Bienzedi 13:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nzambi wa tshisamba etshi tshia Isalele wakasungula bankambua betu, wakabisha bantu hakadibo bashikame mu buloba bua Ejipitu, wakabumushamu ne diboko dikole.

MUKANDA WA MYIDI MUKULU

¹⁷ Mvidi Mukulu wa tshisamba etshi, Mvidi Mukulu wa Izrayele, mmusungule bankambua betu. Uvua muvu-dije tshisamba etshi, pavuatshi kua bende mu ditunga dia Ejipitu. Pashishe kubapatulaye mu Ejipitu ku bukole buende.

Bienzedi 13:17 交叉引用

1 Petro 2:9

Kadi nuenu nudi tshisamba tshisungudibua, ne bakuidi ba bukelenge, ne tshisamba tshia tshijila, bantu badi bikale ba Nzambi muine, bua nuenu nuambe bua buimpe bua Nzambi wakanubikila bua kunuhatula mu mîdima bua kunubuesha mu munya wandi wa dikema.

Mika 6:4

Bualu bua nakanuluhula mu buloba bua Ejipitu, nakanuhikula mu nsubu wa buhika; nakatuma Mose, Alona ne Miyama ku mpala kuenu.

Amosa 2:10

Meme nakanuluhula mu buloba bua Ejipitu, nakanulombola mu tshihela tô bidimu makumi anai, bua nuenu nuangate buloba bua Bena Amole.

Yeshaya 44:1

Kadi unvua biebe mpindiu, Yakoba, mutu wanyi, wewe Isalele unakusungula.

Misambu 135:4

Bua Yehowa wakudisunguila Yakoba bua kuikaleye nʼandi, wakadisunguila Isalele bu buhianyi buandi.

1 Samuele 4:8

Mulau wakutukuata! Nganyi watusungila mu bianza bia nzambi ei ya bakole? Ei nnzambi yakashiha Bena Ejipitu ne makenga makole mu tshihela.

Dielulula 14:2

Bualu bua nuenu nudi bantu ba tshijila kudi Yehowa, Nzambi wenu; Yehowa wakanusungula munkatshi mua bantu bonso ba ha buloba bua nuenu nuikale bantu ba buhianyi buandi.

Dielulula 10:22

Bankambua benu makumi muanda mutekete bakaya mu Ejipitu; katataka Yehowa, Nzambi wenu, wakanuvudisha bungi bua mitoto idi mu diulu.

Dielulula 9:5

Kanuena nuhiana buloba buabo bualu bua buakane buenu anyi bua dijalama dia mitshima yenu: kadi Yehowa, Nzambi wenu, udi ubihata ku mpala kuenu bualu bua bubi buabo; bualu bua kuakasha nʼenu dî diakalaya Yehowa kudi batatu benu, Abalahama ne Isaka ne Yakoba.

Dielulula 7:19

mateta makole anuakatangila ku mesu, ne bimanyinu, ne malu a kukema, ne tshianza tshikole ne diboko diolola wakanuhatula nʼabi Yehowa, Nzambi wenu; ne Yehowa, Nzambi wenu, nênzele bantu bonso banudi nutshina nunku.

Dielulula 4:37

Bualu bua yeye wakasua batatu benu, nunku yeye wakasungula bana babo bakabalonda ku nyima, yeye nkayandi wakanuhatula mu Ejipitu ne bukole buandi bunene;

Dielulula 4:34

Anyi Nzambi wakamba kuya bua kudisunguila tshisamba munkatshi mua tshisamba tshikuabo, kudi mateta ne kudi bimanyinu ne kudi malu a kukema ne kudi nvita ne ku tshianza tshikole ne diboko diandi diolola ne kudi malu manene adi atshinyisha bantu bu muakanuenzela Yehowa, Nzambi wenu, mu Ejipitu ku mesu kuenu, anyi?

Dielulula 4:20

Kadi Yehowa wakanusungula bienu, wakanuhatula mu tshikutu tshia kahia, mu Ejipitu mene, bua nuenu nuikale bantu ba buhianyi buandi, bu mu dituku edi.

Ekesode 18:11

Katataka ndi mumanye ne, Yehowa udi utamba nzambi yonso buene, bualu bua wakahatula bantu mu bianza bia Bena Ejipitu hakabaleshabo dikamakama.

Ekesode 13:16

Bualu ebu nebuikale bu tshimanymu ku tshianza tshiebe ne bu tshmilukidi hankatshi ha mesu ebe bualu bua Yehowa wakabihanda mu Ejipitu ku bukole bua tshianza tshiandi.

Ekesode 13:14

Hanukonka muanʼenu wa balume ne, Bualu ebu ntshinyi? nemmuambile ne, Yehowa wakatuhatula mu buloba bua Ejipitu ne mu nsubu wa lukanu ku bukole bua tshianza tshiandi.

Ekesode 12:51

Mu dituku adi mene mene Yehowa wakumuka ne Bena Isalele mu Ejipitu ne bisumbu biabo.

Ekesode 14:8

Yehowa wakakolesha mutshima wa Palô, mukelenge wa Ejipitu, yeye wakalonda Bena Isalele, bualu bua Bena Isalele bakahatuka ne tshianza tshikole.