshinyi; Wambile ba mu misoko ya mu Yuda ne, Tangilai Nzambi wenu!

Yeshaya 11:1

Lutonga nelutoloke ku tshikuku tshia Yishai, ne ditamba dia ku miji yandi nedikuame mamuma.

Yeshaya 7:14

Nunku Mukelenge muine neanuhe tshimanyinu. Monai! Mukashi utshidi kamama neimite difu, nealele muana wa balume, neamuidike dina ne, Imanuele.

Dielulula 18:15

Yehowa, Nzambi wenu, neanubishile muprofete munkatshi mua bana benu bu meme, nenunvue dî diandi:

Genese 49:10

Dikombo dia bukelenge kadiena diumuka kudi Yuda, tshibangu tshia bukokeshi katshiena tshiumuka hankatshi ha makasa andi to ne halua Shilo, ne bantu bonso nebakukukuile.

Genese 26:4

Nenvudishangane tunkanunuina tuebe bungi bu mitoto ya mulu, nempe tunkanunui na tuebe buloba ebu buonso bisamba bionso bia ha buloba nebisankishibue bua tunkanunuina tuebe.

Genese 22:18

bisamba bionso bia ha buloba nebisanke bualu bua tunkanunuma tuebe, bualu bua wewe wakatumikila di dianyi.

Genese 12:3

Nensankishe bantu badi bakuvudishila wewe disanka, nengele muntu mulau udi ukuela wewe mulau Bisamba bionso bia ha buloba nebisanke bua bualu buebe.

Genese 3:15

Nenteke lukuna hankatshi hebe ne mukashi, ne hankatshi ha bana bebe ne bana bandi, muana wa mukashi neakukume ku mutu kuebe, ne wewe neumusume ku tshikankanyi-tshiandi.

Bienzedi 10:36

Yeye kabidi wakatumina bana ba Isalele dî, wakabambidila lumu luimpe lua ditalala kudi Yesu Kilisto (yeye udi Mukelenge wa bantu bonso);

Bienzedi 13:23

Nzambi wakasungula kankanunuina ka muntu eu, wakakabishila Isalele bu Musungidi, Yesu mene, bu muakabalayeye.

Bienzedi 14:15

Balumiana, nudi nuenzela nunku tshinyi? Tuetu tudi bantu bafukibue bu nuenu, tudi banuvuile ne lumu luimpe, bua nuenu nulekele malu â a hatuhu, nulonde Nzambi wa muoyo, wakafuka diulu ne buloba ne mai manene ne bintu bionso bidimu;

Rome 1:2

luakatulayeye diambedi kudi baprofete bandi mu mifundu ya tshijila,