Bienzedi 12:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bena Tulo ne Bena Sidona bakafikisha Helode munda bikole; hakakuatabo bulunda ne Bulasto, mulami wa bintu bia mukelenge, bakalua kudi Helode ne mutshima umue bua kulengesha nʼandi, bualu bua luseke lua mukelenge luakadi ludisha luseke luabo.

MUKANDA WA MYIDI MUKULU

²⁰ Erode uvua mufikile bena Tire ne bena Sidone munda bikole. Nanku bena bimenga ebi kudisangisha bua kuya kumyuangana nende. Kulombabu Blastuse, mulombodi wa bena mudimu ba mu nzubu wa mukalenga, bua abakuile. Pashishe kumanyishabu Erode muvuabu bajinga kumyuangana nende. Bualu matunga abu avua apeta biakudia mu ditunga dia mukalenga Erode.

Bienzedi 12:20 交叉引用

Ezela 3:7

Bakafila argent yabo kudi bahandi ba mabue ne bena mabaya; bakafila bia kudia ne bia kunua ne manyi kudi ba mu Sidona ne ba mu Tulo bua kuluabo ne mitshi ya cêdre, bafume ku Lebanona, balue ku mai manene ku Yopa, bu muakadi mukenji wakabelela Kolesha, mukelenge wa Pelasa.

Yezekiyele 27:17

Ba mu Yuda ne ba mu buloba bua Isalele bakenduluka nʼebe mushinga; bakashintakasha nʼebe blé wa ku Minita, dihula, buitshi, manyi ne manyi a kulaba, ku bintu biwakenduluka nʼabi.

Luke 16:8

Mukelenge wakunyisha mulami mubi bualu bua yeye Wakenza budimu; bualu bua bana ba mu tshikondo etshi munkatshi mua ba mu mulongo wabo badi batambe bana ba munya budimu.

Muambi 10:4

Biakutekela mukokeshi tshiji, kumuki ku muaba webe nansha, bualu bua kalolo kadi katekesha bihendu bia bungi.

Nsumuinu 25:8

Kuyi lukasa bua kufuilangana ne muntu mu tshilumbu, bua kabakukonki ne, Newenze tshinyi kunshikidilu, halua muena mutumba nʼebe kukufuisha bundu?

Nsumuinu 17:14

Tshibangidilu tshia matandu tshidi bu kuhatuka kua mai; nunku diambedi matandu kâyi manze kuhatuka, lekela difuilangana.

2 Kulondolola 2:15

Blé ne orge ne manyi ne nvinyo biakuambila mukelenge wanyi, anji kutuminabi bantu bandi;

2 Kulondolola 2:10

Nempe bantu bebe badi bataha mitshi bihiminu bia bukula binunu makumi abidi ne bia orge binunu makumi abidi; ne bihiminu bia nvinyo binunu makumi abidi ne bia manyi binunu makumi abidi.

Yoshua 19:29

mukalu wakanyunguluka ku Lama ne ku musoko wa Tulo wakadi ne lumbu; mukalu wakanyunguluka ku Hosa; wakahatukila kukala kua mai manene ku luseke lua Akiziba;

Genese 10:19

Mukalu wa Bena Kanana wakadi ku Sidona (mu nshila wa ku Gela) to ne ku Gaza mu nshila wa ku Sodoma ne Amola ne Adema ne Seboima to ne ku Lasha.

Genese 10:15

Kanana wakalela Sidona muaba buta wandi ne Hete

Nsumuinu 20:18

Malu adi bantu bahangidisha adi ajadikibua ku kuhunga kua dî; hakuhabo lungenyi lua kuenza, luangana nvita.

Bienzedi 12:21

Hakafikila dituku diakasungulabo, Helode wakaluata bilulu bia bukelenge, wakashikama ha nkuasa wa butumbi, wakadi ubambila mei mimpe.

Bienzedi 21:3

Hatuakatangila Kupulio, tuakamushîa ku tshianza tshia luboko; tuakasabuka ku Sulia, nakahueka ku Tulo bua bena buatu bakasua kuhatulaku bintu.

Bienzedi 21:7

Hatuakashikisha luendu lutuakafuma nʼalu ku Tulo, tuakafika ku Tolemai, nakelangana ne bana betu muoyo, tuakalala nʼabo difuku dimue.